ປະທານາທິບໍດີໂອບາມາໄດ້ຮັບໄຊຊະນະທາງດ້ານນິຕິບັນຢັດຈຳນວນນຶ່ງ ໃນປີ 2010.
ທ່ານໄດ້ລົງນາມໃຫ້ເປັນກົດໝາຍ ລະບຽບການທີ່ເຄັ່ງຄັດກວ່າເກົ່າວ່າດ້ວຍ ສະຖາບັນ
ການເງິນຂອງສະຫະລັດ, ການຮັກສາຄວາມປອດໄພ ທີ່ເຂັ້ມແຂງກວ່າເກົ່າ ຢູ່ຕາມບໍລິ
ເວນຊາຍແດນທີ່ຕິດກັບປະເທດເມັກຊິໂກແລະນຶ່ງໃນບັນດາບູລິມມະສິດທີ່ສຳຄັນສຸດປະ
ຈຳປີຂອງທ່ານນັ້ນ ກໍຄືການປະຕິຮູບໃນຂອບເຂດທີ່ກວ້າງຂວາງກ່ຽວກັບການທີ່ຊາວ
ອະເມຣິກັນໃຊ້ຈ່າຍສຳລັບການປິ່ນປົວສຸກຂະພາບ.
ແຕ່ໃນຂະນະທີ່ເສດຖະກິດຂອງປະເທດ ຍັງບໍ່ມີການຈະເລີນເຕີບໂຕນັ້ນຫາງສຽງຂອງ ປະຊາຊົນກ່ຽວກັບການເຮັດວຽກຂອງປະທານາທິບໍດີ ກໍບໍ່ດີຂຶ້ນຄືກັນ.
ແລະໃນເດືອນພະຈິກຜ່ານມາ ບັນດາຜູ້ມີສິດປ່ອນບັດໄດ້ເລືອກເອົາພັກຣີພັບບລີກັນ
ຊຶ່ງເປັນພັກຝ່າຍຄ້ານເຂົ້າໄປຄວບຄຸມສະພາຕໍ່າຂອງສະຫະລັດ ແລະໄດ້ສົ່ງຄຳເຕືອນ
ໄປຍັງປະທານາທິບໍດີໂອບາມາ ຊຶ່ງທ່ານກ່າວກ່ຽວກັບເລື່ອງນີ້ວ່າ:
"ຫລັງຈາກອັນທີ່ຂ້າພະເຈົ້າແນ່ໃຈວ່າ ເປັນຄໍ່າຄືນທີ່ຍາວນານສໍາລັບພວກ
ທ່ານຫລາຍໆຄົນ ແລະບໍ່ຈໍາເປັນຕ້ອງເວົ້າກະໄດ້ວ່າ ສໍາລັບຂ້າພະເຈົ້າ
ເອງນໍາແລ້ວ ຂ້າພະເຈົ້າຂໍບອກພວກທ່ານໄດ້ເລີຍວ່າຄືນເລືອກຕັ້ງບາງຄືນ ແມ່ນມ່ວນຫລາຍກວ່າຄືນອື່ນໆ ບາງຄືນກໍເບີກບານມີຊີວິດຊີວາ ແຕ່ບາງ
ຄືນກໍພາໃຫ້ຮູ້ສຶກຕໍ່າຕ້ອຍ ແລະອ່ອນໃຈ."
ສືບເນື່ອງຈາກການທີ່ພັກຣີພັບບລີກັນ ໄດ້ຮັບໄຊຊະນະຢ່າງໃຫຍ່ ຢູ່ໃນສະພາຕໍ່າ
ຂອງສະຫະລັດນັ້ນ ພວກນັກຊ່ຽວຊານຫຼາຍໆທ່ານໄດ້ເຫັນພ້ອງຕ້ອງກັນວ່າປະ
ທານາທິບໍດີຈະໄດ້ຮັບຄວາມຍຸ່ງຍາກຫຼາຍຂຶ້ນ ໃນການຮັບຮອງເອົາ ຮ່າງກົດໝາຍ
ຕ່າງໆ ໃນປີ 2011.
