ຜົນການແຂ່ງຂັນຍາດເອົາທີ 3 ຂອງ World Cup ແມ່ນ ເຢັຍລະມັນຊະນະຢູຣຸກວາຍ 3 ຕໍ່ 2 ຂອງຊ່ວງເວລາສຸດທ້າຍ
ນາຍ Sami Khedira ຂອງເຢັຍລະມັນຍິງປະຕູໄດ້ໃນນາທີທີ່ 82 ຊຶ່ງການເສຍໄຊຄັ້ງນີ້ແມ່ນເປັນການສິ້ນສຸດຂອງຄວາມຫວັງທີ່ວ່າ ຢູຣຸກວາຍຈະເອົາຊະນະເຢັຍລະມັນໄດ້ເທື່ອທຳອິດໃນຮອບ 82 ປີຜ່ານມາ.
ນາຍ Thomas Mueller ຂອງເຢັຍລະມັນສາມາດຍິງປະຕູໄດ້ໃນ ນາທີທີ່ 19 ຂອງເວລາຊ່ວງທຳອິດ ຊຶ່ງເປັນການຍິງປະຕູຄັ້ງທີ່ 5 ຂອງນາຍ Thomas ໃນການແຂ່ງຂັນຄັ້ງນີ້ ແຕ່ນາຍ Edinson Cavani ຂອງຢູຣຸກວາຍ ກໍຍິງປະຕູໄດ້ນຶ່ງເທົ່າໃນເວລາ 9 ນາທີຕໍ່ມາ.
ທີມຢູຣຸກວາຍນຳໜ້າທຳຄະແນນສອງນຶ່ງໃນຊ່ວງເວລາທີ່ສອງ ໂດຍນາຍ Diego Forlan ຍິງປະຕູໄດ້ ແຕ່ນາຍ Marcell Jansen ຂອງເຢັຍລະມັນ ກໍຍິງປະຕູໄດ້ອີກເປັນສອງເທົ່າໃນເວລາເກົ້ານາທີຕໍ່ມາ. ຜົນສຸດທ້າຍເຢັຍລະມັນຊະນະຢູຣຸກວາຍ 3 ຕໍ່ 2
ການແຂ່ງຂັນຮອບຊະນະເລີດຈະມີຂື້ນໃນວັນອາທິດມື້ນີ້ ລະຫວ່າງທີມ Spain ແລະ ທີມ Netherland.
