ປະທານປະເທດຈີນ ທ່ານ Xi Jinping ກຳລັງຢູ່ໃນອັງກິດ
ໃນການຢ້ຽມຢາມເປັນເວລາ 4 ມື້ ທີ່ລັດຖະບານຂອງອັງກິດ
ເວົ້າວ່າ ເປັນໂອກາດຂອງການສົ່ງເສີມການຄ້າ ແລະການລົງທຶນ
ລະຫວ່າງສອງປະເທດ ໃນຂະນະທີ່ກຸ່ມປົກປ້ອງສິດທິມະນຸດ
ໄດ້ທວງໃຫ້ຕັ້ງຄຳຖາມກ່ຽວ ປະຫວັດການນັບຖືສິດທິມະນຸດ
ໃນຈີນ.
ທ່ານ Xi ມີໝາຍກຳໜົດ ທີ່ຈະກ່າວຄຳປາໄສ ຕໍ່ລັດຖະສະພາ
ອັງກິດ ໃນວັນອັງຄານມື້ນີ້ກ່ອນງານລ້ຽງຮັບຮອງທີ່ພະລາຊະວັງ
Buckingham. ການຢ້ຽມຢາມຂອງທ່ານ ແມ່ນຮວມທັງການ
ໂອ້ລົມສົນທະນາກັບນາຍົກລັດຖະມົນຕີ David Cameron
ໃນວັນພຸດມື້ອື່ນງານລ້ຽງຮັບຮອງອາຫານຄ່ຳ ໃນສະຖານທີ່ຕ້ອນຮັບຂອງທ່ານ Cameron ແລະຢ້ຽມຢາມການທຸລະກິດອື່ນໆ.
ທຳນຽບຂອງນາຍົກລັດຖະມົນຕີ ໄດ້ກ່າວໃນສັບປະດານີ້ວ່າ ການຕົກລົງທີ່ມີມູນຄ່າເຖິງ 46 ພັນລ້ານໂດລ່າ ຈະໄດ້ລົງນາມກັນ ແລະອັງກິດກັບຈີນຈະໂອ້ລົມກັນເຖິງເລື້ອງການປະສານ ງານກັນກ່ຽວກັບໄພຂົ່ມຂູ່ຂອງກຸ່ມກໍ່ການຮ້າຍແລະພວກຫົວຮຸນແຮງຈັດ.
ກຸ່ມສົ່ງເສີມສິດທິມະນຸດ ມີແຜນການທີ່ຈະຈັດປະທ້ວງ ຕະຫຼອດເວລາຂອງການມາຢ້ຽມ
ຢາມຂອງທ່ານປະທານ Xi ແລະຮຽກຮ້ອງໃຫ້ທ່ານ Cameron ນຳເອົາປະຫວັດການ
ນັບຖືສິດທິມະນຸດ ຂຶ້ນມາໂອ້ລົມກັບຜູ້ນຳຂອງຈີນ. ໂຄສົກຍິງຂອງສຳນັກງານນາຍົກລັດ
ຖະມົນຕີ Cameron ໄດ້ກ່າວໃນວັນຈັນວານນີ້ວ່າ “ຍັງບໍ່ທັນມີເລື້ອງຫຍັງເທື່ອ ທີ່ຈະບໍ່
ຖືກຍົກຂຶ້ນມາສົນທະນາຫາລືກັນ.”
ກຸ່ມອິດສະລະພາບດຽວນີ້ ຫຼື Freedom Now ທີ່ເປັນຕົວແທນຂອງ ທ່ານ Liu Xiaobo
ນັກເຄື່ອນໄຫວທີ່ໄດ້ຮັບລາງວັນໂນແບລ ແລະທ່ານນາງ Liu Xia ພັນລະຍາຂອງທ່ານ
ທີ່ຖືກຄຸມຂັງຢູ່ໃນເວລານີ້ ໄດ້ນຳອອກເຜີຍແຜ່ຖະແຫຼງການສະບັບນຶ່ງໃນວັນອັງຄານມື້ນີ້
ທີ່ຂຽນຂຶ້ນໂດຍຜູ້ທີ່ໄດ້ຮັບລາງວັນໂນແບລ ຂະແໜງສັນຕິພາບ 12 ທ່ານ ຮຽກຮ້ອງໃຫ້ທ່ານ Cameron ຮ້ອງຮຽນໃຫ້ຈີນ ປ່ອຍຕົວທ່ານທັງສອງໃຫ້ເປັນອິດສະລະ. ບັນດາພວກທີ່ໄດ້ຮັບລາງວັນໂນແບລ ທີ່ຮວມມີ ທ່ານ Desmond Tutu ແລະ ອົງ Dalai Lama ໄດ້ຮຽກຮ້ອງໃຫ້ທ່ານ Cameron ຊຸກຍູ້ໃຫ້ຈີນອະນຸຍາດໃຫ້ທ່ານນາງ Liu Xia ເດີນທາງໄປຮັກສາພະຍາບານຢູ່ໃນຕ່າງປະເທດ.