ທ່ານ Mark Penn ນັກຍຸດທະສາດຂອງພັກເດໂມແຄຣັທກ່າວວ່າ ທ່ານໂອບາມາ ຈຳເປັນຈະຕ້ອງໄດ້ຮັບຄວາມຊ່ອຍເຫຼືອ ຈາກພັກຣີພັບບລີກັນ ໃນການຮັບຜ່ານ
ຮ່າງກົດໝາຍຕ່າງໆ. ລາວເວົ້າວ່າ ໃນເມື່ອວ່າເວລານີ້ ພັກຣີພັບບລີກັນຄວບຄຸມ
ສະພາຕໍ່າສະຫະລັດກໍບໍ່ມີຫຍັງທີ່ຈະຜ່ານສະພາຕໍ່າສະຫະລັດນອກຈາກວ່າຈະໄດ້
ຮັບການສະໜັບສະໜຸນ ຈາກທັງສອງພັກການເມືອງ ຈຶ່ງເປັນການຄໍ້າປະກັນໃນ
ການຮັບຜ່ານ.
ທ່ານ Penn ກ່າວຕື່ມວ່າ ນີ້ແມ່ນຊ່ວງເວລາທີ່ຫຼໍ່ແຫຼມສຳຄັນ ໃນການດຳລົງຕຳ
ແໜ່ງປະທານາທິບໍດີ ຂອງທ່ານໂອບາມາ.
// ສຽງ //
ທ່ານ Penn ເວົ້າວ່າ ຄຳຖາມສຳຄັນທີ່ປະຊາຊົນຢາກຮູ້ຈັກກໍຄືພວກເຮົາຈະມີໄລ
ຍະ 2 ປີ ທີ່ຕົກຢູ່ໃນສະພາບ ຂັດແຍ້ງບໍ່ໄປບໍ່ມາ ຫລືພວກເຮົາຈະມີໄລຍະ 2 ປີ
ແຫ່ງຄວາມສຳເລັດຂອງການຮ່ວມມືລະຫວ່າງທັງສອງພັກການເມືອງ?
ພັກເດໂມແຄຣັທ ແລະພັກຣີພັບບລີກັນ ມີຄວາມເຫັນແຕກຕ່າງກັນ ໃນການຕີ
ຄວາມໝາຍຜົນຂອງການເລືອກຕັ້ງ ໃນເດືອນພະຈິກທ້າຍປີກາຍ. ປະທານາທ
ບໍດີໂອບາມາກ່າວວ່າມັນເປັນການຮຽກຮ້ອງໃຫ້ທັງສອງພັກການເມືອງດຳເນີນ
ງານຮ່ວມກັນ. ທ່ານກ່າວກ່ຽວກັບເລື່ອງນີ້ວ່າ:
"ຊາວອະເມຣິກັນບໍ່ໄດ້ປ່ອນບັດເອົາສະພາບການທີ່ຄ້າງຄາກັນ ບໍ່ໄປ
ບໍ່ມາໃສ. ພວກເຂົາເຈົ້າບໍ່ໄດ້ປ່ອນບັດເອົາການແຍກພັກ ແບບທີ່ບໍ່ມີ
ການຍິນຍອມຫລືບໍ່ລົງໃຫ້ກັນແລະກັນ. ພວກເຂົາເຈົ້າຮຽກຮ້ອງເອົາ
ຄວາມຮ່ວມມື ເອົາຄວາມກ້າວໜ້າແລະພວກເຂົາເຈົ້າຈະຖືວ່າ ພວກ
ເຮົາທັງໝົດ ຂ້າພະເຈົ້າຂໍເນ້ນວ່າ ພວກເຮົາທັງໝົດ ເປັນຜູ້ຮັບຜິດ
ຊອບ."
ແຕ່ນາງ Amy Holmes ນັກວິຈານນິຍົມແນວທາງເດີມກ່າວວ່າ ຜົນຂອງການ
ເລືອກຕັ້ງ ແມ່ນເປັນການປະຕິເສດ ຕໍ່ແຜນການຂອງທ່ານໂອບາມາແລະເວົ້າວ່າ
ນີ້ແມ່ນໄຊຊະນະທີ່ໃຫຍ່ທີ່ສຸດ ນັບແຕ່ປີ 1938 ເປັນຕົ້ນມາ ແລະບັນດາຜູ້ມີສິດ
ປ່ອນບັດເວົ້າວ່າ ພວກເຂົາເຈົ້າບໍ່ຕ້ອງການ ໃນສິ່ງທີ່ພວກເຂົາເຈົ້າເຫັນວ່າ ເປັນ
ແຜນການຂອງລັດຖະບານ ຫົວເສລີນິຍົມ ທີ່ອຽງຊ້າຍແລະໃຫຍ່ໂພດນັ້ນ.
ນຶ່ງໃນການຕໍ່ສູ້ທີ່ສຳຄັນໆ
ຂອງປະທານາທິບໍດີໂອບາ
ມາໃນປີ 2011 ນີ້ອາດຈະ
ແມ່ນການປົກປັກຮັກສາໄວ້
ຊຶ່ງຄວາມສຳເລັດທີ່ສຳຄັນ
ຂອງທ່ານ ທີ່ໄດ້ຮັບ ໃນປີ
2010 ນັ້ນຊຶ່ງກໍຄືກົດໝາຍ
ວ່າດ້ວຍການປະຕິຮູບກ່ຽວ
ກັບການຮັກສາສຸກຂະພາບ
ໃນຂອບເຂດທີ່ກວ້າງຂວາງ
ທີ່ໄດ້ມີການຮັບຜ່ານ ໃນປີ
2010.
ບັນດາຜູ້ນຳຂອງພັກຣີພັບ
ບລີກັນໃນລັດຖະສະພາສະ
ຫະລັດ ຮວມທັງຜູ້ນຳສຽງ
ສ່ວນນ້ອຍຢູ່ໃນສະພາສູງສະຫະລັດທ່ານ Mitch McConnell ກ່າວວ່າ ນຶ່ງໃນບັນດາ
ບູລິມມະສິດ ຂອງພວກທ່ານ ກໍຄືທຳລາຍກົດໝາຍສະບັບນີ້. ທ່ານກ່າວກ່ຽວກັບເລື່ອງ
ນີ້ວ່າ:
"ພວກເຮົາສາມາດ ແລະກໍຄວນນໍາສະເໜີແລະອອກສຽງເພື່ອລົບ
ລ້າງໂດຍກົງໂລດຊໍ້າໄປຊໍ້າມາແຕ່ພວກເຮົາບໍ່ສາມາດທີ່ຈະຄາດ
ຫວັງ ໃຫ້ປະທານາທິບໍດີເຊັນອະນຸມັດໄດ້. ດັ່ງນັ້ນ ພວກເຮົາຍັງ
ຈະຕ້ອງ ໄດ້ເຮັດວຽກຢ່າງໜັກ ຢູ່ໃນສະພາຕໍ່າເພື່ອປະຕິເສດງົບ
ປະມານຕ່າງໆ ສໍາລັບຈັດຕັ້ງປະຕິບັດ ກົດໝາຍສະບັບນີ້ ແລະ
ໃນສະພາສູງນັ້ນ ກໍລົງຄະແນນສຽງຄັດຄ້ານ ຂໍ້ກໍານົດທີ່ບໍ່ດີທີ່ສຸດ
ຂອງກົດໝາຍນີ້."
ນອກນັ້ນແລ້ວການເພີ່ມຂຶ້ນເປັນຈຳນວນຫຼວງຫຼາຍຂອງສະມາຊິກພັກຣີ
ພັບບລີກັນຢູ່ໃນລັດຖະສະພາສະຫະລັດຍັງມີທ່າທາງວ່າຈະເຮັດໃຫ້ແຜນ
ການຕ່າງໆ ຂອງປະທານາທິບໍດີຢຸດຊະງັກ ອັນມີທັງຂໍ້ລິເລີ່ມ ກ່ຽວກັບ
ການປ່ຽນແປງຂອງດິນຟ້າອາກາດ ແລະການປະຕິຮູບ ເລື່ອງຄົນເຂົ້າ
ເມືອງຮວມຢູ່ໃນບັນຫາເຫຼົ່ານີ້.
ທ່ານ Mark Penn ເວົ້າວ່າ ມີຊ່ອງທາງຢູ່ສຳລັບປະທານາທິບໍດີໂອບາມາ
ທີ່ຈະສ້າງຄວາມກ້າວໜ້າໃຫ້ແກ່ແຜນການຂອງທ່ານຊຶ່ງທ່ານ Penn ຄິດ
ວ່າ ປະທານາທິບໍດີຕ້ອງໄດ້ດຳເນີນການທີ່ສຳຄັນ 2 ຢ່າງຄືເຄື່ອນຍ້າຍໄປ
ສູ່ນະໂຍບາຍສາຍກາງທາງການເມືອງ ແລະເພັ່ງເລັ່ງໃສ່ເລື່ອງເສດຖະກິດ.
ທ່ານ Mark Penn ສະເໜີແນະວ່າ ປະທານາທິບໍດີຄວນຈະຊອກຫາ
ຊ່ອງທາງ ເພື່ອໃຫ້ມີການຜ່ອນສັ້ນຜ່ອນຍາວຕັ້ງແຕ່ຕອນເລີ່ມຕົ້ນກັບ
ສະມາຊິກຂອງພັກຣີພັບຣີບລີກັນບາງທີອາດຈະເປັນບັນຫາຕ່າງໆທາ
ດ້ານເສດຖະກິດ. ທ່ານກ່າວວ່າ ຄຳຖະແຫຼງຂອງປະທານາທິບໍດີໂອບາ
ມາກ່ຽວກັບສະພາບຂອງປະເທດຊາດ ຕໍ່ລັດຖະສະພາ ແລະປະຊາຊົນ
ອະເມຣິກັນ ຊຶ່ງຄາດວ່າ ຈະມີຂຶ້ນໃນທ້າຍເດືອນມັງກອນ ຫຼືຕົ້ນເດືອນ
ກຸມພານັ້ນຈະເຜີຍໃຫ້ຊາບວ່າແຜນການຂອງທ່ານໄດ້ມີການປ່ຽນແປງ
ໜ້ອຍຫຼາຍປານໃດ ຫຼືວ່າບໍ່ມີການປ່ຽນແປງເລີຍ.
ນອກນັ້ນແລ້ວ ນາງ Amy Holmes ນັກວິຈານນິຍົມແນວທາງເດີມ
ຍັງເຊື່ອວ່າ ປະທານາທິບໍດີຄວນຈະເຄື່ອນໄຫວ ໄປສູ່ນະໂຍບາຍສາຍ
ກາງທາງການເມືອງແລະເວົ້າຕື່ມວ່າ ທ່ານຄວນຈະປະຖິ້ມແຜນການສຳ
ລັບໂຄງການຕ່າງໆທີ່ທະເຍີທະຍານຫຼາຍເກີນໄປນັ້ນ.
// ສຽງ //
ນາງ Holmes ເວົ້າວ່າ ລາວຄິດວ່າໃນໄລຍະສອງປີຂ້າງໜ້ານີ້ ຖ້າປະ
ທານາທິບໍດີໂອບາມາຫາກເຄື່ອນໄຫວໄປສູ່ນະໂຍບາຍສາຍກາງທາງ
ການເມືອງ ດັ່ງທີ່ທ່ານ Bill Clinton ໄດ້ກະທຳ ແລະດຳເນີນນະໂຍ
ບາຍຕ່າງໆທີ່ມີຈຸດຢືນຮ່ວມກັນກັບພັກຣີພັບບລີກັນທ່ານຈະສາມາດ
ດຳເນີນການກ່ຽວກັບເລື່ອງເລັກໆນ້ອຍໆໃຫ້ສຳເລັດລຸລ່ວງໄປໄດ້.
ໃນດ້ານນະໂຍບາຍຕ່າງປະເທດນັ້ນນາງ Holmes ເວົ້າວ່າ ປະທານາ
ທິບໍດີຈະສືບຕໍ່ໄດ້ຮັບການສະໜັບສະໜຸນ ຈາກພັກຣີພັບບລີກັນທັງໆ
ທີ່ຜົນຂອງການເລືອກຕັ້ງກາງສະໄໝຂອງສະຫະລັດບໍ່ໄດ້ເຂົ້າຂ້າງທ່ານ.
