ຂ້າຫລວງໃຫຍ່ດ້ານອົບພະຍົບຂອງສະຫະປະຊາຊາດ ຫລື
UNHCR ເວົ້າວ່າ ໂຊກຊາຕາຂອງພວກອົບພະຍົບແລະຜູ້
ປະສົບໄພ ທີ່ຕ້ອງຫຼົບໜີຈາກບ້ານເຮືອນຂອງຕົນຢູ່ພາຍໃນ
ປະເທດຈຳນວນຫລາຍລ້ານຄົນ ໃນທະວີບອາຟຣິກາ ແມ່ນ ຖືກບົດບັງໂດຍວິກິດການໃນຊີເຣຍ. ເພື່ອເປັນຂີດໝາຍ
ລະນຶກເຖິງ ວັນອົບພະ ຍົບຂອງໂລກ ໃນວັນພະຫັດມື້ນີ້
ທາງອົງການ UNHCR ຈຶ່ງຂໍຮ້ອງ ໃຫ້ປະຊາຄົມສາກົນຈໍາ
ໄວ້ວ່າ ຊາວອາຟຣິກາທີ່ຖືກບັງຄັບໃຫ້ອົບພະຍົບຫລົບໜີ
ຈາກບ່ອນ ຢູ່ອາໄສຂອງຕົນ ຍ້ອນບັນຫາຂັດແຍ້ງນັ້ນ ກໍ
ພວມຕ້ອງການຄວາມຊ່ວຍເຫລືອ ເຊັ່ນກັນ.
ອົງການຮັບຜິດຊອບເລື່ອງອົບພະຍົບຂອງສະຫະປະຊາຊາດລາຍງານວ່າ ມີພວກອົບ
ພະຍົບອອກຈາກປະເທດແລະຜູ້ປະສົບໄພພາຍໃນປະເທດຫລາຍກວ່າ 45 ລ້ານຄົນ
ໃນທົ່ວໂລກ. ນີ້ເປັນການຍົກຍ້າຍໜີຈາກບ້ານເຮືອນຂອງຜູ້ຄົນໃນ ລະດັບສູງທີ່ສຸດ ນັບແຕ່ມີໄດ້ມີການຂ້າລ້າງເຊື້ອຊາດເຜົ່າພັນຢູ່ Rwanda ແລະການແບ່ງແຍກປະເທດ
ຂອງອະດີດ Yugoslavia ໃນປີ 1994 ທີ່ໄດ້ເຮັດໃຫ້ມີ ຫລາຍລ້ານຄົນຫລົບໜີຈາກ
ບ້ານເຮືອນຂອງຕົນນັ້ນ.
ທ່ານ Adrian Edwards ໂຄສົກຂອງອົງການ UNHCR ກ່າວຕໍ່ວີໂອເອວ່າ ບັນຫາ
ຂັດແຍ້ງກັນເປັນສາເຫດຕົ້ນຕໍ ທີ່ພາໃຫ້ມີການຍົກຍ້າຍບ່ອນຢູ່ອາໄສຂອງຜູ້ຄົນ. ທ່ານ
ກ່າວດັ່ງນີ້:
ທ່ານ Edwards ເວົ້າວ່າ: “ໂດຍສະເພາະແລ້ວ ໃນປີກາຍນີ້ ຜູ້ທີ່ພາໃຫ້ມີການ
ປ່ຽນແປງລາຍໃຫຍ່ທີ່ສຸດກໍແມ່ນຊີເຣຍ ຊຶ່ງໄດ້ປ່ຽນຈາກການເປັນປະເທດ
ທີ່ຮັບ ເອົາອົບພະຍົບທີ່ສຳຄັນ ໃນພາກຕາເວັນອອກກາງ ມາເປັນນຶ່ງໃນ
ຫ້າປະເທດທີ່ ເຮັດໃຫ້ມີຊາວອົບພະຍົບ ແລະຜູ້ປະສົບໄພທີ່ຫລົບໜີຈາກ
ບ້ານເຮືອນຫລາຍທີ່ ສຸດຂອງໂລກ ໃນປີກາຍ. ໃນປີນີ້ ປະເທດດັ່ງກ່າວ
ກາຍມາເປັນທີນຶ່ງຂອງໂລກ ຊຶ່ງເປັນການປ່ຽນແປງທີ່ໜ້າຕົກໃຈຫລາຍ ແລະ
ເຮັດໃຫ້ມີການປ່ຽນແປງອັນໃຫຍ່ຫລວງ ໃນພາບລວມຂອງການຍົກຍ້າຍ
ໜີຈາກບ້ານເຮືອນຂອງປະຊາຊົນໃນໂລກ.”
