ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທະນາຄານໂລກ ກຽມຈະໃຫ້ ເງິນກູ້ຢືມ ແກ່ມຽນມາ 85 ລ້ານໂດລາ


ຜູ້ຊາຍຄົນນຶ່ງກໍາລັງນັບເງິນ ໂດລາ ແລະເງິນມຽນມາ kyats ທີ່ບ່ອນປ່ຽນເງິນ ໃນກຸງຢ່າງກຸ້ງ
ຜູ້ຊາຍຄົນນຶ່ງກໍາລັງນັບເງິນ ໂດລາ ແລະເງິນມຽນມາ kyats ທີ່ບ່ອນປ່ຽນເງິນ ໃນກຸງຢ່າງກຸ້ງ

ທະນາຄານ​ໂລກ ກໍາລັງ​ກຽມ ​ທີ່​ຈະມອບ​ເງິນ​ຊ່ວຍ​ເຫລືອ​ລ້າ​ກ້ອນ​ໃໜ່ ຈໍານວນ ຫລາຍ​ເຖິງ
85 ລ້ານ​ໂດ​ລາ ​ແກ່​ມຽນມາ ​ເພື່ອ​ຊ່ວຍ​ສະໜັບສະໜຸນ​ການ​ປະຕິ​ຮູບ​ໃນປະ​ເທດເອ​ເຊຍອາ​
ຄະ​ເນ​ແຫ່ງ​ນັ້ນ.

ອົງການ​ໃຫ້ເງິນກູ້ຢືມ​ທົ່ວໂລກ ກ່າວໃນ​ວັນ​ພຸດມື້​ນີ້ວ່າ ​ເງິນ​ຊ່ວຍ​ເຫລືອ​ລ້າ​ດັ່ງ ກ່າວ ຈະ​ຊ່ວຍ
ສະໜັບສະໜຸນ “​ໂຄງການສົ່ງ​ເສີມ​ການ​ພັດທະນາປະຊາ​ຄົມ​” ທີ່​ແນ່ໃສ່​ການ​ຊ່ວຍ​ໃຫ້​ຊາວ​
ມຽນມາ ​ໄດ້​ຮັບ “ຜົນ​ກໍາ​ໄລ​ເສດຖະກິດ​ອັນ​ແທ້​ຈິງ” ຈາກ​ການ​ປະຕິ​ຮູບຂອງລັດຖະບານນັ້ນ.

ຄໍາ​ປະກາດ​ນີ້ໄດ້​ມີ​ຂຶ້ນ ​ໃນ​ຂະນະ​ທີ່ ທະນາຄາ​ນ​ໂລກ ໄຂ​ຫ້ອງການ​ຂຶ້ນ ຢູ່ ນະຄອນ​ຢ່າງ​ກຸ້​ງ
ຊຶ່ງ​ທະນາຄານ​ໂລກ​ກ່າວ​ວ່າ​ ຈະຊ່ວຍ​ໃຫ້​ເຂົ້າ​ໄປ​ເຖິງ “ບັນ​ດາ​ປະຊາຊົນ​ທີ່​ຍາກ​ຈົນທີ່​ສຸດ ​ໃນ
​ເອ​ເຊຍ​ຕາ​ເວັນ​ອອກ” ຜູ້​ທີ່​ໄດ້ “ຖືກ​ຕັດ​ອອກ​ຈາກ​ການເສດຖະກິດນອງ​ໂລກ​ ມາ​ເປັນ​ເວລາ​
ນານ​ເກີນ​ໄປ.”

ທ່ານນາງ Pamela Cox ຮອງ​ປະທານ ທະນາຄານ​ໂລກ ສໍາລັບ​ຂົງ​ເຂດເອ​ເຊຍຕາ​ເວັນ​ອອກ​
ແລະ​ປາຊິ​ຟິກ ​ໄດ້​ເຂົ້າ​ຮ່ວມ​ເປີດ​ພິທີ​ໄຂ​ຫ້ອງ​ການໃນ​ວັນ​ພຸດນີ້ ຊຶ່ງ​ເປັນ​ການ​ຢ້ຽມຢາມ​ຄັ້ງ​ທໍາ​ອິດ​
ຂອງ​ຜູ້ນໍາ​ຂັ້ນ​ສູງ​ຂອງ​ທະນາຄາ​ນ​ໂລກ ນັບ​ຕັ້ງ​ແຕ່ອະດີດ​ປະ​ເທດ​ຜະ​ເດັດ​ການແຫ່ງ​ນີ້ ​ໄດ້​ເລີ້ມ
​ທໍາ​ການ​ປະຕິ​ຮູບທາງການ​ເມືອງ ​ແລະເສດຖະກິດ ​ໃນ​ປີ​ກາຍ​ນີ້.

ທະ​ນາ​ຄານ​ໂລກ ​ທີ່ໄດ້​ຕັດ​ການ​ໃຫ້​ເງິນ​ກູ້ຢືມແກ່ ມຽນມາ ​ໃນ​ປີ 1987 ນັ້ນ​ຍັງກ່າວອີກ​ວ່າ
ມຽນມາ ຈະ​ໄດ້​ຮັບເງິນກູ້​ຢືມ ທີ່ບໍ່​ມີດອກເບ້ຍ​ ຈາກສະມາຄົມ​ພັດທະນາໆ​ຊາດ ອັນ​ເປັນ
​ກອງທຶນຂອງ​ຕົນ ​ສໍາ​ລັບຊ່ວຍ​ເຫລືອບັນດາປະ​ເທດ​ທີ່​ທຸກ​ຍາກທີ່​ສຸດ​ຂອງ​ໂລກ​ນັ້ນ ​ເວລາ​
ໃດ​ທີ່​ມຽນມາ​ສາມາດ​ໃຊ້ໜີ້ຈໍາ​ນວນ 397 ລ້ານ​ໂດ​ລາ ທີ່​ຍັງໄດ້​ຕິດ​ຄ້າງ​ຕົນ​ມາ​ແຕ່ກ່ອນ​ນັ້ນ.

XS
SM
MD
LG