ຖ້ຽວບິນຕ່າງໆໄດ້ຖືກໂຈະເປັນການຊົ່ວຄາວທີ່ສະໜາມບິນ
ໃນນະຄອນຫຼວງຂອງເຢເມນ ຂະນະທີ່ການສູ້ລົບກັນ ລະ
ຫວ່າງທະຫານລັດຖະບານແລະກຳລັງປະກອບອາວຸດຂອງ
ພວກຊົນເຜົ່າເພີ່ມທະວີຄວາມຮ້າຍແຮງຂຶ້ນ.
ລາຍງານຂ່າວແຈ້ງວ່າການປະຕິບັດງານທີ່ສະໜາມບິນໄດ້
ຢຸດເຊົາລົງເວລາການສູ້ລົບໄດ້ແຜ່ລາມເຂົ້າໄປໃກ້ໆບໍລິເວນ
ສະໜາມບິນໃນວັນພະຫັດມື້ນີ້.
ມີລາຍງານວ່າ ກຳລັງປະກອບອາວຸດຊົນເຜົ່າຈຳນວນຫຼາຍ
ພັນຄົນພວມມຸ່ງໜ້າໄປຍັງນະຄອນຫຼວງ Sana’a ເພື່ອສົມ
ທົບໃນການສູ້ລົບກັບກຳລັງຕໍ່ຕ້ານລັດຖະບານ.
ມີລາຍງານຂ່າວແຈ້ງວ່າ ທະຫານລັດຖະບານໄດ້ຍິງປືນໃຫຍ່
ໂຈມຕີທີ່ໝັ້ນຂອງພວກທີ່ຈົງຮັກພັກດີຕໍ່ຜູ້ນຳຊົນເຜົ່າ Sheik Sadeq al-Ahmar ທີ່ຄຸ້ມ Hasaba ໃນນະຄອນຫຼວງ Sa-na’a.
ເຈົ້າໜ້າທີ່ກ່າວວ່າ ມີຢ່າງນ້ອຍ 41 ຄົນຈາກທັງສອງຝ່າຍໄດ້ເສຍຊີວິດ ໃນການສູ້ລົບກັນໃນ
ຄືນວັນອັງຄານແລະວັນພຸດວານນີ້.
ສ່ວນທີ່ເມືອງ Taiz ໃນພາກໃຕ້ຂອງເຢເມນນັ້ນທະຫານໄດ້ຍິງປືນເຂົ້າໃສ່ພວກປະທ້ວງທີ່
ຮຽກຮ້ອງໃຫ້ປະທານາທິບໍດີ Ali Abdullah Saleh ລາອອກ. ມີບໍ່ຕໍ່າກວ່າ 25 ຄົນໄດ້
ເສຍຊີວິດ ໃນການປະທະກັນທີ່ເມືອງ Taiz ໃນໄລຍະສອງສາມມື້ຜ່ານມານີ້.
ການສູ້ລົບກັນໄດ້ທະວີຄວາມຮ້າຍແຮງຂຶ້ນໃນປະເທດເຢເມນນັບແຕ່ການຢຸດຍິງທີ່ມີຜົນບັງ
ຄັບໃຊ້ເປັນເວລາສັ້ນໆ ໄດ້ແຕກຫັກລົງ.