UNHCR ເວົ້າວ່າ ໃນຖານະທີ່ເປັນທະວີບນຶ່ງ ອາຟຣິກາແມ່ນຢູ່ໃນອັນດັບສອງ ທີ່ມີຜູ້
ປະສົບໄພຍ້າຍໜີຈາກບ້ານເຮືອນຫລາຍທີ່ສຸດໃນໂລກ. ເອເຊຍ, ຍ້ອນວ່າ ອັຟການິສ
ຖານ, ຈຶ່ງເປັນທະວີບທີ່ມີຜູ້ປະສົບໄພຍົກຍ້າຍໜີຈາກເຮືອນຊານຫຼາຍທີ່ສຸດໃນໂລກ.
ປັດຈຸບັນອາຟຣິກກາ ມີອົບພະຍົບ 2 ລ້ານ 8 ແສນຄົນ ແລະຜູ້ປະສົບໄພພາຍໃນປະ
ເທດທີ່ຍ້າຍບ້ານເຮືອນໄປຢູ່ບ່ອນອື່ນປະມານ 10 ລ້ານ ຄົນ.
ໃນຂະນະທີ່ຈໍານວນຂອງຜູ້ຄົນເຫລົ່ານີ້ ແມ່ນຫລວງຫລາຍ ທ່ານ Edwards ເວົ້າວ່າ
ຜົນຂອງວິກິດການເຊັ່ນທີ່ເກີດຂຶ້ນຢູ່ໃນຊີເຣຍ ມີທ່າທີວ່າ ຈະບົດບັງວິກິດການຕ່າງໆ
ທີ່ກຳລັງເກີດຂຶ້ນຢູ່ນັ້ນ.
ເບິ່ງວີດິໂອກ່ຽວກັບຂ່າວນີ້:
UNHCR ເວົ້າວ່າ ໂຊກຊາຕາຂອງພວກອົບພະຍົບແລະຜູ້
ປະສົບໄພ ທີ່ຕ້ອງຫຼົບໜີຈາກບ້ານເຮືອນຂອງຕົນຢູ່ພາຍໃນ
ປະເທດຈຳນວນຫລາຍລ້ານຄົນ ໃນທະວີບອາຟຣິກາ ແມ່ນ ຖືກບົດບັງໂດຍວິກິດການໃນຊີເຣຍ. ເພື່ອເປັນຂີດໝາຍ
ລະນຶກເຖິງ ວັນອົບພະ ຍົບຂອງໂລກ ໃນວັນພະຫັດມື້ນີ້
ທາງອົງການ UNHCR ຈຶ່ງຂໍຮ້ອງ ໃຫ້ປະຊາຄົມສາກົນຈໍາ
ໄວ້ວ່າ ຊາວອາຟຣິກາທີ່ຖືກບັງຄັບໃຫ້ອົບພະຍົບຫລົບໜີ
ຈາກບ່ອນ ຢູ່ອາໄສຂອງຕົນ ຍ້ອນບັນຫາຂັດແຍ້ງນັ້ນ ກໍ
ພວມຕ້ອງການຄວາມຊ່ວຍເຫລືອ ເຊັ່ນກັນ.
ອົງການຮັບຜິດຊອບເລື່ອງອົບພະຍົບຂອງສະຫະປະຊາຊາດລາຍງານວ່າ ມີພວກອົບ
ພະຍົບອອກຈາກປະເທດແລະຜູ້ປະສົບໄພພາຍໃນປະເທດຫລາຍກວ່າ 45 ລ້ານຄົນ
ໃນທົ່ວໂລກ. ນີ້ເປັນການຍົກຍ້າຍໜີຈາກບ້ານເຮືອນຂອງຜູ້ຄົນໃນ ລະດັບສູງທີ່ສຸດ ນັບແຕ່ມີໄດ້ມີການຂ້າລ້າງເຊື້ອຊາດເຜົ່າພັນຢູ່ Rwanda ແລະການແບ່ງແຍກປະເທດ
ຂອງອະດີດ Yugoslavia ໃນປີ 1994 ທີ່ໄດ້ເຮັດໃຫ້ມີ ຫລາຍລ້ານຄົນຫລົບໜີຈາກ
ບ້ານເຮືອນຂອງຕົນນັ້ນ.
