ພວກນັກເຄື່ອນໄຫວກຳປູເຈຍກ່າວວ່າ ແມ່ຍິງຄົນນຶ່ງຖືກຍິງຕາຍ
ໃນວັນອັງຄານວານນີ້ໃນຂະນະທີ່ເກີດການປະທະກັນລະຫວ່າງ
ຕຳຫຼວດປາບການຈະລາຈົນແລະພວກແຮງງານຈຸນຶ່ງທີ່ພາກັນ
ນັດຢຸດງານ ໃນໂຮງງານຕັດຫຍິບ ໃນນະຄອນຫຼວງພະນົມເປັນ.
ບັນດາເຈົ້າໜ້າທີ່ຈາກກຸ່ມປົກປ້ອງສິດທິມະນຸດ Licadho ກ່າວ
ວ່າ ຢ່າງນ້ອຍພວກປະທ້ວງຕື່ມອີກ 5 ຄົນ ໄດ້ຮັບບາດເຈັບເຊັ່ນ
ກັນຈາກລູກປືນ ເວລາຕຳຫຼວດເລີ້ມລົງມືໃນອັນທີ່ເຂົາເຈົ້າເອີ້ນ
ວ່າ “ການປາບປາມທີ່ໂຫດຫ້ຽມ” ຕໍ່ການປະທ້ວງນັ້ນ.
ພວກແຮງງານຫຼາຍຮ້ອຍຄົນຈາກໂຮງງານ SL Garment Processing Ltd. ທີ່ສິງກະໂປເປັນເຈົ້າຂອງພະຍາຍາມເດີນຂະບວນໄປຫາບ້ານພັກຂອງນາຍົກລັດຖະມົນຕີຮຸນແຊນ ເພື່ອຮ້ອງຂໍໃຫ້ປັບປຸງສະພາບການເຮັດວຽກເຮັດການແລະຂໍຂຶ້ນເງິນເດືອນ.
ພວກທີ່ເຫັນເຫດການກ່າວວ່າ ພວກປະທ້ວງພາກັນແກວ່ງກ້ອນຫິນແລະເອົາໄຟຈູດເຜົາລົດຕຳຫຼວດຄັນນຶ່ງໃນຂະນະທີ່ພວກຕຳຫຼວດທຳການຕອບໂຕ້ດ້ວຍການສີດນ້ຳເຂົ້າໃສ່ ຕະຫຼອດທັງໃຊ້ແກສນ້ຳຕາແລະໃຊ້ລູກກະສູນປືນແທ້ຍິງໃສ່ພວກປະທ້ວງ. ບັນດານັກເຄື່ອນໄຫວກ່າວວ່າ ແມ່ຍິງຄົນທີ່ເສຍຊີວິດໄປນີ້ກຳລັງຂາຍເຂົ້າຢູ່ເລາະແຄມຖະໜົນສາຍນຶ່ງ.
ທັງຝ່າຍຕຳຫຼວດ ທີ່ກ່າວກັນວ່າໄດ້ທຳການຈັບກຸມປະຊາຊົນຢ່າງນ້ອຍ 10 ຄົນນັ້ນ ບໍ່ໄດ້ໃຫ້ຄວາມເຫັນໃດໆອອກມາກ່ຽວກັບເຫດການດັ່ງກ່າວ.
ໄດ້ມີການຈົ່ມທຸກເພີ່ມຂຶ້ນເລື້ອຍໆມາ ກ່ຽວກັບຄ່າຈ້າງຫຼືເງິນເດືອນຕໍ່າ ແລະສະພາບການບ່ອນເຮັດວຽກເຮັດການບໍ່ດີໃນໂຮງງານແຫ່ງຕ່າງໆໃນກຳປູເຈຍ ຊຶ່ງໄດ້ນຳພາໃຫ້ມີການປະທ້ວງແລະນັດຢຸດງານຫຼາຍຄັ້ງຈາກພວກແຮງງານທີ່ໂມໂຫໂທໂສນັ້ນ.
ໂຮງງານ SL Garment Processing ຫຍິບເຄື່ອງນຸ່ງໃຫ້ບໍລິສັດ Gap, H&M, ແລະຫຍີ່ຫໍ້ອື່ນໆຂອງໂລກ.
