ປະທານາທິບໍດີແຊມເບຍ ທ່ານ Michael Sata ໄດ້ເຖິງແກ່
ອະສັນຍະກຳ ທີ່ ນະຄອນຫລວງລອນດອນ ບ່ອນທີ່ທ່ານໄດ້
ໄປປິ່ນປົວ ພະຍາດທີ່ບໍ່ມີການເປີດເຜີຍໃຫ້ຊາບ ຊະນິດນຶ່ງ
ຮວມອາຍຸໄດ້ 77 ປີ.
ເລຂາຄະນະລັດຖະບານ ທ່ານ Roland Msiska ໄດ້ໃຫ້
ການຢືນຢັນ ໃນວັນພຸດມື້ນີ້ວ່າ ທ່ານ Sata ໄດ້ເຖິງແກ່ອະ
ສັນຍະກຳ ໃນຕອນແລງວັນອັງຄານວານນີ້.
ໃນອາທິດແລ້ວນີ້ ທຳນຽບປະທານາທິບໍດີ ກ່າວວ່າ ທ່ານໄດ້
ເດີນທາງອອກນອກປະເທດ ເພື່ອໄປ “ກວດສຸຂະພາບ”ແຕ່ບໍ່ໄດ້ໃຫ້ລາຍລະອຽດເພີ້ມເຕີມ.
ສຸຂະພາບຂອງທ່ານ ໄດ້ມີຄວາມເປັນຫ່ວງມາແຕ່ເດືອນມິຖຸນາ ຫລັງຈາກ ທ່ານໄດ້ເດີນ
ທາງໄປອິສຣາແອລ ເພື່ອປິ່ນປົວ ແລະຫລັງຈາກນັ້ນ ບໍ່ໄດ້ປາກົດໂຕໃນ ທີ່ສາທາລະນະ
ໃດໆ ເປັນເວລາສາມເດືອນ.
ນອກນັ້ນ ທ່ານຍັງບໍ່ໄດ້ໄປປາກົດໂຕຕາມໝາຍກຳນົດ ເພື່ອກ່າວຄຳປາໄສ ຢູ່ທີ່ ກອງປະ
ຊຸມສະມັກຊາໃຫຍ່ສະຫະປະຊາຊາດ ທີ່ນະຄອນນິວຢອກ ບ່ອນທີ່ຕຳຫລວດ ແຈ້ງໃຫ້
ວີໂອເອຊາບວ່າ ທ່ານໄດ້ຮັບການປິ່ນປົວຈາກບັນດາທ່ານໝໍ ຂອງກະຊວງຕ່າງປະເທດ
ສະຫະລັດ.
ທ່ານ Sata ໄດ້ນຳພາ ແຊມເບຍ ນັບຕັ້ງແຕ່ໄດ້ຮັບໄຊຊະນະໃນການເລືອກຕັ້ງ ເມື່ອປີ
2011 ທີ່ເຮັດໃຫ້ການເຄື່ອນໄຫວເພື່ອການປົກຄອງແບບປະຊາທິປະໄຕ ທີ່ມີຫຼາຍພັກ
ການເມືອງ ເປັນເວລາ 20 ປີ ສິ້ນສຸດລົງ. ມັນເປັນຄວາມພະຍາ ຍາມຄັ້ງທີສີ່ຂອງທ່ານ
ເພື່ອເຂົ້າເປັນປະທານາທິບໍດີ.
ທ່ານໄດ້ໃຫ້ຄຳໝັ້ນສັນຍາ ທີ່ຈະຕໍ່ສູ້ກັບການສໍ້ລາດບັງຫລວງ ແລະຊ່ວຍເຫລືອ ປະຊາ
ຊົນແຊມເບຍທີ່ທຸກຈົນ ໃນຂະນະທີ່ສືບຕໍ່ປະຕິບັດງານເພື່ອປັບປຸງສະພາບການເຮັດ
ວຽກ ຢູ່ຕາມບໍ່ແຮ່ຕ່າງໆ ໃນປະເທດທີ່ຜະລິດທອງແດງ ໃຫຍ່ສຸດຂອງ ອາຟຣິກາ.
ທ່ານ Sata ແມ່ນເປັນທີ່ຮູ້ກັນດີ ໃນຄວາມສາມາດກ່ຽວກັບການໃຫ້ຄວາມເຫັນແບບຕະ
ຫລົກ ແລະການກ່າວຄຳປາໄສແບບເຜັດຮ້ອນທີ່ເຮັດໃຫ້ທ່ານໄດ້ຮັບຊື່ຫລີ້ນວ່າ “ລາຊາງູ ເຫົ່າ.”
