ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

ລັດອິສລາມ ແລະອີໂບລາ ຈະຢູ່ໃນອັນດັບສູງສຸດຂອງ ກອງປະຊຸມສະມັດຊາໃຫຍ່ ສປຊ ປີນີ້ (ວີດີໂອ)


World Leaders to Tackle ISIL, Ebola at UN Meetings
please wait

No media source currently available

0:00 0:02:45 0:00

ເບິ່ງວີດີໂອ ກ່ຽວກັບລາຍງານນີ້.

ໃນ​ອາທິດ​ນີ້ ບັນດາ​ຜູ້ນຳ​ໂລກ​ຈະ​ໄປ​ພົບ​ປະ​ຫາລື​ກັນຢູ່​ນະຄອນ
ນິວຢອກ​ ທີ່​ກອງປະຊຸມ​ປະຈຳ​ປີຂອງ​ສະມັດຊາ​ໃຫຍ່​ສະຫະ​ປະ
ຊາ​ຊາດ. ເປັນ​ທີ່​ຄາດ​ກັນ​ວ່າ ເລື້ອງ​ກຸ່ມ​ກໍ່​ການ​ຮ້າຍ​ທີ່​ເອີ້​ນຕົນ​ເອງ​
ວ່າ ກຸ່ມ​ລັດ​ອິສລາມ ຫລື Islamic State ​ແລະ​ເລື້ອງຄວາມ​ພະ
ຍາຍາມ​ເພື່ອ​ຄວບຄຸມການ ​ແຜ່​ລະບາດ​ຂອງ​ເຊື້ອ​ໄວຣັສ ອີ​ໂບລາ
ຈະ​ຄອບ​ງຳ​ການ​ອະພິປາຍ​ຢູ່​ໃນ​ກອງ​ປະຊຸມ​ປີ​ນີ້ ອິງ​ຕາມ​ລາຍ​ງານ
​ຂອງຜູ້​ສື່​ຂ່າວ​ວີ​ໂອ​ເອ Margaret Besheer ຊຶ່ງດາຣາມີ​ລາຍ​ລະ
ອຽດ​ມາສະ​ເໜີ​ທ່ານ​.

ເລຂາ​ທິການ​ໃຫຍ່​ສະຫະ​ປະຊາ​ຊາດ ທ່ານ Ban Ki-moon ກ່າວ​ວ່າ ຄວາມ​ຮຸນ​ແຮງ​ຢູ່​ໃນ
ອີຣັກ​ແລະ​ຊີ​ເຣຍ ທີ່​ໄດ້​ກາຍ​ມາ​ເປັນ​ບ່ອນລໍ່​ລ້ຽງ​ໃຫ້​ພວກ​ກຸ່ມ​ຫົວ​ຮຸນ​ແຮງຈັດ​ຕ່າງໆເຕີບໃຫຍ່​
ຂະຫຍາຍ​ໂຕ​ ສຳຄັນ​ທີ່​ສຸດ​ກໍ​ຄື​ກຸ່ມ​ລັດ​ອິສລາມ​ນັ້ນ ​ແມ່ນ​ຈະ​ຖື​ກປະຊາ​ຄົມນາໆ​ຊາດຍົກ​ຂຶ້ນ
ມາປຶກສາ​ຫາລື​ກັນ. ທ່ານ Ban Ki-moon ກ່າວ​ວ່າ:

“ຂ້າພະ​ເຈົ້າ​ຍິນ​ດີນຳ​ຄວາມ​ເຫັນ​ພ້ອງ​ຕ້ອງ​ກັນ​ ທີ່​ທະວີ​ຂຶ້ນ​ເລື້ອຍໆຂອງນາໆ​ຊາດ
ທີ່​ຈະ​ເຄື່ອນ​ໄຫວ​ຕ້ານ​ໄພ​ ອັນ​ຕະລາຍຮ້າຍແຮງ​ອັນນີ້ ທີ່​ກຳລັງຄຸກ​ຄາມ​ຕໍ່​ສັນຕິ
​ພາບ
ແລະ​ຄວາມ​ໝັ້ນຄົງ​ຂອງ​ໂລກ ກໍ​ຄື​ພາກ​ພື້ນ​ນັ້ນ.”

