ປະທານປະເທດຈີນ ທ່ານ Xi Jinping ທີ່ເລີ້ມການຢ້ຽມຢາມ
ສະຫະລັດໃນວັນອັງຄານມື້ນີ້ ກ່າວວ່າ ລັດຖະບານຂອງທ່ານ
ຖືວ່າເລື້ອງການຮັກສາຄວາມປອດໄພທາງອິນເຕີແນັດ ເປັນ
ເລື້ອງສຳຄັນ ແລະ ຜູ້ກະທຳຄວາມຜິດກ່ຽວກັບເລື້ອງອິນເຕີ
ແນັດ ຮວມທັງພວກແຮັກເກີ້ ເຈາະຂໍ້ມູນເອົາຄວາມລັບທາງ
ການຄ້າ ຄວນຖືກລົງໂທດ ຕາມກົດໝາຍແລະສົນທິສັນຍາ
ສາກົນຕ່າງໆ.
ຢູ່ໃນບົດຂຽນສະແດງຄວາມເຫັນທີ່ພິມເຜີຍແຜ່ໃນຕອນເຊົ້າ
ວັນອັງຄານມື້ນີ້ເພື່ອຕອບຄຳຖາມຂອງໜັງສືພິມ Wall
Street Journal ນັ້ນ ທ່ານ Xi ກ່າວວ່າ ຈີນກໍໄດ້ເປັນຜູ້ເຄາະ
ຮ້າຍຂອງການເຈາະຂໍ້ມູນຄືກັນ ແລະໄດ້ປະຕິເສດກ່ຽວກັບບົດ|ບາດໃດໆຂອງລັດຖະບານ
ທີ່ມີສ່ວນພົວພັນ ໃນລັກລອຍຂໍ້ມູນທາງທຸລະກິດການຄ້າ.
ທ່ານ Xi ໄດ້ຂຽນວ່າ “ລັດຖະບານຈີນ ບໍ່ໄດ້ພົວພັນການລັກລອບຄວາມລັບໃນ ດ້ານທຸລະ
ກິດການຄ້າ ຢູ່ໃນຮູບແບບໃດໆ ແລະກໍບໍ່ໄດ້ຊຸກຍູ້ໃຫ້ການສະໜັບສະ ໜູນບໍລິສັດຈີນໃດໆ
ໃຫ້ພົວພັນກັບການກະທຳດັ່ງກ່າວ.”
ໃນວັນຈັນວານນີ້ ທີ່ປຶກສາຄວາມປອດໄພແຫ່ງຊາດ ຂອງສະຫະລັດ ທ່ານນາງ Susan
Rice ໄດ້ເຕືອນຈີນວ່າ ການຈາລະກຳທາງອິນເຕີແນັດ ທີ່ປັກກິ່ງໃຫ້ ການສະໜັບສະໜູນ
ເປັນອຸບປະສັກກີດກັ້ນທີ່ສຳຄັນຕໍ່ຄວາມສຳພັນ ສະຫະລັດກັບຈີນ ແລະກ່າວວ່າ ການລັກລອບດັ່ງກ່າວຕ້ອງຍຸດຕິລົງ.
ທ່ານ Xi ກ່າວຕໍ່ ໜັງສືພິມ Wall Street Journal ວ່າ ທ່ານພ້ອມແລ້ວທີ່ຈະເພີ້ມທະວີການ
ຮ່ວມມື ກັບ ສະຫະລັດ ກ່ຽວກັບການກໍ່ອາຊະຍາກຳທາງອິນເຕີແນັດ.
ນອກນັ້ນ ທ່ານຍັງໄດ້ກ່າວເຖິງ ການໂຕ້ແຍ້ງກ່ຽວກັບໝູ່ເກາະໃນທະເລຈີນໃຕ້ ທີ່ຮູ້ໃນປະ
ເທດຈີນວ່າ Nansha ແລະຢູທີ່ອື່ນໆຮ້ອງວ່າ Spratly Islands.
ທ່ານ Xi ໄດ້ກ່າວເຖິງວ່າ ໝູ່ເກາະດັ່ງກ່າວ ທີ່ໄດ້ອ້າງເອົາກຳມະສິດເປັນບາງສ່ວນໂດຍ
ຟິລິບປິນ ຫວຽດນາມ ມາເລເຊຍ ບຣູໄນ ແລະໄຕ້ຫວັນ ແມ່ນເປັນດິນແດນຂອງຈີນ ມາ
ແຕ່ສະໄໝໂບຮານນະການ. ຈີນໄດ້ເຮັດໂຄງການຖົມດິນ ພ້ອມທັງໄດ້ປຸກສ້າງຕຶກອາ
ຄານຂອງພົນລະເຮືອນ ແລະບັນດາຄ້າຍທະຫານຢູ່ຕາມເກາະດອນຕ່າງໆ.
ສະຫະລັດທວງໃຫ້ຈີນຍຸດຕິກິດຈະການຕ່າງໆ ໃນທັນທີ ໂດຍເວົ້າວ່າ ມັນເປັນການຜິດ
ຕໍ່ຫລັກການຂອງນາໆຊາດ ແລະສ່ຽງຕໍ່ການກໍ່ໃຫ້ເກີດບັນຫາຂັດແຍ້ງຢູ່ໃນຂົງເຂດ.
