ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ທ່ານ ນາງ ເຢລເລັນ ເຕືອນວ່າ ທ່ານ ຈະພົບກັບຈີນ ກ່ຽວກັບການຊ່ວຍເຫຼືອດ້ານພະລັງງານຂອງຈີນ


ແຟ້ມພາບ - ລັດຖະມົນຕີກະຊວງການເງິນສະຫະລັດ ທ່ານນາງ ເຈເນັດ ເຢລເລັນ ກ່າວຕໍ່ກອງປະຊຸມນັກຂ່າວ ໃນເມືອງ ຄານທີນາກາ, ປະເທດອິນເດຍ, ວັນທີ 16 ກໍລະກົດ 2023. ທ່ານນາງ ເຢລເລັນ ຈະເດີນທາງໄປຈີນ ໃນໄວໆນີ້ ເພື່ອຫາລື ກ່ຽວກັບ ການແຂ່ງຂັນທີ່ຢຸດຕິທຳ ໃນອຸດສາຫະກຳພະລັງງານສະອາດ.
ແຟ້ມພາບ - ລັດຖະມົນຕີກະຊວງການເງິນສະຫະລັດ ທ່ານນາງ ເຈເນັດ ເຢລເລັນ ກ່າວຕໍ່ກອງປະຊຸມນັກຂ່າວ ໃນເມືອງ ຄານທີນາກາ, ປະເທດອິນເດຍ, ວັນທີ 16 ກໍລະກົດ 2023. ທ່ານນາງ ເຢລເລັນ ຈະເດີນທາງໄປຈີນ ໃນໄວໆນີ້ ເພື່ອຫາລື ກ່ຽວກັບ ການແຂ່ງຂັນທີ່ຢຸດຕິທຳ ໃນອຸດສາຫະກຳພະລັງງານສະອາດ.

ລັດຖະມົນຕີກະຊວງການເງິນສະຫະລັດທ່ານ ນາງ ເຈເນັດ ເຢລເລັນ (Janet Yellen) ກ່າວໃນວັນພຸດວານນີ້ວ່າ ເງິນອຸດຫນູນຂອງຈີນສໍາລັບອຸດສາຫະກໍາ ພະລັງງານສະອາດ ເຮັດໃຫ້ມີການແຂ່ງຂັນທີ່ບໍ່ຍຸດຕິທໍາ ເຊິ່ງ "ສົ່ງຜົນກະທົບຕໍ່ ບັນດາບໍລິສັດ ແລະຄົນງານອາເມຣິກັນ, ຕະຫຼອດຈົນເຖິງບໍລິສັດ ແລະຄົນງານ ໃນທົ່ວໂລກ."

ໃນ​ລະ​ຫວ່າງ​ການ​ຢ້ຽມ​ຢາມຈີນ ທີ່ກຳລັງຈະມາເຖິງ, ​ທ່ານນາງ ເຢລເລັນ ກ່າວ​ວ່າ ​ທ່ານນາງ​ຕັ້ງ​ໃຈ​ທີ່​ຈະ​ເຕືອນ​ຈີນວ່າ ການພິຈາລະນາຮັບປະກັນດ້ານ​ພະ​ລັງ​ງານ​ ແລະ​ບໍ​ລິ​ສັດ​ອື່ນໆ​ລະດັບຊາດຂອງຈີນ ກຳລັງ​ສ້າງ​ການ​ສະ​ຫນອງ​ເກີນ ຄວາມຕ້ອງການຂອງຕະຫຼາດ ​ແລະ​ການ​ລົບກວນ​ຕະ​ຫຼາດ​, ລວມເຖິງ​ບັນ​ຫາ​ອື່ນໆ​.

"ໃນເວລາທີ່ຂ້າພະເຈົ້າໄປຢ້ຽມຢາມຈີນ, ຂ້າພະເຈົ້າຕັ້ງໃຈທີ່ຈະສົນທະນາກັບຈີນ ກ່ຽວກັບ ການສະໜອງທີ່ລົ້ນເຫຼືອ ໃນອຸດສາຫະກໍາເຫຼົ່ານີ້ບາງສ່ວນ, ແລະໃຫ້ ແນ່ໃຈວ່າພວກເຂົາເຂົ້າໃຈເຖິງຜົນກະທົບທີ່ບໍ່ຕ້ອງການເຊັ່ນ ການເຮັດໃຫ້ຕະ ຫຼາດເຕັມໄປດ້ວຍສິນຄ້າລາຄາຖືກ, ທີ່ກຳລັງເກີດຂຶ້ນໃນ ສະຫະລັດ ແຕ່ຍັງ ລວມເຖິງໃນຫຼາຍໆປະເທດພັນທະມິດທີ່ໃກ້ຊິດທີ່ສຸດຂອງພວກເຮົາ,” ທ່ານນາງ ເຢລເລັນ ກ່າວໃນຄໍາປາໄສ ຢູ່ທີ່ເມືອງ ນໍຄຣັອສ (Norcross), ລັດ ຈໍເຈຍ.

ທ່ານນາງ ເຢລເລັນ ກ່າວວ່າທ່ານນາງເຊື່ອວ່າການອຸດຫນູນເຫຼົ່ານີ້ ຈະຊ່ວຍໃຫ້ ຈີນ ສາມາດເຮັດໃຫ້ຕະຫຼາດສໍາລັບແຜງພະລັງງານແສງອາທິດ, ຊິ້ນສ່ວນລົດ ໄຟຟ້າ ແລະຫມໍ້ໄຟ lithium-ion ລົ້ນໄດ້, ເຊິ່ງຈະລົບກວນການຜະລິດໃນປະ ເທດອື່ນໆ ແລະລາຄາໃນທົ່ວໂລກ.

ທ່ານ ນາງ ເຢລເລັນ ກ່າວ​ວ່າ “ຂ້າ​ພະ​ເຈົ້າ​ຈະ​ສະ​ແດງ​ຄວາມ​ເຊື່ອ​ໝັ້ນ​ຂອງ​ຂ້າ​ພະ​ເຈົ້າທີ່​ວ່າ ກຳລັງການຜະລິດສ່ວນເກີນ​ຈະ​ສ້າງ​ຄວາມ​ສ່ຽງ​ບໍ່​ພຽງ​ແຕ່​ຕໍ່​ກຳ​ມະ​ກອນ ແລະ​ບໍ​ລິ​ສັດ​ອາ​ເມ​ຣິກັນ ແລະ​ຕໍ່​ເສດ​ຖະ​ກິດ​ຂອງໂລກ​ເທົ່າ​ນັ້ນ, ແຕ່​ຍັງ​ລວມເຖິງປະສິດທິພາບ​ໃນການຜະລິດ ແລະ​ການ​ເຕີບ​ໂຕ​ຂອງ​ເສດ​ຖະ​ກິດ​ຈີນ, ດັ່ງ​ທີ່​ຈີນ​ເອງ​ໄດ້ຍອມຮັບ​ໃນ​ສະ​ພາ​ປະ​ຊາ​ຊົນ​ແຫ່ງ​ຊາດ​ໃນ​ເດືອນ​ນີ້. "ແລະຂ້າພະ ເຈົ້າຈະກົດດັນຄູ່ຮ່ວມງານຈີນຂອງຂ້າພະເຈົ້າ ໃຫ້ດໍາເນີນການຕາມຂັ້ນຕອນທີ່ ຈໍາເປັນເພື່ອແກ້ໄຂບັນຫານີ້."

ອ່ານຂ່າວນີ້ເປັນພາສາອັງກິດ:

ຟໍຣັມສະແດງຄວາມຄິດເຫັນ

XS
SM
MD
LG