ທ່ານ Adrian Edwards ໂຄສົກຂອງອົງການ UNHCR ກ່າວຕໍ່ວີໂອເອວ່າ ບັນຫາ
ຂັດແຍ້ງກັນເປັນສາເຫດຕົ້ນຕໍ ທີ່ພາໃຫ້ມີການຍົກຍ້າຍບ່ອນຢູ່ອາໄສຂອງຜູ້ຄົນ. ທ່ານ
ກ່າວດັ່ງນີ້:
ທ່ານ Edwards ເວົ້າວ່າ: “ໂດຍສະເພາະແລ້ວ ໃນປີກາຍນີ້ ຜູ້ທີ່ພາໃຫ້ມີການ
ປ່ຽນແປງລາຍໃຫຍ່ທີ່ສຸດກໍແມ່ນຊີເຣຍ ຊຶ່ງໄດ້ປ່ຽນຈາກການເປັນປະເທດ
ທີ່ຮັບ ເອົາອົບພະຍົບທີ່ສຳຄັນ ໃນພາກຕາເວັນອອກກາງ ມາເປັນນຶ່ງໃນ
ຫ້າປະເທດທີ່ ເຮັດໃຫ້ມີຊາວອົບພະຍົບ ແລະຜູ້ປະສົບໄພທີ່ຫລົບໜີຈາກ
ບ້ານເຮືອນຫລາຍທີ່ ສຸດຂອງໂລກ ໃນປີກາຍ. ໃນປີນີ້ ປະເທດດັ່ງກ່າວ
ກາຍມາເປັນທີນຶ່ງຂອງໂລກ ຊຶ່ງເປັນການປ່ຽນແປງທີ່ໜ້າຕົກໃຈຫລາຍ ແລະ
ເຮັດໃຫ້ມີການປ່ຽນແປງອັນໃຫຍ່ຫລວງ ໃນພາບລວມຂອງການຍົກຍ້າຍ
ໜີຈາກບ້ານເຮືອນຂອງປະຊາຊົນໃນໂລກ.”
UNHCR ເວົ້າວ່າ ໃນຖານະທີ່ເປັນທະວີບນຶ່ງ ອາຟຣິກາແມ່ນຢູ່ໃນອັນດັບສອງ ທີ່ມີຜູ້
ປະສົບໄພຍ້າຍໜີຈາກບ້ານເຮືອນຫລາຍທີ່ສຸດໃນໂລກ. ເອເຊຍ, ຍ້ອນວ່າ ອັຟການິສ
ຖານ, ຈຶ່ງເປັນທະວີບທີ່ມີຜູ້ປະສົບໄພຍົກຍ້າຍໜີຈາກເຮືອນຊານຫຼາຍທີ່ສຸດໃນໂລກ.
ປັດຈຸບັນອາຟຣິກກາ ມີອົບພະຍົບ 2 ລ້ານ 8 ແສນຄົນ ແລະຜູ້ປະສົບໄພພາຍໃນປະ
ເທດທີ່ຍ້າຍບ້ານເຮືອນໄປຢູ່ບ່ອນອື່ນປະມານ 10 ລ້ານ ຄົນ.
ໃນຂະນະທີ່ຈໍານວນຂອງຜູ້ຄົນເຫລົ່ານີ້ ແມ່ນຫລວງຫລາຍ ທ່ານ Edwards ເວົ້າວ່າ
ຜົນຂອງວິກິດການເຊັ່ນທີ່ເກີດຂຶ້ນຢູ່ໃນຊີເຣຍ ມີທ່າທີວ່າ ຈະບົດບັງວິກິດການຕ່າງໆ
ທີ່ກຳລັງເກີດຂຶ້ນຢູ່ນັ້ນ.
ເບິ່ງວີດິໂອກ່ຽວກັບຂ່າວນີ້:
