ບັນດາເຈົ້າໜ້າທີ່ລັດຖະບານເຢເມັນກ່າວວ່າ ປະທານາທິບໍດີ
Ali Abdul-lah Saleh ໄດ້ຕົກລົງຕໍ່ຂໍ້ສະເໜີຂອງພວກໄກ່
ເກ່ຍຈາກບັນດາປະເທດ ໃນເຂດອ່າວອາຫຣັບ ທີ່ຮຽກຮ້ອງ ໃຫ້ທ່ານໂອນອໍານາດແລະລາອອກ ພາຍໃນ 30 ມື້ນັ້ນ.
ພວກເຈົ້າໜ້າທີ່ກ່າວໃນວັນເສົາວານນີ້ວ່າ ລັດຖະບານເຢ
ເມັນໄດ້ແຈ້ງໃຫ້ ສະພາຮ່ວມມືແຫ່ງຂົງເຂດອ່າວອາຫຣັບ
ທີ່ປະກອບດ້ວຍຫົກປະເທດ ຫລື GCC ຊາບແລ້ວ ກ່ຽວ
ກັບການຕົກລົງຂອງປະທານາທິບໍດີ Saleh ທີ່ຍອມຮັບ
ເອົາຂໍ້ສະເໜີດັ່ງກ່າວ ທີ່ກໍານົດໃຫ້ທ່ານລາອອກຈາກຕໍາ
ແໜ່ງ ຫລັງຈາກປົກຄອງປະເທດ ມາໄດ້ 30 ປີ ແລະເພື່ອ
ເປັນການແລກປ່ຽນ ທ່ານ Saleh ພ້ອມຄອບຄົວ ແລະ
ພວກເຈົ້າໜ້າທີ່ໃກ້ຊິດຂອງທ່ານ ຈະໄດ້ຮັບສິດທິພິເສດ ບໍ່ໃຫ້ຖືກດໍາເນີນຄະດີໃດໆ.
ນອກນີ້ ແຜນການດັ່ງກ່າວຍັງກໍານົດໃຫ້ທ່ານ Saleh ໂອນ
ອໍານາດໃຫ້ແກ່ຮອງປະທານາທິບໍດີ ຜູ້ທີ່ ຫລັງຈາກນັ້ນ ຈະ
ຮຽກໃຫ້ມີການເລືອກຕັ້ງເອົາປະທານາທິບໍດີ. ແຜນການດັ່ງກ່າວຍັງຮຽກຮ້ອງໃຫ້ ຈັດຕັ້ງ
ລັດຖະບານສາມັກຄີຊາດ ຊຶ່ງພວກສະມາຊິກຂອງພັກທີ່ປົກຄອງປະເທດຈະໄດ້ບ່ອນນັ່ງໃນ
ສະພາເຄິ່ງນຶ່ງ ໂດຍໃຫ້ພັກປະສົມຝ່າຍຄ້ານຄອບຄອງ 40 ເປີເຊັນຂອງສ່ວນທີ່ເຫລືອແລະ
ອີກ 10% ແມ່ນໃຫ້ພວກພັກທີ່ບໍ່ຂຶ້ນກັບຝ່າຍໃດ.
ທ່ານ Abdullatif al-Zayani ເລຂາທິການໃຫຍ່ຂອງ GCC ໄດ້ນໍາສະເໜີແຜນການດັ່ງ
ກ່າວຕໍ່ປະທານາທິບໍດີ Saleh ເມອວັນພະຫັດຜ່ານມາ ໃນຄວາມພະຍາຍາມເພື່ອຢຸດຕິ
ຄວາມບໍ່ສະຫງົບ ຈາກການຕໍ່ຕ້ານລັດຖະບານນັ້ນ.
ກຸ່ມປະສົມຂອງພັກຝ່າຍຄ້ານເຈັດພັກ ກ່າວວ່າ ພວກເຂົາເຈົ້າຮັບເອົາແຜນການນີ້ ແຕ່ກໍຍັງ
ມີຄວາມສົງໃສບໍ່ແນ່ໃຈຢູ່. ພວກຜູ້ນໍາຝ່າຍຄ້ານປະຕິເສດ ບໍ່ເຂົ້າຮ່ວມລັດຖະບານຜະສົມ
ຕາບໃດທີ່ທ່ານ Saleh ຍັງຢູ່ໃນຕໍາແໜ່ງ.
ຊາວເຢເມນ ຈໍານວນຫລາຍໃນທົ່ວປະເທດ ໄດ້ພາກັນນັດຢຸດງານ ໃນວັນເສົາວານນີ້ ເພື່ອ
ປະທ້ວງການປົກຄອງຂອງປະທານາທິບໍດີ Saleh. ບາງກຸ່ມກໍເຕົ້າໂຮມກັນເພື່ອປະທ້ວງ ຢ່າງສັນຕິ
ທ່ານ ມາກ ໂທນເນີ ໂຄສົກກະຊວງຕ່າງປະເທດສະຫະລັດກ່າວວ່າ ວໍຊິງຕັນຍິນດີນໍາຂໍ້
ສະເໜີເພື່ອຍຸຕິວິກິດການໃນເຢເມັນນັ້ນ ແລະຮຽກຮ້ອງໃຫ້ມີການໄຂການໂອ້ລົມສົນທະນາ
ກັນໂດຍທັນທີ ໂດຍໝົດທຸກພັກຝ່າຍ ກ່ຽວກັບການໂອນອໍານາດນັ້ນ.
