ສະພາບອາກາດຮ້ອນເອົ້າຂອງເດືອນທັນວາ ໄດ້ເຮັດໃຫ້ປິ 2015
ເປັນປີທີ່ຮ້ອນສຸດເປັນປະຫວັດການອັນດັບສອງໃນສະຫະລັດອີງ
ຕາມອົງການຄຸ້ມຄອງ ມະຫາສະມຸດ ແລະບັນຍາກາດ ແຫ່ງຊາດ
ຂອງສະຫະລັດ ຫລື NOAA.
ທ່ານ Jake Crouch ນັກວິທະຍາສາດ ປະຈຳອົງການຄຸ້ມຄອງ
ມະຫາສະມຸດແລະບັນຍາກາດແຫ່ງຊາດທີ່ສູນກາງຂໍ້ມູນສິ່ງແວດ
ລ້ອມ ກ່າວວ່າ “ມັນເປັນເດືອນທີ່ໄດ້ຮັບການຍົກເວັ້ນເປັນພິເສດ.
ອຸນຫະພູມຕະຫຼອດປີ ສະເລ່ຍແລ້ວແມ່ນ 12.4 ອົງສາແຊລເຊິສ
ຕ່າງແຕ່ພຽງເລັກນ້ອຍ ກັບປີ 2012 ທີ່ມີອຸນຫະພູມ 12.9 ອົງສາ
ແຊລເຊິສຊຶ່ງເປັນປີທີ່ຮ້ອນສຸດ ນັບແຕ່ໄດ້ເລີ້ມມີການຈົດບັນທຶກໃນປີ 1895.
ອົງການ NOAA ຍັງກ່າວວ່າ ໄດ້ມີ 10 ເຫດການກ່ຽວກັບດິນຟ້າອາກາດ ທີ່ສຳຄັນເກີດຂື້ນ
ໃນປີ 2015 ອັນເປັນຜົນ ເຮັດມີຜູ້ເສຍຊີວິດ 155 ຄົນ ແລະສ້າງຄວາມເສຍ ຫຼາຍກວ່າ 1
ພັນລ້ານໂດລາ. ທັງໝົດນີ້ແມ່ນຮວມທັງຄວາມແຫ້ງແລ້ງ ນໍ້າຖ້ວມສອງຄັ້ງ ພະຍຸຮ້າຍແຮງ
ຫ້າເທື່ອ ເຫດໄຟໄໝ້ປ່າ ແລະພະຍຸລະດູໜາວ.
ໂດຍສະເພາະໃນພາກຕາເວັນຕົກຂອງສະຫະລັດມີອາກາດອົບອຸ່ນເປັນພິເສດດັ່ງດຽວກັນ
ກັບພາກຕາເວັນຕົກສຽງໃຕ້. ລັດ Texas ແລະ Oklahoma ໄດ້ມີຫິມະຕົກຫຼາຍ ເປັນປະ
ຫວັດການ.
ທ່ານ Crouch ກ່າວວ່າ “ທຸກໆລັດໄດ້ມີອຸນຫະພູມສູງກວ່າອັດຕາສະເລ່ຍຂອງປີ.”
ອົງການອຸຕຸນິຍົມໂລກ ກ່າວວ່າ ປີ 2015 ເປັນປີທີ່ຮ້ອນສຸດ ແບບບໍ່ເຄີຍມີມາກ່ອນໃນທົ່ວ
ໂລກ ແລະປີ 2016 ອາດຈະຮ້ອນກວ່ານີ້ອີກ ເພາະປາກົດການ El Nino.
ອົງການ NOAA ກ່າວວ່າ ປີ 2015 ເປັນທີ 19 ລຽນຕິດ ທີ່ອຸນຫະພູມສະເລ່ຍ ສູງກວ່າອັດ
ຕາສະເລ່ຍຂອງສັດຕະວັດທີ 20.
