ລິ້ງ ສຳຫລັບເຂົ້າຫາ

ພວກຫົວຕໍ່ສູ້ Al-Qaida ຫລາຍສິບຄົນ ຖືກສັງຫານ ຢູ່ເຢເມັນ (ວີດີໂອ)


ການ​ໂຈມ​ຕີໂດຍ​ຍົນ​ບໍ່​ມີ​ຄົນ​ຂັບ ຫຼື ​ໂດຣນ ທີ່​ແນ​ເປົ້າ​ໝາຍ​
ໃສ່​ຄ້າຍ​ເຝິກ​ແອບ​ຂອງ​ກຸ່ມ​ກໍ່​ການ​ຮ້າຍ al-Qaida ​ໃນ​ເຂ​ດ
ພູ​ເຂົາ​ທີ່​ທຸລະກັນດານ​ ຢູ່​ພາກ​ໃຕ້​ຂອງ​ປະ​ເທດ​ເຢ​ເມັນ ​ໃນ​
ໄລ​ຍະ​ສອງ​ມື້​ຜ່ານ​ມາ​ນີ້ ​ໄດ້ສັງ​ຫານ​ພວກ​ຫົວຕໍ່ສູ້ ຫຼາຍກ່ວາ
30 ຄົນ.

ບັນດາ​ເຈົ້າ​ໜ້າ​ທີ່​ຝ່າຍ​ຄວາມ​ໝັ້ນຄົງ​ຂອງ​ເຢ​ເມັນ ​ກ່າວ​ວ່າ
ພວກ​ຫົວ​ຕໍ່​ສູ້ ຢ່າງ​ໜ້ອຍ 25 ຄົນ ເສຍ​ຊີວິດ ​ໃນ​ວັນ​ອາທິດ​
ວານ​ນີ້ ​ແລະ​ອີກ 10 ຄົນ ພ້ອມ​ກັບ​ພົນລະ​ເຮືອນ 3 ຄົນ ​ເສຍ
ຊີວິດ​ ​ໃນ​ມື້​ວັນ​ເສົາ​.

ພວກ​ເຈົ້າ​ໜ້າ​ທີ່​ບໍ່​ໄດ້​ບອກ​ວ່າ ​ຝ່າຍ​ໃດ​ເປັນ​ຜູ້​ທຳ​ການ​ໂຈມ​ຕີຄັ້ງ​ນີ້​.

ສະຫະລັດ​ໄດ້​ທຳ​ການ​ໂຈມ​ຕີ ດ້ວຍ​ຍົນ​ໂດຣນມາ​ເປັນ​ປະຈຳ​ ຢູ່​ໃນ​ເຢ​ເມັນ ຕໍ່​ສາຂາ​ຂອງ​
ກຸ່ມ al-Qaida ​ຢູ່​ທີ່​ນັ້ນ ຊຶ່ງ​ວໍ​ຊິງ​ຕັນ​ຖືວ່າ ​ເປັນ​ກຸ່ມ​ທີ່​ມີ​ການ​ເຄື່ອນ​ໄຫວ ຢ່າງ​ແຂງ​ຂັນ​ທີ່ສຸດ ​
ໃນ​ໂລກ.

ສາຂາ​ກຸ່ມ al-Qaida ໃນ​ເຢ​ເມັນ ທີ່ມີ​ຊື່ວ່າ Al-Qaida ໃນແຫລມ ອາເຣເບຍ ​ໄດ້​ຖືກ
ກ່າວໂທດ​ວ່າ ​ວາງ​ແຜນ​ທຳ​ການວາງ​ລະ​ເບີດ ​ໃສ່​ຊາວ​ອາ​ເມຣິກັນຫຼາຍໆ​ຄັ້ງ ​ທີ່​ບໍ່​ສຳ​
ເລັດ​ຜົນ ຊຶ່ງ​ຮວມທັງ​ຄວາມ​ພະຍາຍາມ​ຈະ​ວາງ​ລະ​ເບີດ ​ເຮືອບິນ​ໂດ​ຍສານ​ລຳ​ນຶຶ່ງ​ຂອງ​
ສະຫະລັດ ​ໂດຍ​ໃຊ້​ວັດຖຸ​ລະ​ເບີດ ທີ່​ເຊື່ອງ​ໄວ້ຢູ່​ໃນ​ສົ້ງຊັ້ນ​ໃນ​ຂອງ​ຜູ້​ໂດຍສານ​ຊາຍ​ຄົນ​
ນຶ່ງ ​ແລະ​ອີກແຜນການ​ນຶ່ງ ກໍ​ແມ່ນ ເຊື່ອງ​ວັດຖຸລະ​ເບີດ​ໄວ້​ໃນ ກັບ​ນ້ຳ​ໝຶກ​ເຄື່ອງພິມ​
ເອກະສານ ທີ່​ສົ່ງ​ມາ​ຍັງ​ສະຫະລັດໂດຍ​ທາງ​ເຮືອບິນ ​ເພື່​ອຈະລະ​ເບີດ​ເຮືອບິນ ລຳ​ນັ້ນ.

ວີດີໂອ: ຫົວໜ້າກຸ່ມ al-Qaida ໃນ​ເຢ​ເມັນ ອອກມາປະກາດວ່າ ຈະໂຈມຕີ ປະເທດຕາເວັນຕົກ ໂດຍສະເພາະ ສະຫະລັດອາເມຣິກາ.
XS
SM
MD
LG