ລິ້ງ ສຳຫລັບເຂົ້າຫາ

ປະທານາທິບໍດີ ຊາເລ ແຫ່ງເຢເມນ ໄດ້ຮັບບາດເຈັບສາຫັດ

  • ສິງ ບູຣົມມະວົງ

ພວກປະທ້ວງຕໍ່ຕ້ານລັດຖະບານ ທວງໃຫ້ປະທານາທິບໍດີ Ali Abdullah Saleh ລາອອກຈາກຕໍາແໜ່ງ ທີ່ນະຄອນຫລວງ ຊານາອາ ຂອງເຢເມນ ວັນທີ 8 ມິຖຸນາ 2011.

ບັນດາ​ເຈົ້າ​ໜ້າ​ທີ່​ສະຫະລັດ​ແລະ​ເຢ​ເມນ​ກ່າວ​ວ່າ ປະທານາ
ທິບໍດີ Ali Abdullah Saleh ​ໄດ້​ຮັບ​ບາດ​ເຈັບ​ຮ້າຍ​ແຮງ​
ກວ່າ​ທີ່​ໄດ້​ແຈ້ງ​ໃຫ້​ຊາບມາ​ກ່ອນ​ນັ້ນ​ຕັ້ງ​ຫລາຍ ​ໃນ​ການ​ໂຈມ​ຕີ​ທໍານຽບຂອງ​ທ່ານ​ໃນ​ສັບປະດາຜ່ານ​ມາ ຊຶ່ງ​ພາ​ໃຫ້​ເກີດ​ຄວາມ​ສົງ​ໄສ​ຫລາຍ​ຂຶ້ນ​ກ່ຽວ​ກັບ​ການ​ກັບ​ຄືນ​ໄປ​ຄອງ​ອໍານາດ​ຂອງ​ທ່ານ ​ໃນຂະນະທີ່ການ​ສູ້​ລົບ​ກັນ​ໃນ​ພາກ​ໃຕ້​ໄດ້​ເອົາ​ຊີວິດ​ປະຊາຊົນ​ໄປ​ຫລາຍ​ສິບ​ຄົນ​.

ທໍາ​ອິດ​ນັ້ນ​ໄດ້​ມີ​ການ​ປະກາດ​ຂ່າວ​ໃຫ້​ຊາບ​ວ່າ ທ່ານ​ຊາ​ເລ​ໄດ້​ຮັບ​ບາດ​ເຈັບຈາກ​ສະ​ເກັດ​ລູກ​ລະ​ເບີດ ​ແລະ​ມີ​ການ​ອ້າງ​ຄໍາ​ເວົ້າ​ຂອງຮອງ​ປະທານາທິບໍດີ​ຂອງ​ທ່ານ​ໃນ​ວັນ​ຈັນ​ຜ່ານ​ມາ​ນີ້​ວ່າ ປະທານາທິບໍດີ​ຈະ​ກັບ​ຄືນ​ໄປ​ຍັງ​ເຢ​ເມນ ​ພາຍ​ໃນ​ບໍ່​ເທົ່າ​ໃດ​ມື້​ຂ້າງ​ໜ້າ​ນີ້ ຈາກ Saudi Arabia ບ່ອນທີ່​ທ່ານ​ກໍາລັງ​ໄດ້​ຮັບ​ການ​ປິ່ນປົວ​ບາດ​ແຜ​ຢູ່​ທີ່​ນັ້ນ.

ແຕ່​ແຫ​ລ່ງຂ່າວ​ທາງ​ການ​ທູດ​ກ່າວ​ໃນ​ວັນ​ອັງຄານ​ວານ​ນີ້​ວ່າ ທ່ານ​ຊາ​ເລໄດ້​ຖືກ​ໄຟ​ໄໝ້​ໂຕ​ 40​ ກວ່າເປີ​ເຊັນ ຮວມທັງ​ຢູ່​ທີ່​ໜ້າ ຕາມ​ລໍາ​ຄໍ​ແລະ​ໜ້າ​ເອິກ​ຂອງ​ທ່ານ. ນອກນັ້ນຍັງມີການ​ເຊື່ອ​ກັນ​ອີກ​ເຊ່ນ​ກັນ​ວ່າ ທ່ານ​ໄດ້​ຮັບ​ບາດ​ເຈັບສາຫັດຢູ່​ທີ່​ຫົວຂອງ​ທ່ານ.

ນາຍົກລັດຖະມົນຕີຂອງ​ເຢ​ເມນ ພ້ອມ​ທັງ​ພວກ​ຜູ້​ຮອງ​ຂອງ​ທ່ານ 2 ຄົນ ຫົວໜ້າ​ຂອງ​ທັງ​ສອງ​ສະພາ​ແລະ​ຫົວໜ້າ​ດ້ານ​ນິຕິບັນຍັດ​ຂອງ​ພັກລັດຖະ ​ບານໄດ້​ຖືກ​ສົ່ງໄປ​ພະຍາບານໂຕທີ່ Saudi Arabia ຍ້ອນໄດ້​ຮັບ​ບາດ​ແຜ​ສາຫັດ.

ໃນ​ຂະນະ​ດຽວ​ກັນ ຄວາມ​ວຸ້ນວາຍ​ທີ່ໄດ້​ເກີດ​ຂຶ້ນ​ໃນ​ປະ​ເທດ​ມາ​ເປັນເວລາ​ຫລາຍ​ເດືອນ​ແລ້ວ​ນັ້ນ ບໍ່​ໄດ້​ສະ​ແດງ​ຮ່ອງຮອຍ​ໃຫ້​ເຫັນ​ວ່າ​ຈະຍຸດຕິ​ລົງ ​ເຖິງ​ແມ່ນ​ປະທານາທິບໍດີ​ບໍ່​ຢູ່​ໃນ​ປະ​ເທດ​ກໍ​ຕາມ.

XS
SM
MD
LG