ຮຸ້ນສຳຄັນໆໃນຕະຫລາດໂລກຕົກລາຄາຢ່າງຫລວງຫລາຍໃນວັນຈັນມື້ນີ້ ໃນຂະນະທ່ີພວກຕະຫລາດໂລກສະແດງຄວາມຢ້ານກົວ
ອອກມາອີກເທື່ອໃໝ່ ກ່ຽວກັບວິກິດການໜີ້ສິນຂອງຢູໂຣບແລະຄວາມຜິດຫວັງນຳ ຂໍ້ມູນກ່ຽວກັບອັດຕາການຫວ່າງງານໃນ
ສະຫະລັດ.
ລາຄານ້ຳມັນກໍໄດ້ຮັບຜົນກະທົບເຊັ່ນກັນ ໂດຍຫລຸດລົງມາ ເປັນຖັງນຶ່ງ ຕ່ຳກ່ວາ 70 ດອນລາໜ້ອຍນື່ງ ໃນຂະນະດຽວກັນ
ເງິນຢູໂຣ ຊຶ່ງເປັນ ເງິນຕາຕະກູນດຽວໃນຢູໂຣບ ໄດ້ຕົກລາຄາຕ່ຳສຸດໃນຮອບ 4 ປີ ໃນການແລກປ່ຽນກັບເງິນດອນລາສະຫະລັດ.
ການເສດຖະກິດຂອງພວກປະເທດໃນຢູໂຣບກຳລັງສະແດງຮ່ອງຮອຍ ເພ່ີມຂຶ້ນ ວ່າຕົກຢູ່ໃນສະພາບຝືດເຄືອງ. ທ່ີ Hungary
ບັນດາເຈົ້າໜ້າ ທີ່ກ່າວວ່າ ປະເທດຂອງເຂົາເຈົ້າອາດຈະປະເຊີນກັບວິກິດການໜີ້ສິນແບບດຽວກັນກັບປະເທດ Greece ກໍໄດ້
ແລະຄາດວ່ານາຍົກລັດຖະ ມຸນຕີອັງກິດທ່ານ David Cameron ຈະປະກາດໃຫ້ຮູ້ເຖິງຄວາມຈຳເປັນ ທ່ີຈະຕ້ອງຕັດການໃຊ້ຈ່າຍ
ຂອງລັດຖະບານລົງຢ່າງຫລວງຫລາຍ ເພື່ອຫລຸດຜ່ອນການຂາດດູນງົບປະມານ. ສຳນັກນາຍົກລັດຖະມຸນຕີອັງ ກິດກ່າວວ່າ
ໃນຄຳປາໄສໃນຕອນແລງວັນຈັນມື້ນີ້ ທ່ານ Cameron ຈະກ່າວວ່າ ລະດັບຂອງບັນຫາການຂາດດຸນງົບປະມານແມ່ນຮ້າຍແຮງ
ກວ່າທ່ີໄດ້ເຊື່ອກັນມາກ່ອນ ແລະວ່າ ການຕັດງົບປະມານທ່ີຈຳເປັນເຫລົ່ານັ້ນ ຈະສົ່ງຜົນກະທົບຕໍ່ໝົດທຸກຄົນໃນປະເທດ.
ສະຖິຕິການຫວ່າງງານຂອງສະຫະລັດ ທ່ີເປີດເຜີຍໃຫ້ຮູ້ໃນວັນສຸກຜ່ານມາ ໄດ້ເຮັດຜູ້ຄົນມີຄວາມເປັນຫ່ວງກັງວົນວ່າ ການ
ຟື້ນໂຕຄືນຂອງເສດ ຖະກິດສະຫະລັດ ຊຶ່ງເປັນເສດຖະກິດໃຫຍ່ທ່ີສຸດຂອງໂລກນັ້ນ ບໍ່ແຂງ ແຮງ ເທົ່າທ່ີຜູ້ຄົນເຊື່ອຖືກັນ.
