ໃນຂະນະທີ່ມີຄວາມຢ້ານກົວສືບຕໍ່ໄປກ່ຽວກັບວິກິດການດ້ານໜີ້ສິນຂອງຢູໂຣບຢູ່ນີ້ ກອງທຶນສາກົນຫລື IMF ກ່າວວ່າ ຕົນກໍານົດຈະຕັດການທໍານາຍການເຕີບໂຕດ້ານເສດຖະກິດຂອງໂລກລົງໃນອັດຕາຕໍາກວ່າສໍາລັບປີ 2012 ນີ້.
ໃນເດືອນກັນຍາຜ່ານມາ ກອງທຶນສາກົນໄດ້ທໍານານຍວ່າ ການເສດຖະກິດຂອງໂລກຈະເຕີບໂຕຂຶ້ນໃນອັດຕາ 4 ເປີເຊັນສໍາລັບປີນີ້ ແຕ່ໃນວັນສຸກວານນີ້ ທ່ານນາງ Christine Lagarde ຫົວໜ້າກອງທຶນສາກົນກ່າວຕໍ່ບັນດານັກຂ່າວທີ່ນະຄອນຫລວງ Pretoria ຂອງອາຟຣິກາໃຕ້ວ່າ ໃນທ້າຍເດືອນນີ້ ກອງທຶນສາກົນທີ່ມີຫ້ອງການຕັ້ງຢູ່ໃນກຸງວໍຊິງຕັນຈະຕັດການທໍານາຍຂອງຕົນລົງໃຫ້ສອດຄ້ອງກັບສະພາບໂຕຈິງ.
ທ່ານນາງ Lagarde ກ່າວຕໍ່ໄປວ່າ ອາຟຣິກາໃຕ້ແລະປະເທດໃນທະວີບອາຟຣິກາອື່ນໆ ຈະໄດ້ຮັບຄວາມເສຍຫາຍຢ່າງຈະແຈ້ງ ຖ້າຢູໂຣບບໍ່ແກ້ໄຂວິກິດການໜີສິນຂອງລັດຖະບານຂອງຕົນ ຊຶ່ງທ່ານນາງເຕືອນວ່າ ຈະເປັນປີທີ່ຈະປະເຊີນກັບຄວາມຫຍຸ້ງຍາກຂວາງໜ້າຢູ່ສໍາລັບການເສດຖະກິດໂລກ.
ທ່ານນາງ Lagarde ກ່າວວ່າ ມີຄວາມກົດດັນໜີສິ້ນຢ່າງຮ້າຍແຮງພາຍໃນ 17 ປະເທດທີ່ໃຊ້ເງິນຢູໂຣ ແຕ່ທ່ານນາງກ່າວວ່າ ເງິນຕາທີ່ວ່ານີ້ຈະບໍ່ຫາຍສາບສູນໄປໃນປີ 2012 ນີ້.
