ຜົນການແຂ່ງຂັນເຕະບານໂລກ ວັນເສົາວານນີ້ ໃນການແຂ່ງຂັນ ທີ່ມີແຟນລໍຖ້າເບິ່ງຢ່າງກະຕືລືລົ້ນນັ້ນ ປາກົດວ່າ ອັງກິດ ກັບສະຫະລັດ ສະເໝີກັນ 1 ຕໍ່ 1 ໃນມື້ທີ່ສອງຂອງການແຂ່ງ ຂັນ World Cup ໂດຍທີມຂອງປະເທດອັງກິດ ທຳຄະແນນໄດ້ກ່ອນ ແຕ່ຜູ້ຮັກສາປະຕູຂອງທີມອັງກິດຕ້ານບານບໍ່ໄດ້ ຫລັງຈາກລົງສະໜາມແຂ່ງໄດ້ປະມານ 40 ນາທີ ຈຶ່ງເປີດໂອກາດໃຫ້ສະຫະລັດສາມາດທຳຄະແນນສະເໝີ ກັນໃນທີ່ສຸດ.
ທີມຂອງສະຫະລັດແມ່ນເປັນຝ່າຍເສຍປຽບໃນການແຂ່ງຂັນກັນກັບ ອັງກິດຄັ້ງນີ້ທີ່ເມືອງ Rustenburg ໃນເຂດຕາເວັນຕົກສ່ຽງເໜືອຂອງປະເທດອາຟຣິກາໃຕ້ນັ້ນ.
ອັງກິດ ທີ່ຖືວ່າເປັນທີມນຶ່ງທີ່ແຂງໃນການແຂ່ງຂັນບານເຕະໂລກປີນີ້ ກຳລັງພະຍາຍາມຈະຍາດເອົາຂັນ World Cup ມາໃຫ້ໄດ້ເປັນເທື່ອທຳອິດນັບຕັ້ງແຕ່ປີ 1966 ມາ.
ຮອງປະທານາທິບໍດີສະຫະລັດ ທ່ານ ໂຈ ບາຍເດັນ ໄດ້ເຂົ້າຮ່ວມໃນການແຂ່ງຂັນວັນເສົາວານນີ້ ຕາງໜ້າສະຫະລັດ.
ໃນການແຂ່ງຂັນສອງຄູ່ ກ່ອນທີມອັງກິດກັບສະຫະລັດເມື່ອວັນເສົາວານນີ້ ແມ່ນທີມອາເຢັນຕິນາ ຊະນະ ໄນຈີເຣຍ 1 ຕໍ່ 0 ແລະທີມເກົາຫລີ ໄຕ້ ຊະນະກຣີຊ 2 ຕໍ່ 0.
