ເບິ່ງວີດີໂອພາສາລາວ:
ແຜ່ນຜ້າທີ່ເອົາມາຫຍິບຕິດຕໍ່ໃສ່ກັນເປັນແຜ່ນຜ້າຜືນໃຫຍ່ໆ ກ່ຽວກັບຜູ້ເປັນໂຣກເອດສ໌ ອັນ
ເປັນສັນຍະລັກທີ່ບົ່ງເຖິງພະລັງອໍານາດທີ່ສຸດຢ່າງນຶ່ງ ຂອງການທໍາລາຍລ້າງຜານມະນຸດທີ່
ເກີດຈາກໂຣກເອດສ໌ນັ້ນ ໄດ້ນໍາມາກາງສະແດງທີ່ນະຄອນຫຼວງວໍຊິງຕັນ ພຽງບໍ່ເທົ່າໃດອາ
ທິດກ່ອນການໄຂກອງປະຊຸມໂຣກເອດສ໌ນາໆຊາດ.
ແຜ່ນຜ້າແຕ່ລະແຜ່ນ ສະແດງຄວາມຊົງຈໍາບຸກຄົນໆນຶ່ງທີ່ເສຍຊີວິດດ້ວຍໂຣກເອດສ໌. ໂຄງ
ການດັ່ງກ່າວໄດ້ເລີ່ມຕົ້ນເມື່ອ 25 ປີຜ່ານມາ ອັນເປັນເທື່ອສຸດທ້າຍຂອງກອງປະຊຸມເລຶ່ອງນີ້
ໄດ້ຈັດຂຶ້ນທີ່ນະຄອນຫຼວງວໍຊິງຕັນ.
Dr. Anthony Fauci ເປັນຜູ້ອໍານວຍການສະຖາບັນໂຣກພູມແພ້ແລະພະຍາດຕິດຕໍ່ແຫ່ງ
ຊາດ ຕັ້ງແຕ່ໃນເວລານັ້ນ ມາຈົນເທົ່າເຖິງປັດຈຸບັນນີ້. ທ່ານ ຟໍຊີ ກ່າວວ່າ:
“ເມື່ອ 25 ປີຜ່ານມາ ຄືໃນປີ 1987 ນັ້ນ ມັນເປັນຊ່ວງເວລາທີ່ເສົ້າໂສກສິ້ນຫວັງທີ່ສຸດ
ສໍາລັບເຊື້ອເອັຊໄອວີ.”
ໄດ້ມີການເຕືອນກ່ຽວກັບການຮ່ວມເພດທີ່ປອດໄພກວ່າເກົ່າ ແລະການໃຊ້ຖົງຢາງອະນາ
ໄມ. ຢາ ATZ ເປັນຢາຊະນິດໃໝ່ ທີ່ອາດປາບເຊື້ອເອັຊໄອວີໄດ້ດີ ແຕ່ກໍປະກົດວ່າ ໃຊ້ໄດ້
ຜົນພຽງໄລຍະສັ້ນເທົ່ານັ້ນ. ດຣ ຟໍຊີ ກ່າວວ່າ:
“ເວລານັ້ນ ມັນເປັນເວລາທີ່ສິ້ນຫວັງແທ້ໆ. ຈໍານວນຜູ້ຄົນເຈັບປ່ວຍຈາກພະຍາດນີ້
ເພີ່ມທະວີຂຶ້ນໄປໃນທົ່ວໂລກຢ່າງໄວ ພວກເຮົາຍັງບໍ່ຮູ້ຢ່າງລະອຽດໄດ້ ເຖິງຜົນກະທົບ
ອັນຜິດປົກກະຕິ ທີ່ເກີດຂຶ້ນຢູ່ໃນປະເທດທີ່ພວມພັດທະນາ ໂດຍສະເພາະຂົງເຂດ
ຕອນໃຕ້ທະເລຊາຍຊາຮາຣາ ຂອງອາຟຮິການັ້ນ.”
ເກືອບວ່າ 70 ເປີເຊັນຂອງຜູ້ທີ່ເປັນໂຣກເອດສ໌ ແມ່ນພວກທີ່ອາໄສຢູ່ໃນຂົງເຂດຕອນໃຕ້
ທະເລຊາຍຊາຮາຣາຂອງອາຟຮິກາ. ຈະມີສອງລ້ານຫ້າແສນຄົນທີ່ຕິດເຊື້ອນີ້ລາຍໃໝ່ໆໃນ
ແຕ່ລະປີ ແຕ່ມາບັດນີ້ ມີກໍຄວາມຫວັງແດ່ແລ້ວ. ດຣ. ຟໍຊີ ກ່າວອີກວ່າ:
“ໃນປີ 2012 ນີ້ ພວກເຮົາກ້າວມາເຖິງຈຸດທີ່ວິທະຍາສາດໄດ້ມອບວິທີການແຊກແຊງ
ພະຍາດນີ້ຫຼາຍປະການໃຫ້ແກ່ພວກເຮົາ ໂດຍສະເພາະວິທີໃນຮູບແບບການປິ່ນປົວ
ແລະການປ້ອງກັນເຊື້ອເອັຊໄອວີ.”
