ຮອງປະທານປະເທດຈີນ ທ່ານຊີ ຈິ້ນຜິງ ທີ່ຄາດກັນວ່າຈະຂຶ້ນເປັນຜູ້ນໍາຄົນຕໍ່ໄປຂອງຈີນ
ທີ່ມີການເສດຖະກິດໃຫຍ່ທີ່ສຸດອັນດັບສອງຂອງໂລກນັ້ນ ເປັນລູກຊາຍຂອງອະດີດຜູ້ນໍາຈີນ
ຄົນນຶ່ງທີ່ຖືກປະຫັດປະຫານ ພາຍໃຕ້ການປົກຄອງຂອງມື້ລາງທ່ານເໝົາເຈີຕຸງ.
ໃນຂະນະທີ່ເປັນເດັກໄວຮຸ່ນໃນປີ 1969 ທ່ານຊີ ຈິ້ນຜິງ ຖືກຂັບໄລ່ໃຫ້ໄປອາໄສຢູ່ໃນບ້ານ
Liengjiahe ຊຶ່ງເປັນບ້ານນຶ່ງໃນແຂວງ Shaan-xi ບ່ອນທີ່ທ່ານເກີດນັ້ນ. ໂທດກໍາອັນດຽວ
ຂອງທ່ານກໍແມ່ນວ່າ ທ່ານໄດ້ເປັນລູກຊາຍຂອງທ່ານ Xi Zhongxun ຫົວໜ້າພັກຄອມມີວ
ນິດຂັ້ນສູງ ທີ່ຖືກກວດລ້າງ ຫລັງຈາກຖືກບັນລະຍາຍ ໃນນະວະນິຍາຍປະວັດສາດທີ່ເປັນ
ບັນຫາໂຕ້ແຍ້ງກັນສະບັບນຶ່ງ.
ທ່ານ Wang Jianwei ສາດສະດາຈານດ້ານນະໂຍບາຍສາທາລະນະທີ່ມະຫາວິທະຍາໄລ
Macau ກ່າວຕໍ່ວີໂອເອວ່າ ປະສົບການໄດ້ຊ່ອຍຫລໍ່ຫຼອມກິລິຍາທ່າທາງຂອງທ່ານຊີ ຈິ້ນຜິງ
ຊຶ່ງທ່ານກ່າວວ່າ ບິດາຂອງທ່ານຊີ ຈິ້ນພິງໄດ້ຖືກປະຫັດປະຫານໃນລະຫວ່າງການປະຕິວັດ
ວັດທະນະທໍາ ຍ້ອນເຫດນີ້ ທ່ານຈຶ່ງໄດ້ຮັບຄວາມເສຍຫາຍເຊ່ນກັນ ແລະຈໍາເປັນຕ້ອງໄດ້ໄປ
ອາໄສຢູ່ໃນຊົນນະບົດ.
ໜຸ່ມນ້ອຍ ຊີ ຈິ້ນຜິງ ຊຶ່ງບໍ່ມີສິ່ງໃດຂັດຂວາງໄດ້ນັ້ນ ໄດ້ເຂົ້າຮ່ວມພັກຄອມມີວນິດແລະພໍໃຈ
ນໍາການເລື່ອນຊັ້ນຂຶ້ນຢ່າງໄວໃນລະດັບທ້ອງຖິ່ນແລະລະດັບຊາດ ໂດຍບັນລຸຈຸດສູງສຸດໃນ
ການເລືອກຕັ້ງໃຫ້ທ່ານຂຶ້ນເປັນຮອງປະທານປະເທດໃນປີ 2008.
ເຖິງແມ່ນບິດາຂອງທ່ານມີບັນຫາກໍຕາມ ພວກຄົນຈີນບາງຄົນຍັງມອງ ເບິ່ງທ່ານຊີ ຈິ້ນຜິງ ເປັນນຶ່ງໃນອັນທີ່ເຂົາເຈົ້າເອີ້ນວ່າ ພວກເຊື້ອສາຍສັກດີນາ ອັນເປັນພວກລູກເຕົ້າຂອງພວກເຈົ້າໜ້າທີ່ຂັ້ນສູງຂອງພັກ ທີ່ຄວາມສໍາເລັດດ້ານການເມືອງເອງ ໄດ້ຮັບຄວາມຄຽດແຄ້ນຢ່າງກວ້າງຂວາງນັ້ນ.
ເຊ່ນດຽວກັນກັບພວກເຈົ້າໜ້າທີ່ຂັ້ນສູງຂອງພັກຫລາຍໆຄົນ ທ່ານຊີ ຈິ້ນຜິງ ໄດ້ສົ່ງລູກສາວຂອງທ່ານໄປສຶກສາຢູ່ໃນສະຫະລັດ ທີ່ມະຫາວິທະຍາໄລ Harvard ທີ່ມີຊື່ສຽງນັ້ນ.
ເບິ່ງວີດິໂອພາສາອັງກິດ ກ່ຽວກັບຊີວິດປະຫວັດຂອງທ່ານຊີ ຈິ້ນ ຜິງ
