ອົງການອະນາໄມໂລກ ຫຼື WHO ກຳລັງແນະນຳບັນດາເຈົ້າໜ້າ
ທີ່ ບໍ່ໃຫ້ຮັບເອົາການບໍລິຈາກເລືອດ ຈາກຜູ້ຄົນຜູ້ທີ່ຫາກໍ່ກັບຄືນ
ມາຈາກບັນ ດາປະທດ ທີ່ໄດ້ຮັບຜົນກະທົບຈາກເຊື້ອໄວຣັສ Zika.
ເຊື້ອໄວຣັສທີ່ແຜ່ຜາຍດ້ວຍຍຸງດັ່ງກ່າວ ແມ່ນລະບາດຢ່າງກວ້າງ
ຂວາງຢູ່ໃນເຂດລາຕິນອາເມຣິກາ ໂດຍສະເພາະຢູ່ໃນປະເທດ
ບຣາຊິລ ແລະ ເປັນໄພອັນຕະລາຍຮ້າຍແຮງສຸດແກ່ບັນດາ
ແມ່ຍິງທີ່ຖືພາ.
ອົງການ WHO ໄດ້ກ່າວຕໍ່ອົງການຂ່າວ AFP ຂອງຝຣັ່ງ ໃນ
ວັນພະ ຫັດວານນີ້ວ່າ “ຍ້ອນການສ່ຽງ ທີ່ຈະເກີດການຕິດແປດ
ໃໝ່ ຂອງເຊື້ອໄວຣັສ Zika ຢູ່ໃນຫລາຍໆປະເທດນັ້ນມັນຈຶ່ງມີການຄາດຄະເນວ່າ ເປັນການເຕືອນໃຫ້ລະມັດລະວັງອັນເໝາະສົມ ຕໍ່ການພິຈາລະນາທີ່ຈະ ໂຈະການຮັບບໍລິຈາກເລືອດ ຈາກຜູ້ທີ່ຫາກໍກັບມາຈາກເຂດ ທີ່ມີການລະບາດຂອງເຊື້ອໄວຣັສ Zika.”
ບັນດານາຍແພດສົງໄສວ່າ ເຊື້ອໄວຣັສ Zika ພົວພັນກັບສະພາບການທີ່ແປກໆກ່ຽວກັບ
ເສັ້ນປະສາດ ທີ່ຮ້ອງວ່າ microcephaly ທີ່ເຮັດໃຫ້ພວກທາລົກເກີດມາມີຫົວນ້ອຍຜິດ
ປົກກະຕິ.
ບຣາຊິລລາຍງານວ່າ ມີຫຼາຍກວ່າ 4,000 ກໍລະນີຂອງໂຣກ micro-cephaly ນັບແຕ່
ເດືອນຕຸລາເປັນຕົ້ນມາ. ແຕ່ບັນດາຜູ້ຊ່ຽວຊານຍັງສັບ ສົນຢູ່ວ່າ ເປັນຫຍັງຈຶ່ງເກືອບບໍ່ມີ
ເລີຍຢູ່ໃນບັນດາປະເທດລາຕິນອາເມຣິ ກາອື່ນໆ ບ່ອນທີ່ເຊື້ອໄວຣັສ Zika ປາກົດຢູ່ນັ້ນ.
ປະເທດສະເປນ ໃຫ້ການຢືນຢັນກ່ຽວກັບເຊື້ອໄວຣັສດັ່ງກ່າວ ໃນວັນພະ ຫັດວານນີ້ ຢູ່ກັບ
ແມ່ຍິງຖືພາ ຜູ້ທີ່ຫາກໍ່ໄດ້ເດີນທາງໄປປະເທດໂຄລອມເບຍ. ນີ້ແມ່ນກໍລະນີທຳອິດທີ່ຮູ້ກັນ
ກ່ຽວກັບແມ່ຍິງຖືພາຕິດເຊື້ອໄວຣັສ Zika ໃນຢູໂຣບ.
ປັດຈຸບັນນີ້ບໍ່ມີຢາປິ່ນປົວເຊື້ອໄວຣັສດັ່ງກ່າວເທື່ອ. ແຕ່ວ່າບັນດາບໍລິສັດ ຜະລິດຢາຕ່າງໆ
ກຳລັງພາກັນເລັ່ງເລັດໃນການປະຕິບັດງານເພື່ອຊອກຫາຢາວັກຊີນ.
