ລິ້ງ ສຳຫລັບເຂົ້າຫາ

 
ທ່ານ ເຊ​ເລັນ​ສ​ກີ ກ່າວ​ວ່າ​ ມີ​ຄວາມ​ເປັນ​ໄປ​ໄດ້​ທີ່​ຈະ​ປົວ​ແປງ​ສາຍ​ພົວ​ພັນ​ກັບ ສະ​ຫະ​ລັດ ແລະ ເຮັດ​ຂໍ້​ຕົກ​ລົງ​ແຮ່​ຫາ​ຍາກ
ວັນພຸດ, ໐໒ ເມສາ ໒໐໒໕

ທ່ານ ເຊ​ເລັນ​ສ​ກີ ກ່າວ​ວ່າ​ ມີ​ຄວາມ​ເປັນ​ໄປ​ໄດ້​ທີ່​ຈະ​ປົວ​ແປງ​ສາຍ​ພົວ​ພັນ​ກັບ ສະ​ຫະ​ລັດ ແລະ ເຮັດ​ຂໍ້​ຕົກ​ລົງ​ແຮ່​ຫາ​ຍາກ


​ປະ​ທາ​ນາ​ທິ​ບໍ​ດີ ຢູ​ເຄ​ຣນ ທ່ານ ໂວ​ໂລ​ດີ​ເມຍ ເຊ​ເລັນ​ສ​ກີ ກຳ​ລັງ​ຟັງ​ຄຳ​ເຫັນ​ໃນ​ລະ​ຫວ່າງ​ການ​ພົບ​ປະ​ກັບ​ສື່ມວນ​ຊົນ​ຢູ່​ເຂດນອກ​ຂອງ​ນະ​ຄອນຫຼວງ ລອນ​ດອນ, ອັງ​ກິດ, 2 ມີ​ນາ 2025.REUTERS/Carlos Jasso
​ປະ​ທາ​ນາ​ທິ​ບໍ​ດີ ຢູ​ເຄ​ຣນ ທ່ານ ໂວ​ໂລ​ດີ​ເມຍ ເຊ​ເລັນ​ສ​ກີ ກຳ​ລັງ​ຟັງ​ຄຳ​ເຫັນ​ໃນ​ລະ​ຫວ່າງ​ການ​ພົບ​ປະ​ກັບ​ສື່ມວນ​ຊົນ​ຢູ່​ເຂດນອກ​ຂອງ​ນະ​ຄອນຫຼວງ ລອນ​ດອນ, ອັງ​ກິດ, 2 ມີ​ນາ 2025.REUTERS/Carlos Jasso

ປະ​ທາ​ນາ​ທິ​ບໍ​ດີ ຢູ​ເຄ​ຣນ ທ່ານ ໂວ​ໂລ​ດີ​ເມຍ ເຊ​ເລັນ​ສ​ກີ ໄດ້​ກ່າວ​ ໃນ​ວັນ​ອາ​ທິດ​ວານນີ້​ວ່າ ປະ​ເທດ​ຂອງ​ທ່ານ​ຍັງ​ຄົງ​ພ້ອມ​ທີ່​ຈະ​ເຊັນ​ຂໍ້​ຕົກ​ລົງ​ແຮ່​ທາດ​ຫາ​ຍາກ​ກັບ​ ສະ​ຫະ​ລັດ, ແລະ ວ່າ ​ທ່ານ​ເຊື່ອ​ວ່າ​ທ່ານ​ສາ​ມາດກອບ​ກູ້​ສາຍ​ພົວ​ພັນ​ກັບ​ປະ​ທາ​ນາ​ທິ​ບໍ​ດີ ສະ​ຫະ​ລັດ ທ່ານ ດໍ​ໂນ​ລ ທ​ຣຳ ກັບ​ຄືນ​ມາໄດ້.

ໃນ​ລະ​ຫວ່າງ​ການ​ໃຫ້​ຄຳ​ເຫັນ​ຕໍ່​ນັກ​ຂ່າວຫຼັງ​ຈາກ​ການ​ເຕົ້າ​ໂຮມ​ກັນ​ກັບ​ບັນ​ດາ​ຜູ້​ນຳ​ຢູ​ໂຣບ ໃນ​ປະ​ເທດ ອັງ​ກິດ​ນັ້ນ, ທ່ານ ເຊ​ເລັນ​ສ​ກີ ໄດ້​ກ່າວ​ວ່າ ​ທ່ານ​ຄິດ​ວ່າ​ ສະ​ຫະ​ລັດ ກໍ​ຍັງ​ພ້ອມ​ທີ່​ຈະ​ເຊັນ​ຂໍ້​ຕົກ​ລົງ​ແຮ່​ທາດ​ດັ່ງ​ກ່າວ, ແຕ່​ອາດ “ຕ້ອງ​ການ​ເວ​ລາ​ເພື່​ອ​ວິ​ເຄາະ​ບາງ​ຢ່າງ.”

ທັງ​ສອງ​ຝ່າຍ​ແມ່ນ​ຄາດ​ວ່າ​ ຈະ​ເຊັນ​ຂໍ້​ຕົກ​ລົງ​ໃນ​ອາ​ທິດ​ທີ່​ຜ່ານ​ມາ​ ໃນ​ລະ​ຫວ່າງ​ການ​ຢ້ຽມ​ຢາມ​ທຳ​ນຽບ​ຂາວ​ຂອງ​ທ່ານ ເຊ​ເລັນ​ສ​ກີ, ແຕ່ຂໍ້​ຕົ​ກ​ລົງ​ດັ່ງ​ກ່າວ ​ໄດ້​ລົ້ມ​ແຫຼວງຫຼັງ​ຈາກ​ມີ​ການ​ໂຕ້​ຖ​ຽງ​ກັນ​ດ້ວຍ​ຄຳ​ເວົ້າ​ຮຸນ​ແຮງ​ລະ​ຫວ່າງ​ການ​ພົບ​ປະ​ກັບ​ທ່ານ ທ​ຣຳ ແລະ ທ່ານ ເຈ​ດີ ແວນ​ສ໌ ຮອງ​ປະ​ທາ​ນາ​ທິ​ບໍ​ດີ ສະ​ຫະ​ລັດ.

ທ່ານ ເຊ​ເລັນ​ສ​ກີ ກ່າວ​ໃນ​ວັນ​ອາ​ທິດ​ວານນີ້​ວ່າ ຢູ​ເຄ​ຣນ ເພິ່ງ​ພາ​ອາ​ໄສການ​ຊ່ວຍ​ເຫຼືອ​ຂອງ ສະ​ຫະ​ລັດ ແລະ ໃນ​ການ​ຕໍ່​ສູ້​ຂອງ​ເຂົາ​ເຈົ້າ​ຕໍ່​ການ​ບຸກ​ລຸກ​ເປັນ​ເວ​ລາ​ສາມ​ປີ​ຂອງ ຣັດ​ເຊຍ.

ທ່ານ ເຊ​ເລັນ​ສ​ກີ ກ່າວ​ວ່າ “ຂ້າ​ພະ​ເຈົ້າ​ຄິດ​ວ່າ​ ການ​ຢຸດ​ການ​ຊ່ວຍ​ເຫຼືອ​ດັ່ງ​ກ່າວ​ມີ​ແຕ່​ຈະ​ຊ່ວຍ​ທ່ານ ປູ​ຕິນ. ແລະ ຍ້ອນ​ແນວ​ນັ້ນ, ຂ້າ​ພະ​ເຈົ້າ​ຄິດ​ວ່າ ສະ​ຫະ​ລັດ ແລະ ບັນ​ດາ​ຜູ້​ແທນ​ໃນ​ໂລກ​ທີ່​ສີ​ວິ​ໄລ, ບັນ​ດາ​ຜູ້​ນຳ​ຂອງ​ໂລກນີ້, ຈະ​ບໍ່​ຊ່ວຍ​ເຫຼືອ​ທ່ານ ປູ​ຕິນ ຢ່າງ​ແນ່ນອນ.”

ທ່ານ ທ​ຣຳ ໄດ້​ເອີ້ນ​ທ່ານ ເຊ​ເລັນ​ສ​ກີ ວ່າ ບໍ່​ສຳ​ນຶກ​ເຖິງບຸນ​ຄຸນ​ ໃນ​ລະ​ຫວ່າງ​ການ​ພົບ​ປະ​ຂອງວັນ​ສຸກ​ທີ່​ຜ່ານ​ມາ ແລະ ໄດ້​ພະ​ຍາ​ຍາມ​ເຮັດ​ຂໍ້​ຕົກ​ລົງ​ແຮ່​ທາດ​ດັ່ງ​ກັບ​ວິ​ທີ​ເພື່ອ​ຊົດ​ເຊີຍ ສະ​ຫະ​ລັດ ສຳ​ລັບ​ການ​ຊ່ວຍ​ເຫຼືອຫຼາຍ​ພັນ​ລ້ານ​ໂດ​ລາ​ທີ່​ເຂົາ​ເຈົ້າ​ໄດ້​ສະ​ໜອງ​ໃຫ້ ຢູ​ເຄ​ຣນ.

ທ່ານ ທ​ຣຳ ໄດ້​ໂຄສະນາໃນ​ຄວາມ​ຕ້ອງ​ການ​ທີ່​ຈະ​ສິ້ນ​ສຸດ​ສົງ​ຄາມ, ແລະ ໄດ້​ຈັດ​ການໂອ້​ລົມທາງ​ໂທ​ລະ​ສັບ​ກັບ​ທ່ານ ປູ​ຕິນ ນອກ​ຈາກ​ທີ່​ເຈົ້າ​ໜ້າ​ທີ່​ອາ​ວຸ​ໂສ​ຂອງ ສະ​ຫະ​ລັດ ກໍໄດ້ພົບ​ປະ​ກັບ​ພວກ​ຜູ້​ນຳ ຣັດ​ເຊຍ ໃນປະ​ເທດ ຊາ​ອຸ​ດີ ອາ​ຣາ​ເບຍ ເພື່ອ​ປຶກ​ສາ​ຫາ​ລື​ຄວາມ​ເປັນ​ໄປ​ໄດ້​ຂອງ​ຂໍ້​ຕົກ​ລົງ​ສັນ​ຕິ​ພາບ​ ໂດຍ​ປາ​ສະ​ຈາກ​ເຈົ້າ​ໜ້າ​ທີ່​ຂອງ ຢູ​ເຄ​ຣນ ເຂົ້າ​ຮ່ວມ​ໃນ​ການ​ເຈ​ລະ​ຈາ.

ທ່ານ ທ​ຣຳ ໄດ້​ຂຽນ​ຂໍ້​ຄວາມ​ລົງ​ໃນ​ສື່​ສັງ​ຄົມ Truth Social ຂອງ​ທ່າ​ນ​ເມື່ອ​ວັນ​ອາ​ທິດ​ວານນີ້​ວ່າ “ພວກ​ເຮົາ​ຄວນ​ໃຊ້​ເວ​ລາ​ໃນ​ການ​ເປັນ​ຫ່ວງ​ກ່ຽວ​ກັບ​ທ່ານ ປູ​ຕິນ ໜ້ອຍ​ລົງ, ແລະ ໃຊ້​ເວ​ລາຫຼາຍ​ຂຶ້ນ​ໃນ​ການ​ເປັນ​ຫ່ວງ ກ່ຽວ​ກັບ ແກັ່ງ​ພວກ​ຜູ້​ຍົກ​ຍ້າຍ​ຖິ່ນ​ຖ​ານ​ທີ່​ຂົ່ມ​ຂືນ​ແມ່​ຍິງ, ພໍ່​ຄ້າ​ຢາ​ເສບ​ຕິດ, ຄາດ​ຕະ​ກອນ ແລະ ພວກ​ຄົນ​ຈາກ​ສະ​ຖາ​ບັນ​ໂຣກ​ຈິດ​ທີ່​ເຂົ້າ​ມາ​ໃນ​ປະ​ເທດ​ຂອງ​ພວກ​ເຮົາ. ສະ​ນັ້ນ​ພວກ​ເຮົາ​ຈຶ່ງ​ຈະ​ບໍ່​ເປັນ​ຄື​ກັບ ຢູ​ໂຣບ.”

ອັນນັ້ນກໍໄດ້ຕິດຕາມມາດ້ວຍການເຈລະຈາໃນວັນອາທິດວານນີ້ ໃນລອນດອນ ເຊິ່ງໃນຊ່ວງລະຫວ່າງນັ້ນ ນາ ຍົກລັດຖະມົນຕີ ອັງກິດ ທ່ານເຄຍ ສຕາຣເມີ ໄດ້ກ່າວຕໍ່ບັນດາພັນທະມິດ 18 ປະເທດວ່າ ໂດຍທີ່ສະຫະລັດລັ່ງເລໃຈທີີ່ຈະສະໜັບສະໜູນຢູເຄຣນ, ຢູໂຣບກໍເຫັນຕົນເອງ “ຢູ່ທີ່ຈຸດເສັ້ນຂ້າມໃນປະຫວັດສາດ.”

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Ukrainian President Volodymyr Zelenskyy said Sunday his country remained ready to sign a rare earth minerals deal with the United States, and that he believes he can salvage relations with U.S. President Donald Trump.

Speaking to reporters after a gathering of European leaders in Britain, Zelenskyy said he thinks the United States will also be ready to sign the minerals deal, but may “need time to analyze some things.”

The two sides had been expected to sign an agreement last week during a Zelenskyy visit to the White House, but the arrangement fell apart after acrimonious verbal exchanges during a meeting with Trump and U.S. Vice President JD Vance.

Zelenskyy said Sunday that Ukraine counts on U.S. aid in its fight against Russia’s three-year-old invasion.

“I think stopping such assistance will only help [Russian President Vladimir] Putin,” Zelenskyy said. “And because of that, I think that the United States and representatives of the civilized world, leaders of this world, definitely won't help Putin."

Trump cast Zelenskyy as ungrateful during their Friday meeting and has sought the minerals deal as a way to reimburse the United States for the billions of dollars in aid it has provided to Ukraine.

Trump has promoted the need to end the war, and has held a phone call with Putin in addition to senior U.S. officials meeting with Russian officials in Saudi Arabia to discuss a potential peace deal without Ukrainian officials involved in the talks.

"We should spend less time worrying about Putin, and more time worrying about migrant rape gangs, drug lords, murderers, and people from mental institutions entering our Country - So that we don't end up like Europe!" Trump posted Sunday on his Truth Social platform.

ຟໍຣັມສະແດງຄວາມຄິດເຫັນ

XS
SM
MD
LG