ເບິ່ງວີດິໂອລາຍງານຂ່າວພາສາອັງກິດ
ເຫດການ Arab Spring ຫລື ລະດູບານໃໝ່ຂອງອາຫຣັບ ເລິ່ມຕົ້ນດ້ວຍການເສຍຊີວິດ
ຂອງຊາຍໜຸ່ມນຶ່ງ: ຄື ໃນຕົ້ນເດືອນມັງກອນປີ 2011 ພວກປະທ້ວງພາກັນຫລັ່ງໄຫລລົງ
ສູ່ຖະໜົນຫົນທາງໃນປະເທດຕູນີເຊຍ ເພື່ອສະແດງຄວາມເປັນເອກກະພາບ ກັບພໍ່ຄ້າໜຸ່ມ
ຂາຍໝາກໄມ້ແຄມທາງ ທີ່ໄດ້ຈູດເຜົາຕົນເອງຕາຍ ຍ້ອນສິ້ນຫວັງໃນຊີວິດຂອງລາວພາຍ
ໃຕ້ລະບອບ ທີ່ໂຫດຮ້າຍທາຣຸນ ທີ່ີບໍ່ຍອມໃຫ້ລາວຫາລ້ຽງຊີບໂດຍການຂາບໝາກໄມ້ຢູ່
ແຄມທາງໃນນະຄອນຫລວງຕູນິສນັ້ນ.
ມັນເປັນການຕາຍຂອງຄົນໆນຶ່ງ ທີ່ໄດ້ມອບຊີວິດໃຫ້ແກ່ການເຄຶ່ອນໄຫວບັ້ນນຶ່ງ ເພື່ອ
ປ່ຽນແປງແນວທາງຂອງຂົງເຂດຕາເວັນອອກກາງ ແລະອາຟຣິກາເໜືອ.
ເປັນເວລາຫລາຍສິບປີ ທີ່ຊີວິດທາງການເມືອງໃນຂົງເຂດດັ່ງກ່າວຕົກຢູ່ໃນສະພາບບໍ່ມີການ
ປ່ຽນແປງ ກ້າວໜ້າແນວໃດເລີຍ. ຫລາຍໆປະເທດທີ່ເປັນ ສາທາລະນະລັດແຕ່ໃນນາມນັ້ນ
ແທ້ໆແລ້ວກໍຄືອານາຈັກຂອງຜູ້ມີຖານະລໍ້າລວຍ ບໍ່ເທົ່າໃດຄົນ ທີ່ມີຄວາມປາດຖະໜາແບບ
ເຊື້ອກະສັດທີ່ຢາກເຫັນ ພວກລູກຊາຍຂອງຕົນ ສືບທອດທຸລະກິດປົກຄອງລັດສືບຕໍ່ໄປ
ຊຶ່ງເບິ່ງຄືວ່າຈະບໍ່ມີຫຍັງພາໃຫ້ມີການປ່ຽນແປງເກີດເລີຍ ຈົນກະທັງມັນເກີດຂຶ້ນ.
ການປະຕິວັດຕໍ່ຕ້ານພວກຜະເດັດການ ທີ່ໄດ້ລຸກຂຶ້ນເປັນໄຟອ່ອນໆມາເປັນເວລາຫລາຍປີ
ໄດ້ຟົດເດືອດຂຶ້ນເຖິງຈຸດແຕກສະບັ້ນ. ສໍາລັບຫລາຍໆຄົນແລ້ວ ແມ່ນບໍ່ມີທາງທີ່ຈະຄືນໄປສູ່
ສະພາບເກົ່າໄດ້ອີກແລ້ວ. ນາງ Heba Morayef ຈາກກຸ່ມສິ້ງຊອມສິດທິມະນຸດ Human
Rights Watch ກ່າວວ່າ:
“ນຶ່ງໃນຫລາຍເຫດການ ທີ່ພວກເຮົາເຫັນໃນຫລາຍໆປະເທດໃນລະດູບານໃໝ່
ຂອງອາຫຣັບ ທໍາອິດນັ້ນແມ່ນຢູ່ໃນປະເທດຕູນີເຊຍ ຕໍ່ມາກໍຢູ່ໃນປະ ເທດອີຈິບ
ລາມໄປເຖິງລີເບຍ ແລະຊີເຣຍ ກໍແມ່ນພາບເຫດການເຫລົ່ານີ້ຄືພວກປະທ້ວງ
ຊຶ່ງປົກກະຕິແລ້ວມີແຕ່ພວກຊາຍໜຸ່ມຜູ້ເຕັມໃຈທີ່ຈະສະຫລະ ຊີບເພື່ອອຸດົມການ
ແຫ່ງເສລີພາບ ເພື່ອຄວາມເຊື່ອໃນສິດທິທີ່ປະເຊີນໜ້າກັບພວກເຈົ້າໜ້າທີ່ຮັກສາ
ຄວາມປອດໄພທີ່ຖືປືນ ຢູ່ໃນຫົວເມືອງນຶ່ງ ລາມຕໍ່ ໄປຍັງຫົວເມືອງອື່ນໆ. ແລະ
ຄວາມພິລາດອາດຫານໃໝ່ໃນການລຸກຮືຂຶ້ນມາຕໍ່ຕ້ານການກົດຂີ່ ທີ່ພວກເຮົາ
ໄດ້ພົບເຫັນນັ້ນ ແທ້ໆແລ້ວກໍຄືເຊື້ອໄຟທີ່ຫລໍ່ລ້ຽງລະດູບານໃໝ່ຂອງອາຫຣັບ
ນັ້ນເອງ.”
ພວກປະທ້ວງໄດ້ຮຽນຮູ້ຈາກກັນເອງ ເພາະວ່າໂດຍສ່ວນໃຫຍ່ແລ້ວພວກເຂົາເຈົ້າແມ່ນລຸກ
ຮືຂຶ້ນມາຕໍ່ສູ້ຕ້ານເລຶ່ອງດຽວກັນ. ທໍາມະຊາດທາດແທ້ຂອງ ພວກຜູ້ນໍາທີ່ກົດຂີ່ປາບປາມທີ່
ສຸດໄດ້ກາຍມາເປັນສິ່ງທີ່ທັບມ້າງທໍາລາຍພວກເຂົາໃຫ້ພັງລົງໄປຕາມໆກັນ. ທ່ານ Said
Sadek ແຫ່ງມະຫາວິທະຍາໄລອາເມຣິກັນ ທີ່ໄຄໂຣ ກ່າວວ່າ:
“ພວກລັດຖະບານຜະເດັດການທັງໝົດນີ້ມີລະບົບດຽວກັນທຸກຢ່າງ ບໍ່ວ່າຈະ
ແມ່ນດ້ານທະຫານ ການສືບລັບ ແລະຕໍາຫລວດ ດັ່ງດຽວກັນກັບຢູ່ໃນປະເທດ
ຕູນີເຊຍ ອີຈິບ ເຢເມັນຊີເຣຍ ລີເບຍ ແມ່ນລະບົບດຽວກັນໝົດ ແລະໃນທີ່ສຸດ
ໃຜກໍຮູ້ວ່າອັນໃດເປັນອັນໃດ ຄືເມື່ອໃດບາງສິ່ງບາງຢ່າງກະທົບໂດມິໂນແລ້ວ
ໂດມິໂນທັງໝົດກໍຖືກະທົບລົ້ມລະລາຍໄປຕາມໆກັນ."
ການລຸກຮືຂຶ້ນຫລາຍບັ້ນຜ່ານມານັ້ນ ບໍ່ແມ່ນວ່າຈະປ່ຽນແປງແຕ່ພວກປົກຄອງພວກປະ
ເທດເຫລົ່ານີ້ເທົ່ານັ້ນ ແຕ່ຍັງແມ່ນຕໍ່ພວກປະເທດພັນທະມິດທີ່ບໍ່ໝັ້ນຄົງມາເປັນເວລາຍາວ
ນານນັ້ນນໍາ.
“ມັນຖືກນໍາມາຊຶ່ງຄວາມຮູ້ສຶກທີ່ແບບວ່າບໍ່ຄາດຄິດກ່ຽວກັບຂົງເຂົດຕາເວັນ
ອອກກາງ ທີ່ເບິ່ງຄືວ່າເປັນຂົງເຂດທີ່ມີຄວາມໝັ້ນຄົງເປັນປຶກແຜ່ນດີ. ໃນ
ຫລາຍໆກໍລະນີແລ້ວພວກຜູ້ນໍາຜະເດັດການທັງຫລາຍມັກຈະໂອນອໍານາດ
ຂອງຕົນໃຫ້ແກ່ພວກລູກໆຂອງເຂົາເຈົ້າ ແລະບ່ອນທີ່ປະຊາຄົມນານາຊາດ
ທີ່ພໍຈະອາໃສກາງຕໍ່ມີພວກປະເທດເພື່ອນມິດສະເພາະໃດນຶ່ງໃນຂົງເຂດທີ່ຮັບ
ປະກັນສະຖຽນລະພາບຂອງປະເທດ ຊຶ່ງຂ້າພະເຈົ້າຄິດວ່າຄວາມເຂົ້າໃຈກ່ຽວ
ກັບຂົງເຂດຕາເວັນອອກກາງນັ້ນແມ່ນແຕກສະບັ້ນລົງໄປແລ້ວ."
ການຕັດສິນໃດໆຍັງບໍ່ມີເທື່ອໃນເວລານີ້ ວ່າພວກປະທ້ວງຈະນໍາເອົາຄວາມ ຫວັງແຫ່ງ
ການປ່ຽນແປງນີ້ໄປສູ່ລັດຖະບານທີ່ມີຜູ້ແທນຫລືຜູ້ຕ່າງໜ້າປະຊາ ຊົນໄດ້ຫລືບໍ່. ບາງ
ຄົນມອງເຫັນວ່າການໂຜ່ໂຕຂຶ້ນມາຂອງພັກອີສລາມໃນຕູນີເຊຍແລະອີຈິບນັ້ນ ຖືວ່າເປັນ
ສິ່ງຂົ່ມຂູ່ຕໍ່ການຫັນປ່ຽນໄປສູ່ລະບອບປະຊາທິປະໄຕໄດ້.
ແລະສໍາລັບພວກປະເທດອື່ນໆໃນຂົງເຂດຕາເວັນອອກກາງນັ້ນ ການດິ້ນຮົນແມ່ນຈະມີ
ສືບຕໍ່ໄປ.
ແຕ່ສິ່ງນຶ່ງທີ່ແນ່ນອນທີ່ສຸດ ກໍຄືພວກຊາວໜຸ່ມທີ່ບໍ່ຢ້ານກົວສິ່ງໃດໆເຫລົ່ານີ້ ໄດ້ກາຍເປັນຜູ້
ມີສິດເລືອກຕັ້ງກຸ່ມນຶ່ງ ທີ່ພວກຜູ້ນໍາໜ້າໃໝ່ຊາດຫຣັບໃຜກໍຕາມຈະຕ້ອງຈັດການກັບສິ່ງນີ້
ນັບຕັ້ງແຕ່ບັດນີ້ເປັນຕົ້ນໄປ.
ເບິ່ງວີດິໂອກ່ຽວກັບການລຸກຮືຂຶ້ນລະດູບານໃໝ່ຂອງອາຫຣັບ ເປັນພາສາອັງກິດ