ຈຸດ​ສຳຄັນ​ຂອງ​ຄວາມ​ພະຍາຍາມ​ທີ່​ວ່າ​ນີ້ ຈະ​ແມ່ນ​ກອງ​ປະຊຸມ​ຂອງ​ສະພາ​ຄວາມ​ໝັ້ນຄົງ ທີ່​ປະທານາທິບໍດີ Barack Obama ຈະ​ເປັນ​ປະທານ ກ່ຽວ​ກັບ​ການ​ໂຜ່​ໂຕ​ຂຶ້ນ​ມາ​ຂອງ​ພວກ
ນັກ​ຕໍ່​ສູ້​ຂອງ​ກຸ່ມ​ກໍ່​ການ​ຮ້າຍ​ຕ່າງປະ​ເທດ.

ທ່ານ Richard Gowan ອາຈານ​ສອນ​ທີ່​ມະຫາວິທະຍາ​ໄລ New York ກ່າວ​ວ່າ ກ​ອງ​ປະ
ຊຸມ​ຈະສົ່ງ​ຂໍ້ຄວາມ​ທາງ​ການ​ເມືອງ​ທີ່​ສຳຄັນ​ອອກ​ໄປ. ທ່ານ Gowan ​ເວົ້າ​ວ່າ:

“ປະທານາທິບໍດີ​ໂອ​ບາ​ມາ ​ໄດ້​ລວບ​ລວມ​ເອົາ 40 ປະ​ເທດ​ມາ​ໂຮມ​ກັນ ​ເພື່ອ​ຕໍ່ສູ້​
ກັບ​ກຸ່ມ
ISIS ນັ້ນ. ຢູ່​ທີ່​ອົງການ​ສະຫະ​ປະຊາ​ຊາດ ທ່ານ​ຈະ​ຢືນຢັນ​ອີກ​ເທື່ອ​ໃໝ່
ກ່ຽວ​ກັບ​ການ​ຕໍ່ສູ້​ດັ່ງກ່າວ. ຄວາມ​ຈິງ​ແລ້ວ ວຽກ​ຍາກໆສ່ວນ​ໃຫຍ່​ແມ່ນ​ໄດ້​ເຮັດ​
ໄປໝົດ​ແລ້ວ ​ແຕ່​ອົງການ​ສະຫະ​ປະຊາ​ຊາດ ກໍເປັນ​ເວທີ​ທີ່​ເໝາະ​ສົມ​ທີ່​ຈະສົນທະ

ນາ​ກັນ ກ່ຽວ​ກັບ​ຄວາມ​ຈຳ​ເປັນ​ໃນ​ການ​ຕໍ່ສູ້​ກັບ​ພວກ​ອິສລາມ.”

ອີກ​ເລື້ອງ​ນຶ່ງ​ທີ່​ຈະ​ຢູ່​ໃນ​ອັນ​ດັບ​ສູງ​ສຸດ​ຂອງ​ກອງ​ປະຊຸມຂອງ​ນາໆ​ຊາດຄື​ກັນ ກໍ​ແມ່ນ​ເລື້ອງ
ການ​ຄວບ​ຄຸມ​ການລະບາດ​ຂອງ​ເຊື້ອ​ໄວຣັສ ອີ​ໂບລາ ທີ່​ໄດ້​ເອົາ​ຊີວິດ​ຜູ້​ຄົນ​ໄປ​ແລ້ວ ​ເກືອບ​ເຄິ່ງນຶ່ງ​ຂອງ​ຈຳນວນທັງ​ໝົດ ປະມານ 5000 ຄົນທີ່​ຕິດ​ເຊື້ອ​ໄວ​ຣັສດັ່ງກ່າວ ຢູ່​ໃນ​ອາ​ຟຣິກາ
ຕາ​ເວັນ​ຕົກ​ນັ້ນ. ເລຂາທິກ​ານ​ໃຫຍ່​ສະຫະ​ປະຊາ​ຊາດ ທ່ານ ພັນ​ກີ​ມູນ ກ່າວ​ວ່າ:

“ນີ້​ບໍ່​ແມ່ນ​ແຕ່​ພຽງ​ວິ​ກິດ​ການ​ດ້ານ​ສຸຂະພາບ​ເທົ່າ​ນັ້ນ. ​ມັນ​ຍັງ​ມີ​ຜົນ​ສະທ້ອນ​
ອັນ​ຮ້າຍ​ແຮງ​ທາງ​ດ້ານມະນຸດສະທຳ ​ເສດຖະກິດ ​ແລະ​ສັງຄົມ​ນຳ ທີ່​ອາດ​
ສາມາດ​ແຜ່​ລາມ​ອອກ​ໄປ ນອກ​ພວກ​ປະ​ເທດ​ທີ່​ຖືກ​ກະທົບ.”

ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Samantha Power.
ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Samantha Power.

ເອກ​ອັກຄະ​ລັດຖະທູດ​ສະຫະລັດ ປະຈຳ​ສະຫະ​ປະຊາ​ຊາດ
ທ່ານ​ນາງ Samantha Power ກ່າວ​ວ່າ ກອງ​ປະຊຸມ​ປະຈຳ​ປີ
​ເຫລົ່າ​ນີ້ ມີ​ເປົ້າ​ໝາຍ​ເພື່ອ​ນຳ​ເອົາ​ບັນດາ​ຜູ້ນຳ​ໂລກ ມາ​ປຶ​ກສາ
​ຫາລືກັນ​ເພື່ອ​ຫາ​ທາງ​ແກ້​ໄຂ​ບັນຫາ​ທ້າ​ທາຍ​ຕ່າງໆ ຕໍ່​ໂລກ.

ທ່ານ​ນາງ Power ​ເວົ້າ​ວ່າ: “​ໄພ​ຂົ່ມຂູ່ທັງ​ສອງ​ຢ່າງ​ນີ້ ​ແມ່ນ
​ສະທ້ອນ​ໃຫ້​ເຫັນ​ເຖິງ ຈຸດປະສົງ​ຂອງການ​ກໍ່​ຕັ້ງອົງການ
ສະຫະ​ປະຊາ​ຊາດ​ຂຶ້ນ​ມາ ​ແລະ​ຈຸດປະສົງ​ໃນ​ການ​ນຳ​ເອົ​າ
ບັນດາປະ​ມຸກຂອງ​ເຫລົ່າປະ​ເທດ​ສະມາຊິກ​ຂອງ​ຢູ​ແອັນ
ມາ​ພົບ​ພໍ້​ກັນ​ໃນ​ທຸກໆ​ລະດູ ຊຶ່ງ​ເປັນ​ວິ​ທີ​ທີ່​ພວກ​ເຮົາ​ປຸ້ມລຸມ​
ຊັບພະຍາກອນ​ຂອງ​ພວກ​ເຮົາ​ ເພື່ອຮ່ວມ​ໄມ້​ຮ່ວມ​ມື​ກັນ ບໍ່​ແມ່ນ​ເພື່ອ​ຈັດການ​ກັບ​ໄພ
ຂົ່ມຂູ່ອັນ​ດຽວ​ກັນ​ເທົ່າ​ນັ້ນ ​ແຕ່​ເພື່ອ​ຈັດການ​ກັບພວກ​ໄພ​ຂົ່ມຂູ່​ຕ່າງໆ ທີ່​ພວກ​ເຮົາ​
ປະ​ເທດ​ນຶ່ງ​ປະ​ເທ​ດດຽວ ບໍ່​ສາມາດ​ທີ່ຈະ​ຮັບ​ມື​ກັບ​ມັນ​ໄດ້ ຕາມ​ລຳພັງ.”


ວິກິດ​ການຕ່າງໆ​ຢູ່​ໃນ​ອາ​ຟຣິກາ ການ​ຂັດ​ແຍ້​ງກັນ​ຢູ່​ໃນ​ຢູ​ເຄຣນ ​ແລະ​ຜົນ​ທີ່​ຕິດຕາມ​ມາ
ຈາກສົງຄາມ 50 ວັນ ​ໃນ​ເຂດ​ກາຊາ ​ທັງ​ໝົດ​ນັ້ນ​ແມ່ນ​ບັນຫາ​ອື່ນໆ ທີ່​ພວກ​ຜູ້ນຳ​ໂລກ​ຈະ
​ຍົກ​ຂຶ້ນມາ​ສົນທະນາ​ກັນ. ນອກ​ນັ້ນ​ແລ້ວ ​ເລຂາທິການ​ໃຫຍ່​ສະຫະ​ປະຊາ​ຊາດ ຍັງ​ໄດ້​ຮຽກ
ກອງ​ປະຊຸມ​ສຸດ​ຍອດ ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ ​ເພື່ອ​ຊຸກຍູ້​ປະ​ເທດ​ຕ່າງໆ
ໃຫ້​ທຳຄວາມ​ໝາຍ​ໝັ້ນ ຕໍ່​ການ​ຕັດການ​ປ່ອຍ​ແກ​ສ​ເຮືອນ​ແກ້ວ ອອກ​ສູ່​ເຂດ​ບັນຍາກາດ​ນັ້ນ
ລົງ.

