ຫຼັງໂຄວິດລະບາດ ຊາວລາວ ໃນເຂດແຊນໂຮເຊ ບໍ່ໄດ້ໄປມາຫາສູ່ກັນ ຄືກັບແຕ່ກ່ອນ

ຄົນລາວໃນເຂດແຊນໂຮເຊ ລັດຄາລີຟໍເນຍ ບໍ່ໄດ້ພົບປະສັງສັນ ຄືກັນກັບແຕ່ກ່ອນ ຫຼັງຈາກໂຄວິດ-19 ລະບາດແລ້ວ ໄພສານມີລາຍງານ:

ເຊີນຟັງຂ່າວ ໂຄວິດ-19 ເຮັດໃຫ້ຊາວລາວ ໃນເຂດແຊນໂຮເຊ ໄປມາຫາສູ່ກັນລຳບາກ

ຄົນລາວຜູ້ນຶ່ງໃນເຂດແຊນໂຮເຊ ລັດຄາລີຟໍເນຍ ກ່າວວ່າ ການສັ່ງໃຫ້ກັກໂຕຢູ່ໃນບ້ານໃນເຮືອນ ນັບແຕ່ກາງເດືອນມີນາເປັນຕົ້ນມາເຮັດໃຫ້ການພົບປະສັງສັນຂອງຄົນລາວໃນເຂດດັ່ງກ່າວ ກໍບໍ່ຄືກັນກັບແຕ່ກ່ອນ ແລະກໍມີຜົນກະທົບຕໍ່ການທຳມາຫາກິນປະຈຳວັນເພາະໃຜໆກໍຢ້ານໂຣກລະບາດນີ້. ທ່ານອຸດົມ ສານຸວົງ ກ່າວກ່ຽວກັບເລື້ອງນີ້ວ່າ:

ທ່ານອຸດົມ ກ່າວເຖິງຄຳສັ່ງໃຫ້ກັກໂຕຢູ່ໃນເຮືອນ

ແນວໃດກໍຕາມ ທ່ານອຸດົມ ກ່າວວ່າ ມາຈົນເຖິງເວລານີ້ ກໍຍັງບໍ່ມີຄົນລາວຕິດພະຍາດ ນີ້ເທື່ອ.

ທ່ານອຸດົມ ກ່າວເຖິງຄົນລາວຍັງປອດໄພ

Mr. Oudom Sanouvong

ວີດີໂອ ທີ່ສະແດງໃຫ້ເຫັນບ່ອນຈອດລົດທີ່ຫວ່າງເປົ່າ ຍ້ອນມີການອັດທຸລະກິດຕ່າງໆ

ລັດຄາລີຟໍເນຍ ເປັນລັດນຶ່ງທີ່ມີຄົນລາວອາໄສຢູ່ຫຼາຍທີ່ສຸດ ໃນສະຫະລັດ ແລະມາຈົນຮອດເວລານີ້ ລັດດັ່ງກ່າວ ມີຜູ້ຕິດພະຍາດໂຄວິດ-19 67,600 ຄົນແລະມີຜູ້ເສຍຊີວິດ 2,716 ຄົນ.