// ສຽງ //
ນາງ Holmes ເວົ້າວ່າປະທານາທິບໍດີໂອບາມາຍັງບໍ່ທັນປິດສູນຄຸມຂັງ
ທີ່ອ່າວກວນຕານາໂມໃນປະເທດຄິວບາເທື່ອຍັງສືບຕໍ່ໃຊ້ກົດໝາຍສ້າງ
ຄວາມສາມັກຄີແລະເສີມຂະຫຍາຍຄວາມເຂັ້ມແຂງໃຫ້ແກ່ອະເມຣິກາໃນ
ການຕິດຕາມຊິ້ງຊອມເບິ່ງພວກກໍ່ການຮ້າຍ ທີ່ເອີ້ນວ່າ Patriot Act
ນັ້ນທ່ານຍັງສືບຕໍ່ໂຈມຕີພວກກໍ່ການຮ້າຍໂດຍເຮືອບິນບໍ່ມີຄົນຂັບແລະ
ທ່ານມີລັດຖະມົນຕີປ້ອງກັນທີ່ຮັບໜ້າທີ່ມາແຕ່ສະໄໝປະທານາທິບໍດີ
George W Bush ຄືທ່ານ Robert Gates ດ້ວຍເຫດນີ້ນາງຈຶ່ງຄິດ
ວ່າ ມັນເປັນຂົງເຂດວຽກງານທີ່ປະທານາທິບໍດີໂອບາມາ ແລະພັກຣີ-
ພັບບລີກັນ ຈະສາມາດດຳເນີນຮ່ວມກັນໄດ້ ແລະສະແດງໃຫ້ເຫັນເຖິງ
ຄວາມປຸ້ມລຸມສາມັກຄີກັນໃນດ້ານນີ້.
ນຶ່ງໃນບູລິມມະສິດທີ່ຈະບໍ່ມີການປະກາດໃຫ້ຮູ້ຢ່າງເປັນການເປີດເຜີຍ
ໂດຍທຳນຽບຂາວກໍຄື ການເລີ້ມໂຄສະນາຫາສຽງໃນການເລືອກຕັ້ງ
ເພື່ອເຂົ້າຮັບຕຳແໜ່ງຕື່ມອີກຂອງປະທານາທິບໍດີ ໃນປີ 2012 ດ້ວຍ
ຄວາມສຳເລັດຜົນ.
ນັກຍຸດທະສາດ Mark Penn ໄດ້ຊ່ອຍປະທານາທິບໍດີ Bill Clinton
ເອົາຊະນະການປະລາໄຊຢ່າງໜັກ ໃນການເລືອກຕັ້ງກາງສະໄໝໃນປີ
1994 ແລະຊະນະການເລືອກຕັ້ງ 2 ປີຕໍ່ມາ. ລາວເວົ້າວ່າ ທ່ານໂອບາ
ມາກໍສາມາດດຳເນີນການໄດ້ແບບດຽວກັນ ຖ້າທ່ານຫາກສາມາດເຮັດ
ໃຫ້ອັດຕາຄົນຫວ່າງງານຫຼຸດລົງຖ້າທ່ານຫາກເຄື່ອນໄຫວໄປສູ່ການດຳ
ເນີນນະໂຍບາຍ ທີ່ເປັນກາງທາງການເມືອງ ທ່ານກໍຈະມີຖານສະໜັບ
ສະໜຸນທີ່ເຂັ້ມແຂງ ມີຊາວອະເມຣິກັນເປັນຈຳນວນຫຼວງຫຼາຍນິຍົມຊົມ
ຊອບທ່ານແລະຕ້ອງການຢາກໃຫ້ທ່ານປະສົບກັບຄວາມສຳເລັດ.
ທ່ານ Mark Penn ນາງ Amy Holmes ແລະພວກນັກຊ່ຽວຊານ
ຄົນອື່ນໆ ຕ່າງກໍເຫັນພ້ອງຕ້ອງກັນວ່າ ໃນດ້ານການເມືອງແລ້ວ ເວ
ລາ 2 ປີແມ່ນດົນທໍ່ກັນກັບຊົ່ວຊີວິດນຶ່ງ.
