ກຳລັງຮັກສາຄວາມສະຫງົບຂອງເຢເມນກ່າວວ່າ ການໂຈມຕີທາງອາກາດຢູ່ໃນເຂດພາກໃຕ້
ຂອງປະເທດ ໄດ້ສັງຫານພວກທີ່ສົງໄສວ່າ ເປັນສະມາຊິກຂອງກຸ່ມກໍ່ການຮ້າຍອາລກາຍດາ
ຢ່າງນ້ອຍ 10 ຄົນ.
ພວກທີ່ເຫັນເຫດການກ່າວວ່າ ເຂົາເຈົ້າເຊື່ອວ່າການໂຈມຕີທາງອາກາດໃນຕອນແລງຂອງມື້
ວັນສຸກວານນີ້ ແມ່ນດຳເນີນໂດຍເຮືອບິນຂອງສະຫະລັດ.
ພວກຫົວຮຸນແຮງໄດ້ຂະຫຍາຍຖານປະຕິບັດງານຂອງຕົນຢູ່ໃນເຢເມນ ໃນລະຫວ່າງທີ່ເກີດ
ຄວາມວຸ້ນວາຍເປັນເວລາຫຼາຍໆເດືອນ ຊຶ່ງໃນທີ່ສຸດໄດ້ຍັງຜົນໃຫ້ມີການຂັບໄລ່ປະທານາທິ
ບໍດີ Ali Abdullah Saleh ທີ່ໄດ້ລາອອກຈາກຕຳແໜ່ງຢ່າງເປັນທາງການໃນເດືອນແລ້ວ
ນີ້.
ສະຫະລັດແລະ Saudi Arabia ຊຶ່ງເປັນເພື່ອນບ້ານຂອງເຢເມນ ມີຄວາມວິຕົກກັງວົນ
ກ່ຽວກັບການຂະຫຍາຍການປະຕິບັດງານຂອງກຸ່ມກໍ່ການຮ້າຍອາລກາຍດາຢູ່ໃນເຢເມນ.