ລິ້ງ ສຳຫລັບເຂົ້າຫາ

ຣັດເຊຍຈະເປັນເຈົ້າພາບ World Cup 2018

  • ທອງປານ ເທບວົງສາ

ຮອງນາຍົກ ລັດຖະມົນຕີຣັດເຊຍ Igor Shuvalov ຮັບເອົາຂັນພາຍ ຫລັງທີ່ມີການປະກາດຜົນການຄັດເລືອກໃຫ້ເປັນເຈົ້າພາບຈັດການແຂ່ງ ຂັນ World Cup ປີ 2018 ໃນພິທີທີ່ຈັດຂຶ້ນຢູ່ນະຄອນ Zurich, Switzerland ໃນວັນພະຫັດ ທີ 2 ທັນວາ 2010 ວານນີ້.

ຣັດ​ເຊຍ ໄດ້ຖືກຄັດເລືອກໃຫ້
ເປັນ​ເຈົ້າພາບ​ຈັດການ​ແຂ່ງຂັນ​
ກິລາບານ​ເຕະໂລກ ຫລື
World Cup ປີ 2018 ​ໃນ
ຂະນະ​ທີ່ການແຂ່ງຂັນຮອບ
ປີ 2022 ນັ້ນ​ໄດ້​ມອບ​ໃຫ້ປະ​
ເທດ Qata rເປັນເຈົ້າພາບ​.

ອົງການບໍລິຫານ​ການ​ແຂ່ງຂັນ​ກິລາ​ບານ​ເຕະໂລກ ຟີ​ຟາ ​ໄດ້​ເປີດເຜີຍຜົນ​ການ​ຄັດ​ເລືອກ​ທັງ​ສອງນີ້ໃຫ້ຮູ້ ​ໃນ​ພິທີ​ປະກາດ​ທີ່​ຈັດ​ຂຶ້ນຢູ່​ນະຄອນ Zurich ປະ​ເທດ Switzerland ​ໃນ​ວັນ​ພະຫັດ​ມື້ວານ​ນີ້.

ທ່ານ Sepp Blatter ປະທານອົງ​ການຟີ​ຟາ ​ໄດ້​ປະກາດ​ຜົນ​ການ​ຄັດ​ເລືອກນີ້​ ຕໍ່ຄະນະ
ຜູ້ແທນຈາກບັນດາ​ປະ​ເທດ​ທີ່​ໄດ້ຍື່ນ​ຄຳຮ້ອງເຂົ້າ​ແຂ່ງຂັນ​ເປັນ​ເຈົ້າພາບ.

ຣັດ​ເຊຍ​ໄດ້ຖືກຄັດ​ເລືອກໃຫ້​ເປັນເຈົ້າພາບ ​ໂດຍ​ໄດ້ເອົາຊະນະອັງກິດ ​ແລະການ​ຂໍ​ເປັນ​ເຈົ້າ
ພາບຮ່ວມກັນຂອງສະ​ເປ​ນ ກັບ​ປອກຕຸຍກາລ, ​ແລະຂອງ​ເບັນຢຽມກັບເນ​ເທີ​ແລນ.

ສ່ວນ​ທາງ Qatar​ ນັ້ນ ໄດ້ຖືກຄັດ​ເລືອກເພື່ອໃຫ້​ເປັນເຈົ້າພາບຈັດການ​ແຂ່ງຂັນ​ຮອບປີ
2022 ໂດຍ​ໄດ້ຊະນະຍີ່ປຸ່ນ, ​ເກົາຫລີ​ໃຕ້, ອອສ​ເຕຣ​ເລຍ ​ແລະ ສະຫະລັດ.

Qatar​ ຈະ​ເປັນ​ປະ​ເທດທຳ​ອິດໃນເຂດ​ພາກຕາ​ເວັນ​ອອກ​ກາງ ທີ່ຈະໄດ້ເປັນເຈົ້າພາບຈັດ
ການ​ແຂ່ງຂັນ World Cup ​ ​ໃນ​ຂະນະ​ທີ່ World Cup ປີ 2018 ກໍຈະເປັນຄັ້ງທຳ​ອິດ​
ທີ່​ຣັດ​ເຊຍຈະ​ໄດ້​ເປັນເຈົ້າພາບຈັດການແຂ່ງຂັນບານເຕະໂລກ​ອັນ​ນີ້.

XS
SM
MD
LG