ຫົວໜ້າດ້ານມະນຸດສະທຳອົງການສະຫະປະຊາຊາດ ໄດ້ເຕືອນໃນວັນຈັນວານນີ້ວ່າ “ຍັງອີກບາດກ້າວນຶ່ງ ກ່ອນທີ່ຈະເກີດໄພອຶດຫິວ."
ທ່ານ Stephen O’Brien ໄດ້ກ່າວຕໍ່ສະພາຄວາມໝັ້ນຄົງສະຫະປະຊາຊາດວ່າ ຊາວເຢເມນຫລາຍກວ່າ 21 ລ້ານຄົນ ຊຶ່ງປະກອບເປັນ 80 ເປີເຊັນຂອງຈຳນວນປະຊາກອນ ກຳ ລັງຢູ່ໃນຄວາມຕ້ອງການໆຊ່ວຍເຫລືອດ້ານມະນຸດສະທຳແນວໃດແນວນຶ່ງ.
ທ່ານ O’Brien ໄດ້ລາຍງານທາງໂທລະສັບຈາກ Bahrain ບ່ອນທີທ່ານໄດ້ໄປເຖິງ ເພື່ອຢ້ຽມຢາມເປັນເວລາ 10 ວັນທີ່ຈະຮວມທັງປະເທດ Kuwait, Qatar ແລະ ສະຫະລັດອາ ຣັບ Emirates. ທ່ານໄດ້ເດີນທາງໄປ Yemen ໃນຕົ້ນເດືອນແລ້ວນີ້.
ທ່ານ O’Brien ກ່າວວ່າ “ຫລາຍກວ່າ 2 ລ້ານຄົນພາກັນຂາດອາຫານຢູ່ໃນທົ່ວປະເທດ ຮວມທັງເດັກນ້ອຍ 370,000 ພັນຄົນ ທີ່ຂາດອາຫານຢ່າງຮ້າຍແຮງ. ນັ້ນແມ່ນເພີ້ມຂຶ້ນ 65 ເປີເຊັນ ປຽບທຽບໃສ່ປີກາຍນີ້ກ່ອນບັນຫາຂັດແຍ້ງໄດ້ເກີດຂຶ້ນ.
ລາຄາອາຫານໄດ້ສູງຂຶ້ນ 20 ເປີເຊັນນັບແຕ່ການສູ້ລົບໄດ້ເລີ້ມເລີ້ມຂຶ້ນປີກາຍນີ້ ແລະ Saudi ໄດ້ວາງມາດການກີດກັ້ນທີ່ເຮັດ ບໍ່ໃຫ້ສົ່ງອາຫານໄປໃຫ້ປະເທດ ກ່ອນເກີດການຂັດແຍ້ງ ທີ່ນຳເຂົ້າອານຫານເຖິງ 90 ເປີເຊັນນັ້ນ.
ຄວາມເປັນຫ່ວງ ກ່ຽວກັບອະຫິວາ ທີ່ມັກເກີດຈາກນໍ້າ ພະຍາດລົງທ້ອງ ກຳລັງເລີ້ມປາກົດໃຫ້ເຫັນ ໂດຍການຢັ້ງຢືນ 61 ກໍລະນີ ໄດ້ເສຍຊີວິດ ແລະ 1,700 ກໍລະນີ ທີ່ສົງໄສຢູ່ໃນ 10 ເຂດເມືອງ.
ທ່ານ O’Brien ກ່າວວ່າ ສະຫະປະຊາຊາດ ແລະບັນດາເພື່ອນຮ່ວມງານໃນ ດ້ານມະນຸດສະທຳກຳລັງຈັດຕັ້ງ 21 ສູນກາງປິ່ີນປົວພະຍາດອະຫິວາ ແຕ່ວ່າ ນັ້ນຍັງພຽງພໍທີ່ຈະສະກັດກັ້ນການລະບາດຂອງພະຍາດໄດ້.
