ບໍລິສັດອິນເຕີແນັດຍັກໃຫຍ່ Yahoo ໄດ້ປະກາດຊື່ ຜູ້ບໍລິຫານທີ່ເປັນຄູ່ແຂ່ງມາເປັນເວລາດົນ
ນານຂອງບໍລິສັດ Google ເປັນຜູ້ບໍລິຫານຄົນໃໝ່ຂອງບໍລິສັດ.
ທ່ານນາງ Marissa Mayer ເລີ້ມເຂົ້າຮັບໜ້າທີ່ຂອງທ່ານ ໃນວັນອັງຄານມື້ນີ້ ຊຶ່ງເປັນຫົວ
ໜ້າບໍລິຫານໃຫ່ຍຂອງບໍລິສັດ ທີ່ບໍ່ຄ່ອຍໄດ້ເຫັນກັນ ໃນເຂດຮ່ອມພູ Sillicon ຫຼືສູນກາງ
ຮາຍເທັກຂອງສະຫະລັດນັ້ນ.
ທ່ານນາງ Mayer ທີ່ມີອາຍຸ 37 ປີແມ່ນພະນັກງານຜູ້ນຶ່ງມາແຕ່ຕອນຕົ້ນໆຂອງ ບໍລິສັດ
Google ແລະໄດ້ມີສ່ວນພົວພັນໃນການພັດທະນາການຄົ້ນຫາຂໍ້ມູນຕະ ຫຼອດທັງເວັບໄຊ
ທ໌ຂອງທາງບໍລິສັດ. ທ່ານນາງຍັງເປັນຜູ້ຮັບຜິດຊອບໃນການ ຄວບຄຸມຜະລິດຕະພັນຊຶ່ງໄດ້
ຮັບຄວາມນິຍົມຫລາຍໆຢ່າງຂອງບໍລິສັດ Google ຮວມທັງການຄົ້ນຫາຮູບພາບ ຄົ້ນຫາ
ຂ່າວ ແລະໂຄງການແຜນທີ່ຕ່າງໆ.
ບໍລິສັດ Yahoo ໄດ້ມີຜູ້ບໍລິຫານໃຫ່ຍຫລາຍຄົນມາແລ້ວ ໃນລະຍະສອງສາມປີທີ່ຜ່ານມາ
ຂະນະທີ່ບໍລິສັດດັ່ງກ່າວ ພະຍາຍາມຫັນປ່ຽນໃຫ້ຜູ້ຊົມໃຊ້ 700 ລ້ານຄົນ ໄດ້ເຫັນການໂຄ
ສະນາ ເພື່ອເຮັດໃຫ້ລາຍໄດ້ຂອງບໍລິສັດເຕີບໂຕ. ບໍລິສັດ ດັ່ງກ່າວ ຈະຕ້ອງໄດ້ແຂ່ງຂັນກັບ
ບໍລິສັດ Google ແລະຕາໜ່າງສື່ສັງຄົມ Facebook ທີ່ປະສົບຄວາມສຳເລັດຫຼາຍຂຶ້ນ.
ຮຸ້ນຂອງບໍລິສັດ Yahoo ໄດ້ມີລາຄາສູງຂື້ນໃນການຊື້ຂາຍກັນຫຼັງຈາກໄດ້ມີການປະກາດ ໃນ
ວັນຈັນວານນີ້.