ອາຈານ Richard Gowan ຈາກ​ມະຫາວິທະຍາ​ໄລ​ນິວຢອກ ຫລື NYU ກ່າວວ່າ ຮອບ​ປີ
​ທີ່​ຜ່ານ​ມາ​ນີ້ ​ແມ່ນ​ໄດ້​ເປັນ​ປີ​ທີ່​ຫຍຸ້ງຍາກ​ເປັນ​ ພິ​ເສດ ສຳ​ຫລັບ​ປະຊາ​ຄົມນາໆ​ຊາດ. ທ່ານ Gowan ​ເວົ້າວ່າ:

“ຮອບ​ປີ​ທ່ີ່ຜ່ານ​ມາ​ແມ່ນ​ໄດ້​ເປັນ​ປີ​ທີ່​ລຳບາກ​ແທ້ໆ ສຳ​ຫລັບການ​ທູດ​ຂອງ​ສະຫະ​ປະ
ຊາ​ຊາດ ຍ້ອນ​ການ​ສູ້​ລົບ​ກັນ​ຢູ່​ໃນ​ຊີ​ເຣຍ ​ແລະ​ຢູ່​ໃນ​ຢູ​ເຄຣນ. ການ​ທ້າ​ທາຍຈາກ​
ກຸ່ມ​ອິສລາມ ISIS ​ແລະ​ການ​ທ້າ​ທາຍ​ຈາກ​ອີ​ໂບລາ ​ແມ່ນ​ສອງເລື້ອງ​ທີ່​ລັດຖະບານ​
ທັງ​ໝົດ ສາມາດ​ເຫັນ​ພ້ອມ​ນຳ​ກັນ​ໄດ້. ​ແລະ​ກໍ​ຈະ​ມີ​ການ​ຜັກດັນ​ຢ່າງ​ໃຫຍ່​ເພື່ອ​ພະ
ຍາຍາມກອບ​ກູ້​ເອົາ​ຄວາມ​ເປັນ​ເອກະ​ພາບ​ກັນ​ກັບ​ຄືນ​ມາ ​ໃນ​ລະດັບ​ໃດ​ລະດັບ​ນຶ່ງ
ຢູ່​ສະຫະ​ປະຊາ​ຊາດ​ນັ້ນ ລຸ​ນຫລັງ​ປີທີ່​ມີ​ການ​ແຕກ​ແຍກ​ກັນ ​ຫລາຍ​ທີ່​ສຸດ.”


ການ​ທູດ​ສ່ວນ​ນຶ່ງ​ແມ່ນ​ຈະ​ດຳ​ເນີນ​ໄປ ຢູ່​ໃນ​ຫ້ອງ​ປະຊຸມ​ໃຫຍ່​ຂອງ​ສະມັດຊາ​ໃຫຍ່ ທີ່​ຫາ​ກໍໄດ້
​ຮັບ​ການ​ຊ່ອມ​ແຊມ ​ປັບປຸງ​ໃໝ່ ອັນ​ເປັນ​ພາກສ່ວນ​ສຸດ​ທ້າຍ​ຂອງ​ໂຄງການ​ບູລະນະ ສຳນັກ
ງານ​ໃຫຍ່​ຂອງ​ສະຫະ​ປະຊາ​ຊາດ ມູນ​ຄ່າ 2.200 ລ້ານ​ດອລລ່າ ທີ່​ໃຊ້​ເວລາ​ປັບປຸງ​ເກືອບ 6 ປີ ຊຶ່ງ​ໄດ້​ເຮັດ​ໃຫ້ພື້ນ​ທີ່​ບໍລິ​ເວນ​ທັງ​ໝົດ​ຂອງ ສຳນັກງານ​ທີ່ສ້າງ​ຂຶ້ນ​ມາ​ໄດ້ ​ເກືອ​ບ 70 ປີ​ນັ້ນ ມີ​ຄວາມ​ປອດ​ໄພ​ຂຶ້ນ ​ແລະ​ປະ​ຫຍັດ​ພະລັງງານ​ຫລາຍ​ຂຶ້ນ.

ປ. ໂອບາມາ ກໍຈະໄປກ່າວ ກ່ຽວກັບເລື້ອງດຽວກັນ ຕໍ່ສະຫະປະຊາຊາດ:

Obama Goes to UN With Islamic State, Ebola on Agenda
please wait

No media source currently available

0:00 0:02:53 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG