ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ເຢເມນຈະຈັດການລົງປະຊາມະຕິ ໃນປີນີ້


ປະທານາທິບໍດີເຢເມນ ທ່ານ Ali Adullah Saleh ກ່າວຕໍ່ພວກສະໜັບສະໜຸນ ໃນລະຫວ່າງການໂຮມຊຸມນຸມ ທີສະໜາມກິລາແຫ່ງຊາດ ນະຄອນຫຼວງ Sanaa (10 ມີນາ 2011)
ປະທານາທິບໍດີເຢເມນ ທ່ານ Ali Adullah Saleh ກ່າວຕໍ່ພວກສະໜັບສະໜຸນ ໃນລະຫວ່າງການໂຮມຊຸມນຸມ ທີສະໜາມກິລາແຫ່ງຊາດ ນະຄອນຫຼວງ Sanaa (10 ມີນາ 2011)

ປະທານາທິບໍດີເຢເມນ ທ່ານ Ali Abdullah Saleh ​
ໄດ້ໃຫ້ຄຳໝັ້ນສັນຍາວ່າ ຈະຈັດໃຫ້ມີການລົງປະຊາມະ
ຕິ ເພື່ອຮັບເອົາລັດຖະທຳມະນູນສະບັບໃໝ່ ທີ່ຈະໃຫ້
ການຄໍ້າປະກັນໃນການປົກຄອງໂດຍສະພາແຫ່ງຊາດ.

ທ່ານ Saleh ກ່າວໃນຄຳປາໄສທາງໂທລະພາບໃນວັນ
ພະຫັດມື້ນີ້ວ່າ ລັດຖະທຳມະນູນສະບັບໃໝ່ຈະຄໍ້າປະກັນ
ກ່ຽວກັບການແຍກອຳນາດລະຫວ່າງຝ່າຍນິຕິບັນຢັດແລະ
ບໍລິຫານທ່ານກ່າວຕື່ມວ່າເຢເມນຈະຈັດໃຫ້ມີການລົງປະ
ຊາມະຕິພາຍໃນທ້າຍປີນີ້.

ການໃຫ້ຄຳໝັ້ນສັນຍາດັ່ງກ່າວ ຂອງປະທານາທິບໍດີ
Saleh ແມ່ນເປັນການສະໜອງຕອບ ຕໍ່ຄວາມຮຽກ
ຮ້ອງຕ້ອງການທີ່ສຳຄັນຂອງພວກປະທ້ວງຕໍ່ຕ້ານລັດ
ຖະບານ ທີ່ໄດ້ທວງ​ເອົາ​ສິດທິ​ ໃນການປະກອບສ່ວນ
ຫຼາຍຂຶ້ນໃນລັດຖະບານ ຊຶ່ງສ່ວນໃຫຍ່ແລ້ວ ​ແມ່ນນຳ
ພາໂດຍພັນທະມິດທີ່ໃກ້ຊິດຂອງທ່ານ Saleh ນັ້ນ. ພວກນັກເຄື່ອນໄຫວກ່າວວ່າພວກ
ເຂົາເຈົ້າບໍ່ພໍໃຈກ່ຽວກັບການສໍ້ລາດບັງຫຼວງຢ່າງແຜ່ກວ້າງ ແລະອັດຕາຄົນຫວ່າງງານທີ່
ມີເພີ່ມຂຶ້ນຊຶ່ງຢູ່ໃນລະດັບ 35% ຫຼືສູງກວ່ານັ້ນ.

ພວກປະທ້ວງທີ່ມີຄວາມໂກດແຄ້ນ ຍ້ອນການບຸກເຂົ້າ​ໄປຂອງກໍາລັງ​ຂອງລັດຖະບານໃນ
ມື້ວັນອັງຄານຜ່ານມາທີ່ເປັນເຫດໃຫ້ມີຜູ້ເສຍຊີວິດນຶ່ງຄົນແລະໄດ້ຮັບບາດເຈັບອີກຫຼາຍໆ
ຄົນນັ້ນໄດ້ພາກັນຕັ້ງຄ້າຍຕູບຜາໃບຂຶ້ນໃນວັນພຸດວານນີ້ ຢູ່ໃນບໍລິເວນມະຫາວິທະຍາໄລ
Sana’a.

ພວກປະທ້ວງສັນຍາວ່າ ຈະສືບຕໍ່ການນັ່ງປະທ້ວງຂອງພວກເຂົາເຈົ້າຕໍ່​ໄປ ຈົນ​ກ່ວາຈະສາ
ມາດໂຄ່ນລົ້ມການປົກຄອງມາເປັນເວລາ 32 ປີ ຂອງປະທານາທິບໍດີ Saleh ລົງໄດ້.

XS
SM
MD
LG