ຕຶກສູນກາງການຄ້າ ຫຼື World Trade Center ຫລັງໃໝ່
ໄດ້ເປີດແລ້ວທີ່ນະຄອນ New York ປະມານ 13 ປີຫລັງ
ຈາກການໂຈມຕີຂອງພວກກໍ່ການຮ້າຍ ເມື່ອວັນທີ 11 ກັນ
ຍາ ປີ 2001.
ຕຶກດາດຟ້າທີ່ສູງ 541 ແມັດຫລັງນີ້ ໄດ້ສ້າງຂຶ້ນມາໃນລາຄາ
3 ພັນ 9 ຮ້ອຍລ້ານໂດລາ ແລະອີກຄັ້ງນຶ່ງ ແມ່ນເປັນທີ່ໂດດ
ເດັ່ນຄອບງຳທ້ອງຟ້າ ຂອງເກາະ Manhattan ແລະກໍເປັນ
ຕຶກທີ່ສູງສຸດຢູ່ ໃນອາເມຣິກາເໜືອ.
ຕຶກດັ່ງກ່າວເປັນຈຸດໃຈກາງ ຂອງບ່ອນຕຶກແຝດ ທີ່ເຮັດໃຫ້ມີ
ຜູ້ເສຍຊີວິດຢ່າງຫລວງຫລາຍ ຊຶ່ງຄັ້ງນຶ່ງເຄີຍຕັ້ງຢູ່ທີ່ນັ້ນ.
ຕຶກ One World Trade Center ຫລັງໃໝ່ນີ້ ຈະມີບັນດາຫ້ອງການຕ່າງໆ ຂອງບໍລິ
ສັດໂຄສະນາ Conde Nast ຫ້ອງການບໍລິຫານຄຸ້ມຄອງການບໍລິການ ທົ່ວໄປຂອງລັດ
ຖະບານສະຫະລັດ ຫລື GSA ແລະສູນກາງຈີນ ຫລື China Center. ສ່ວນອົງການ
ອຶ່ນໆອີກນັ້ນ ແມ່ນຮວມທັງ ບໍລິສັດໂຄສະນາ ບໍລິສັດລົງທຶນ ແລະບໍລິສັດບັນເທີງຕ່າງໆ.
ຕຶກແຝດໄດ້ຖືກທຳລາຍ ເມື່ອວັນທີ 11 ເດືອນ ກັນຍາ ປີ 2001 ເວລາພວກກໍ່ການຮ້າຍ
al-Qaida ໄດ້ຈີ້ເຮືອບິນສອງລຳ ແລ່ນເຂົ້າຕຳຕຶກທັງສອງ ເຮັດໃຫ້ດັ່ງກ່າວພັງທະລາຍ
ລົງ ແລະ ມີຜູ້ເສຍຊີວິດຫລາຍກວ່າ 2,700 ຄົນ.