![ເກີດການປະທະກັນ ໃນການປະທ້ວງ ຢູ່ພະນົມເປັນ]()
Photo Gallery:
ໃນວັນອັງຄານວານນີ້ໃນຂະນະທີ່ເກີດການປະທະກັນລະຫວ່າງ
ຕຳຫຼວດປາບການຈະລາຈົນແລະພວກແຮງງານຈຸນຶ່ງທີ່ພາກັນ
ນັດຢຸດງານ ໃນໂຮງງານຕັດຫຍິບ ໃນນະຄອນຫຼວງພະນົມເປັນ.
ບັນດາເຈົ້າໜ້າທີ່ຈາກກຸ່ມປົກປ້ອງສິດທິມະນຸດ Licadho ກ່າວ
ວ່າ ຢ່າງນ້ອຍພວກປະທ້ວງຕື່ມອີກ 5 ຄົນ ໄດ້ຮັບບາດເຈັບເຊັ່ນ
ກັນຈາກລູກປືນ ເວລາຕຳຫຼວດເລີ້ມລົງມືໃນອັນທີ່ເຂົາເຈົ້າເອີ້ນ
ວ່າ “ການປາບປາມທີ່ໂຫດຫ້ຽມ” ຕໍ່ການປະທ້ວງນັ້ນ.
ພວກແຮງງານຫຼາຍຮ້ອຍຄົນຈາກໂຮງງານ SL Garment Processing Ltd. ທີ່ສິງກະໂປເປັນເຈົ້າຂອງພະຍາຍາມເດີນຂະບວນໄປຫາບ້ານພັກຂອງນາຍົກລັດຖະມົນຕີຮຸນແຊນ ເພື່ອຮ້ອງຂໍໃຫ້ປັບປຸງສະພາບການເຮັດວຽກເຮັດການແລະຂໍຂຶ້ນເງິນເດືອນ.
ພວກທີ່ເຫັນເຫດການກ່າວວ່າ ພວກປະທ້ວງພາກັນແກວ່ງກ້ອນຫິນແລະເອົາໄຟຈູດເຜົາລົດຕຳຫຼວດຄັນນຶ່ງໃນຂະນະທີ່ພວກຕຳຫຼວດທຳການຕອບໂຕ້ດ້ວຍການສີດນ້ຳເຂົ້າໃສ່ ຕະຫຼອດທັງໃຊ້ແກສນ້ຳຕາແລະໃຊ້ລູກກະສູນປືນແທ້ຍິງໃສ່ພວກປະທ້ວງ. ບັນດານັກເຄື່ອນໄຫວກ່າວວ່າ ແມ່ຍິງຄົນທີ່ເສຍຊີວິດໄປນີ້ກຳລັງຂາຍເຂົ້າຢູ່ເລາະແຄມຖະໜົນສາຍນຶ່ງ.
ທັງຝ່າຍຕຳຫຼວດ ທີ່ກ່າວກັນວ່າໄດ້ທຳການຈັບກຸມປະຊາຊົນຢ່າງນ້ອຍ 10 ຄົນນັ້ນ ບໍ່ໄດ້ໃຫ້ຄວາມເຫັນໃດໆອອກມາກ່ຽວກັບເຫດການດັ່ງກ່າວ.
ໄດ້ມີການຈົ່ມທຸກເພີ່ມຂຶ້ນເລື້ອຍໆມາ ກ່ຽວກັບຄ່າຈ້າງຫຼືເງິນເດືອນຕໍ່າ ແລະສະພາບການບ່ອນເຮັດວຽກເຮັດການບໍ່ດີໃນໂຮງງານແຫ່ງຕ່າງໆໃນກຳປູເຈຍ ຊຶ່ງໄດ້ນຳພາໃຫ້ມີການປະທ້ວງແລະນັດຢຸດງານຫຼາຍຄັ້ງຈາກພວກແຮງງານທີ່ໂມໂຫໂທໂສນັ້ນ.
ໂຮງງານ SL Garment Processing ຫຍິບເຄື່ອງນຸ່ງໃຫ້ບໍລິສັດ Gap, H&M, ແລະຫຍີ່ຫໍ້ອື່ນໆຂອງໂລກ.
ເກີດການປະທະກັນ ໃນການປະທ້ວງ ຢູ່ພະນົມເປັນ