ປັດຈຸບັນນີ້ ມີຢຸກຢາ 30 ຊະນິດເພື່ອປິ່ນປົວເຊື້ອເອັຊໄອວີ. ເມື່ອສິບປີຜ່ານມາ ມີບໍ່ເທົ່າໃດຄົນ
ໃນບັນດາປະເທດພວມພັດທະນາ ທີ່ສາມາດໄດ້ຮັບຢາເຫຼົ່ານີ້. ມາບັດນີ້ ມີຈໍານວນຄົນຕິດ
ເຊື້ອເອັຊໄອວີເກືອບເຈັດລ້ານຄົນ ໄດ້ຮັບການປິ່ນປົວ. ນອກນີ້ແລ້ວບັນດານາຍແພດ ກໍໄດ້
ຮຽນຮູ້ວິທີປ້ອງກັນເດັກທາລົກບໍ່ໃຫ້ຕິດເຊື້ອໄວຣັສນີ້ຈາກແມ່. ແລະບັນດານັກວິທະຍາສາດ
ໄດ້ພົບເຫັນວ່າການປິ່ນຄົນເຈັບແຕ່ຫົວທີນັ້ນ ບໍ່ແມ່ນແຕ່ຈະຊ່ວຍຊີວິດໄວ້ເທົ່ານັ້ນ ແຕ່ມັນຊ່ວຍ
ລົດລະດັບໂອກາດທີ່ຈະນໍາເອົາເຊື້ອໄວຣັສນີ້ໄປຕິດແປດຄູ່ຮ່ວມເພດຂອງຕົນລົງໄດ້ຢ່າງໃຫຍ່
ຫຼວງນໍາອີກ.
ບັດນີ້ ບັນດານັກວິທະຍາສາດ ກໍາລັງກ້າວໃກ້ເຂົ້າໄປເຖິງຈຸດທີ່ຈະສາມາດພັດທະນາຢາ
ວັກຊີນ ຂຶ້ນມາໄດ້ແລ້ວ
ເອກອັກຄະລັດຖະທູດ Eric Goosby ເປັນຜູ້ປະສານງານດ້ານໂຣກເອດສ໌ໂລກຂອງສະ
ຫະລັດ ກ່າວວ່າ ຄວາມມຸ້ງໝັ້ນເອົາໃຈໃສ່ຂອງປະເທດຊາດນັ້ນ ແມ່ນສໍາຄັນທີ່ສຸດ.
ເບິ່ງວີດີໂອພາສາອັງກິດ:
ທ່ານ Goosby ກ່າວວ່າ: “ບົດບາດການນໍາພາໂດຍທັງໝົດແລ້ວ ມັນເປັນຂອງປະເທດ
ໃດນຶ່ງໂດຍສະເພາະ ບໍ່ແມ່ນພາຄີຈາກພາຍນອກ. ສະຫະລັດບໍ່ສາມາດທີ່ຈະເປັນກະຊວງ
ສາທາລະນະສຸກໃດໆ ໃນບັນດາປະເທດທີ່ພວກເຮົາປະຕິບັດງານຢູ່ນັ້ນໄດ້”
ດຣ. ຟໍຊີ ກໍເຫັນພ້ອມນໍາທ່ານ Goosby ແລະກ່າວວ່າ
“ສິ່ງທີ່ຂ້າພະເຈົ້າຢາກເຫັນນັ້ນ ກໍຄືຄວາມມຸ້ງໝັ້ນ ເອົາໃຈໃສ່ ຊຶ່ງເປັນຄວາມມຸ້ງໝັ້ນ
ຂອງໂລກເພື່ອຍົກລະດັບຢ່າງສໍາຄັນໃນການຈັດຕັ້ງປະຕິບັດ ທັງໃນດ້ານການປ້ອງກັນ
ແລະການປິ່ນປົວຕ່າງໆ ຈົນເຖິງຈຸດບ່ອນທີ່ພວກເຮົາປະສົບຜົນສໍາເລັດຢ່າງແທ້ຈິງ ໃນ
ສິ່ງທີ່ພວກເຮົາທັງໝົດປຸ້ມລຸມກັນພະຍາຍາມກະທໍາເພື່ອກໍາຈັດຖອນຮາກການແຜ່ລະ
ບາດຂອງໂຣກເອດສ໌ນັ້ນ.”
ດັ່ງນັ້ນໃນກອງປະຊຸມໂຣກເອດສ໌ປະຈໍາປີນີ້ ພ້ອມໆກັບການນໍາສະເໜີດ້ານວິທະຍາສາດ
ຕ່າງໆ ກໍຈະມີການຮຽກຮ້ອງໃຫ້ມີຄວາມມຸ້ງໝັ້ນເພີ່ມຫຼາຍຂຶ້ນຂອງວົງການລັດຖະບານ
ເພື່ອກໍາຈັດຖອນຮາກຖອນເຫງົ້າການແຜ່ລະບາດ ແລະເພີ່ມງົບປະມານຫຼາຍຂຶ້ນ ເພື່ອວ່າ
ພວກຄົນລຸ້ນຕໍ່ໄປຈະດໍາລົງຊີວິດທີ່ປອດໄພຈາກໂຣກເອດສ໌ນັ້ນໄດ້.
ວີດີໂອລາຍງານເລື່ອງ ບັນດານັກຊ່ຽວຊານຮູ້ສຶກມີຄວາມຫວັງກ່ຽວກັບ
ລາຍການສົນທະນາ ໃນກອງປະຊຸມຄັ້ງນີ້: