ລິ້ງ ສຳຫລັບເຂົ້າຫາ

site logo
ວັນຈັນ, 23 ພຶດສະພາ 2022

ປະທານາທິບໍດີ Saleh ເດີນທາງກັບຄືນ ສູ່ເຢເມນແລ້ວ


ພວກສະໜັບສະໜຸນປະທານາທິບໍດີເຢເມນ ທ່ານ Ali Abduallah Saleh ຖືຮູບແລະຮ້ອງຄຳຂວັນຊົມເຊີຍທ່ານ ໃນລະຫວ່າງການໂຮມຊຸມນຸມ ສະເຫຼີມສະຫຼອງການກັບຄືນ ສູ່ນະຄອນຫຼວງ Sanaa ຂອງທ່ານ (23 ກັນຍາ 2011)

ປະທານາທິບໍດີເຢເມນທ່ານ Ali Abdullah Saleh ໄດ້ເດີນທາງກັບຄືນປະເທດແລ້ວຫຼັງ
ຈາກໄດ້ພັກຟື້ນຈາກການພະຍາຍາມລອບສັງຫານເປັນເວລາເດືອນຢູ່ທີ່ Saudi Arabia.

ໂທລະພາບຂອງເຢເມນລາຍງານວ່າ ປະທານາທິບໍດີ Saleh ໄດ້ເດີນທາງກັບຄືນປະເທດ
ໃນວັນສຸກມື້ນີ້ຈາກນະຄອນຫຼວງຣິຢາດຂອງ Saudi Arabia ບ່ອນທີ່ທ່ານໄດ້ໄປຮັບການ ປິ່ນປົວບາດແຜທີ່ຖືກໄຟໄໝ້ໃນລະຫວ່າງການໂຈມຕີດ້ວຍລະເບີດ ຕໍ່ທຳນຽບປະທານາທິບໍ
ດີທີ່ນະຄອນຫຼວງ Sana’a ໃນເດືອນມິຖຸນາຜ່ານມາ.

ການເດີນທາງກັບຄືນປະເທດຂອງທ່ານ ມີຂຶ້ນໃນຂະນະທີ່ການສູ້ລົບ ລະຫວ່າງກຳລັງທີ່ນິ
ຍົມແລະຕໍ່ຕ້ານລັດຖະບານຍັງດຳເນີນຢູ່ຕໍ່ມາເປັນມື້ທີ 6 ລຽນຕິດຊຶ່ງເຮັດໃຫ້ມີຜູ້ເສຍຊີວິດ
ແລ້ວເກືອບ 100 ຄົນນັບແຕ່ມື້ວັນອາທິດເປັນຕົ້ນມາ.

ທ່ານ Saleh ບໍ່ຍອມສະລະອຳນາດທັງໆທີ່ໄດ້ມີການປະທ້ວງມາໄດ້ 8 ເດືອນແລ້ວຊຶ່ງມີ
ປະຊາຊົນຈຳນວນຫຼາຍພັນຄົນ ພາກັນເດີນຂະບວນຢູ່ຕາມຖະໜົນຫົນທາງ ຮຽກຮ້ອງໃຫ້
ການປົກຄອງເປັນເວລາ 33 ປີຂອງທ່ານສິ້ນສຸດລົງ.

ໃນອາທິດນີ້ ສະພາການຮ່ວມມືໃນເຂດອ່າວເປີເຊຍ ທີ່ມີສະມາຊິກ 6 ປະເທດໄດ້ພົບປະ
ກັບຮອງປະທານາທິບໍດີເຢເມນທ່ານ Abed Rabbo Mansour Hadi ທີ່ນະຄອນຫຼວງ
Sana’a ໃນຄວາມພະຍາຍາມເພື່ອຮື້ຟື້ນແຜນການ ທີ່ໄດ້ຕົກຢູ່ໃນສະພາບບໍ່ໄປບໍ່ມາ ມາ
ເປັນເວລາດົນນານແລ້ວນັ້ນທີ່ຮຽກຮ້ອງໃຫ້ປະທານາທິບໍດີ Saleh ມອບອຳນາດໃຫ້ຜູ້ຮອງ
ຂອງທ່ານ.

ທ່ານ Saleh ໄດ້ຕົກລົງຮັບເອົາຂໍ້ສະເໜີດັ່ງກ່າວມາໄດ້ 3 ເທື່ອແລ້ວນັບແຕ່ເດືອນເມສາ
ເປັນຕົ້ນມາ ແຕ່ແນວໃດກໍຕາມໃນແຕ່ລະເທື່ອນັ້ນທ່ານໄດ້ປ່ຽນໃຈກ່ອນທີ່ຈະມີການລົງນາມ
ໃນຂໍ້ຕົກລົງ.

XS
SM
MD
LG