ລັດຖະມົນຕີການຕ່າງປະເທດສະຫະລັດ ທ່ານ John Kerry
ກ່າວໃນວັນສຸກມື້ນີ້ວ່າ ປະເທດມະຫາອຳນາດທີ່ສຳຄັນໆ ໄດ້
ຕົກລົງກັນເພື່ອຊອກຫາຊ່ອງທາງໃຫ້ຍຸຕິການເປັນປໍລະປັກຢູ່
ໃນຊີເຣຍ ຊຶ່ງຈະເລີ້ມຂຶ້ນ ພາຍໃນເວລານຶ່ງອາທິດ.
ທ່ານ Jan Egeland ປະທານກອງປະຊຸມມະນຸດສະທຳຂອງ
ອົງການສະຫະປະຊາຊາດທີ່ປະເທດເຢຍຣະມັນ ຊຶ່ງຂໍ້ຕົກລົງ
ນະຄອນ Munich ທີ່ໄດ້ບັນລຸກັນ ໃນຄືນແລ້ວນີ້ ກ່າວວ່າ ມັນ
ຈະເປັນຄວາມກ້າວໜ້າທີ່ພວກເຮົາກຳລັງລໍຖ້າຢູ່.
ລັດຖະມົນຕີການຕ່າງປະເທດເທີກີທ່ານ Mevlut Cavusoglu
ສົ່ງຂໍ້ຄວາມຜ່ານທາງ Twitter ໃນວັນສຸກມື້ນີ້ວ່າ ການເຄື່ອນໄຫວນີ້ເປັນບາດກ້າວທີ່ສຳ
ຄັນ ໃນເສັ້ນທາງໄປສູ່ການຊອກສະແຫວງຫາການແກ້ໄຂຕໍ່ວິກິດການໃນຊີເຣຍ.
ແຕ່ແນວໃດກໍຕາມ ນາຍົກລັດຖະມົນຕີຣັດເຊຍ ທ່ານ Dmitry Medvedev ໄດ້ເຕືອນ
ມະຫາອຳນາດຂອງໂລກ ກ່ຽວກັບການສົ່ງກຳລັງພາກພື້ນດິນຂອງຕົນເຂົ້າໄປປະຕິບັດ
ງານຢູ່ໃນຊີເຣຍ. ທ່ານກ່າວຢູ່ໃນຖະແຫລງການ ສະບັບນຶ່ງວ່າ ການປະຕິບັດງານທາງ
ພາກພື້ນດິນໄດ້ແກ່ດຶງເອົາທຸກໆຄົນໃຫ້ເຂົ້າໄປປະກອບສ່ວນຢູ່ໃນສົງຄາມ.“
ທ່ານ Kerry ກ່າວຕໍ່ພວກນັກຂ່າວທີ່ນະຄອນ Munich ວ່າ ການຍຸດຕິຄວາມເປັນປໍລະ
ປັກຈະບໍ່ກວມເອົາກຸ່ມກໍ່ການຮ້າຍຕ່າງໆ ຮວມທັງກຸ່ມລັດອິສລາມ ກຸ່ມອາລນຸສຣາແລະ
ກຸ່ມອື່ນໆອີກ. ທ່ານກ່າວວ່າ 17 ປະເທດ ຢູ່ໃນກຸ່ມນາໆຊາດ ທີ່ໃຫ້ການສະໜັບສະໜຸນ
ແກ່ຊີເຣຍ ໄດ້ຕົກລົງກັນທີ່ຈະສ້າງຕັ້ງໜ່ວຍປະຕິບັດງານຊຶ່ງເປັນປະທານຮ່ວມໂດຍສະ
ຫະລັດແລະຣັດເຊຍຈະດຳເນີນງານເພື່ອພິຈາລະນາກ່ຽວກັບວິທີການໃນການຫຼຸດຜ່ອນ
ຄວາມຮຸນແຮງໃນໄລຍະຍາວ.
ລັດຖະມົນຕີການຕ່າງປະເທດສະຫະລັດຍັງໃຫ້ຂໍ້ສັງເກດແບບລະມັດລະວັງເພີ້ມຕື່ມວ່າ
ກອງປະຊຸມຂອງກຸ່ມນາໆຊາດທີ່ໃຫ້ການສະໜັບສະໜຸນແກ່ຊີເຣຍໄດ້ຜະລິດຄວາມໝັ້ນ
ໝາຍຢູ່ໃນເອກກະສານ ແຕ່ການທົດສອບ ທີ່ແທ້ຈິງນັ້ນ ຈະແມ່ນວ່າ ພັກຝ່າຍຕ່າງໆໃຫ້
ການເຄົາລົບຕໍ່ຄວາມໝັ້ນໝາຍຂອງພວກເຂົາເຈົ້າຫຼືບໍ່.
