ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ສະຫະລັດ ຊະນະຝຣັ່ງ 3 ປະຕູຕໍ່ 1 ໃນການແຂ່ງຂັນ ຮອບຮອງຊະນະເລີດ


ກອງກາງຂອງທີມສະຫະລັດ ນາງ Abby Wambach ຍິງປະຕູລູກທີ 2 ໃນລະຫວ່າງການແຂ່ງຂັນຮອບຮອງ ຊະນະເລີດ ກັບຝຣັ່ງ ທີ່ເມືອງ Moenchengladbach ປະເທດເຢຍຣະມັນ (13 ກໍລະກົດ 2011)
ກອງກາງຂອງທີມສະຫະລັດ ນາງ Abby Wambach ຍິງປະຕູລູກທີ 2 ໃນລະຫວ່າງການແຂ່ງຂັນຮອບຮອງ ຊະນະເລີດ ກັບຝຣັ່ງ ທີ່ເມືອງ Moenchengladbach ປະເທດເຢຍຣະມັນ (13 ກໍລະກົດ 2011)

ທີມເຕະບານແມ່ຍິງຂອງສະຫະລັດ ຈະໄດ້ເຂົ້າແຂ່ງ ຊິງຂັນເຕະບານໂລກຫຼື World Cup ຮອບສຸດທ້າຍເປັນເທື່ອທຳອິດນັບແຕ່ໄດ້ຊະນະຕຳແໜ່ງດັ່ງກ່າວ ​ໃນ​ການ​ແຂ່ງຂັນຢູ່ສະຫະ
ລັດ ໃນປີ 1999.

ທີມຊາດແມ່ຍິງຂອງສະຫະລັດ ທຳຄະແນນໄດ້ 2 ປະຕູ ​ໃນໄລຍະເວລາ 4 ນາທີໃນຕອນ
ທ້າຍຂອງການແຂ່ງຂັນເຄິ່ງທີ 2 ​ໃນວັນພຸດວານນີ້ ​ແລະ​ໄດ້ຊະນະທີມຝຣັ່ງ 3 ປະ ຕູຕໍ່ 1
ທີ່ເມືອງ Moenchenggladbach ປະເທດເຢຍຣະມັນ.

ດາລາຍິງປະຕູຂອງທີມອະເມຣິກັນ ນາງ Abby Wambach ໄດ້ທັບມ້າງ ການມີຄະແນນ
ຈາວກັນ 1 ປະຕູຕໍ່ 1 ດ້ວຍການເອົາຫົວຕໍາເຂົ້າປະຕູ ໝາກ​ບານທີ່ນາງ Lauren Che-
ney ເຕະ​ມາ​ຈາກ​ແຈ​ເດີ່ນ ໃນນາທີໆ 79 ຂອງການແຂ່ງຂັນ. ນີ້ແມ່ນປະຕູທີ 3 ຂອງນາງ
Wambach ໃນການແຂ່ງຂັນຊິງຂັນ World Cup ຮອບນີ້ ແລະເປັນປະຕູທີ 12 ນັບແຕ່
ນາງໄດ້ເປັນນັກເຕະບານອາຊີບ ​ເທົ່າ​ກັບ​ສະຖິຕິ​ຂອງນັກເຕະ ຂອງທີມອະເມຣິກັນອີກຄົນນຶ່ງ
ຄືນາງ Michelle Akers ​ແລະເປັນອັນດັບ 3 ຂອງປະວັດການ ຍິງປະຕູ​ໄດ້​ຫລາຍ​ທີ່​ສຸດ ​
ໃນການແຂ່ງຂັນຊິງຂັນ World Cup.

ນາງ Alex Morgan ອາຍຸ 22 ປີ ຊຶ່ງເປັນນັກເຕະທີ່ມີອາຍຸນ້ອຍທີ່ສຸດຂອງທີມເປັນ​ຜູ້​ເຕະ
ລູກ​ທີ່​ນໍາ​ຄວາມ​ໝັ້ນ​ໃຈ​ໃນ​ໄຊຊະນະ​ມາ​ໃຫ້​ທີ​ມຊາດສະຫະລັດ ໃນນາທີໆ 82 ໂດຍສາມາດ ຫຼອກລໍ້ຜ່ານຂາປ້ອງກັນຂອງທີມຝຣັ່ງ 3 ຄົນ ແລະກໍ​ເຕະຢ່າງແມ່ນຍຳຂ້າມຫົວຜູ້ຮັກສາປະ
ຕູເຂົ້າໄປ.

ໃນການແຂ່ງຂັນຮອບຊິງຊະນະເລີດ World Cup ທີ່ນະຄອນ Frankfurt ປະເທດເຢຍ
ຣະມັນໃນມື້ວັນອາທິດຈະມານີ້ ທີມຊາດສະຫະລັດຈະສູ້ກັບຍີ່ປຸ່ນ ທີ່ໄດ້ເອົາຊະນະສະວີເດັນ
3 ປະຕູຕໍ່ 1 ຄືກັນ ໃນການແຂ່ງຂັນມື້ວານນີ້.

ນີ້ແມ່ນການ​ເຂົ້າແຂ່ງຂັນ ໃນຮອບຮອງຊະນະເລີດເທື່ອທຳອິດ ຂອງທັງທີມຝຣັ່ງ ແລະຍີ່ປຸ່ນ
ໃນ​ການ​ແຂ່ງຂັນຊິງຂັນ World Cup ແມ່ຍິງທີ່​ມີ​ມາ​ແລ້ວ 6 ຄັ້ງນັ້ນ.

XS
SM
MD
LG