ລິ້ງ ສຳຫລັບເຂົ້າຫາ

ຊາວເຢເມນປະທ້ວງຕໍ່ຕ້ານ ລັດຖະບານ ຮອບໃໝ່

  • ໄພສານ ວໍຣະຈັກ

ພວກປະທ້ວງໃນເຢເມນ ພາກັນຮ້ອງຄຳຂວັນຕໍ່ຕ້ານລັດຖະບານ ໃນລະຫວ່າງການໂຮມຊຸມນຸມ ທີ່ນະຄອນຫຼວງ Sana'a ຮຽກຮ້ອງໃຫ້ສິ້ນສຸດ ການປົກຄອງຂອງປະທານາທິບໍດີ Abdullah Saleh (27 ມັງກອນ 2011)

ຊາວເຢເມນຈຳນວນຫຼາຍພັນຄົນ ເລີ້ມພາກັນໂຮມຊຸມນຸມ
ປະທ້ວງຮອບໃໝ່ ຢູ່ທີ່ນະຄອນຫຼວງ Sana’a ຮຽກຮ້ອງ
ໃຫ້ການປົກຄອງຂອງປະທານາທິບໍດີ Abdullah Saleh
ທີ່ດຳເນີນມາເປັນເວລາຫຼາຍທົດສະວັດນັ້ນສິ້ນສຸດລົງ.

ໃນວັນພະຫັດມື້ນີ້ ພວກປະທ້ວງໄດ້ໄປໂຮມຊຸມນຸມກັນຢູ່
ຫຼາຍໆຈຸດໃນນະຄອນຫຼວງ Sana’a ຮວມທັງມະຫາວິ
ທະຍາໄລ Sana’a ເພື່ອຮຽກຮ້ອງໃຫ້ມີການປ່ຽນລັດຖະ
ບານ.

ພວກນິຍົມລັດຖະບານ ຈຳນວນຫຼາຍຮ້ອຍຄົນ ກໍໄດ້ພາ
ກັນຈັດການໂຮມຊຸມນຸມຂອງພວກເຂົາເຈົ້າຂຶ້ນເພື່ອຕ້ານກັບການປະທ້ວງຂອງພວກຄັດຄ້ານ
ທີ່ນະຄອນຫຼວງຂອງເຢເມນ.

ທ່ານ Saleh ໄດ້ເຂົ້າກຳອຳນາດມາໄດ້ດົນກວ່າ 30 ປີແລ້ວ. ທ່ານໄດ້ຊະນະການເລືອກຕັ້ງ
ຕື່ມອີກໃນປີ 2007 ແລະໄດ້ສະເໜີໃຫ້ມີການແກ້ໄຂກົດໝາຍລັດຖະທຳມະນູນທີ່ຈະອຳນວຍ
ໃຫ້ທ່ານ ໄດ້ກຳອຳນາດຕໍ່ໄປອີກ ລຸນຫຼັງສະໄໝການປົກຄອງຂອງທ່ານ ໝົດອາຍຸລົງ ໃນປີ
2013 ຈະມານີ້.

ໃນຕົ້ນອາທິດນີ້ ປະທານາທິບໍດີ Saleh ໄດ້ສະເໜີໃຫ້ຂຶ້ນເງິນເດືອນ ແກ່ພວກລັດຖະກອນ
ພົນລະເຮືອນແລະພວກທະຫານບໍ່ເທົ່າໃດມື້ລຸນຫລັງທີ່ໄດ້ມີການປະທວ້ງຕໍ່ຕ້ານລັດຖະບານ.

ເກືອບເຄິ່ງນຶ່ງຂອງພົນລະເມືອງຈຳນວນ 23 ລ້ານຄົນຂອງເຢເມນດໍາລົງ​ຊີວິດ​ຢູ່ດ້ວຍລາຍໄດ້
2 ໂດລາ ຫຼືໜ້ອຍກວ່າຕໍ່ຄົນຕໍ່ມື້.

XS
SM
MD
LG