ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ໂດຍມີນົກຕາຍນຶ່ງລ້ານໂຕ, ອຸດສາຫະກຳລ້ຽງໄກ່ ອາດໃຊ້ເປັນແບບຢ່າງໃຫ້ແກ່ ບັນດາຟາມງົວນົມ ທີ່ປະເຊີນກັບ ໄຂ້ຫວັດນົກ


ແຟ້ມພາບ - ພວກງົວນົມ ຢືນຢູ່ໃນຄອກ ຂອງຟາມງົວນົມແຫ່ງນຶ່ງ ໃນເມືອງ ນິວ ວຽນນາ ລັດໄອໂອວາ, ເມື່ອວັນທີ 24 ກໍລະກົດ 2023.
ແຟ້ມພາບ - ພວກງົວນົມ ຢືນຢູ່ໃນຄອກ ຂອງຟາມງົວນົມແຫ່ງນຶ່ງ ໃນເມືອງ ນິວ ວຽນນາ ລັດໄອໂອວາ, ເມື່ອວັນທີ 24 ກໍລະກົດ 2023.

ໃນຂະນະທີ່ອຸດສາຫະກຳນົມງົວຂອງສະຫະລັດກໍາລັງປະເຊີນກັບການລະບາດຂອງໄຂ້ຫວັດນົກ ໂດຍມີລາຍງານຫຼາຍກໍລະນີຢູ່ໃນຟາມຫຼາຍແຫ່ງ, ແລະພະຍາດດັ່ງກ່າວ ກໍໄດ້ແຜ່ລາມໄປໃສ່ຄົນ, ອຸດສາຫະກຳໄຂ່ໄກ່ ອາດໃຊ້ເປັນແບບຢ່າງຂອງວິທີເຮັດໃຫ້ພະຍາດນີ້ຊັກຊ້າລົງໄດ້ ແຕ່ກໍຍັງສະແດງໃຫ້ເຫັນວ່າ ມັນຍາກປານໃດທີ່ຈະສາມາດກຳຈັດໄວຣັສນີ້ໄດ້, ອີງຕາມລາຍງານຂອງອົງການຂ່າວເອພີ.

ກ່ອນໜ້ານີ້ ມີການລະບາດຂອງໄຂ້ຫວັດນົກໃນສະຫະລັດ, ແຕ່ການລະບາດໃນປັດຈຸບັນນີ້ ໄດ້ເລີ້ມຂຶ້ນເມື່ອເດືອນ ກຸມພາ ປີ 2022, ແລະໄດ້ກົດດັນໃຫ້ມີການຂ້າໄກ່ ແລະຂ້າໄກ່ງວງ ເກືອບ 100 ລ້ານໂຕ. ຈຸດທີ່ມີກະລະບາດໜັກນັ້ນ ກໍຍັງເກີດຂຶ້ນຢູ່, ແຕ່ຄວາມຖີ່ຂອງກໍລະນີຕິດເຊື້ອແມ່ນຫລຸດລົງແລ້ວ ເນື່ອງຈາກຄວາມພະຍາຍາມດ້ານຄວາມປອດໄພທາງຊີວະພາບຢູ່ຟາມຫຼາຍແຫ່ງ ແລະການປະສານງານໃນວິທີທາງແກ້ໄຂລະຫວ່າງບັນດາບໍລິສັດ ແລະບັນດາເຈົ້າໜ້າທີ່ດ້ານກະສິກຳ, ອີງຕາມການກ່າວຂອງບັນດານັກຊ່ຽວຊານ.

ສ່ວນຟາມງົວນົມ ອາດພະຍາຍາມຈັດຕັ້ງປະຕິບັດການປົກປັກຮັກສາແບບດຽວກັນນັ້ນ ແຕ່ເນື່ອງຈາກຄວາມແຕກຕ່າງກັນຢ່າງຫຼວງຫຼາຍລະຫວ່າງສັດຕ່າງໆ ແລະຂໍ້ຈໍາກັດທາງດ້ານອຸດສາຫະກໍາຕ່າງໆ ຈຶ່ງເຮັດໃຫ້ເຫັນເຫດຜົນທີ່ຈະຮຽນຮູ້ ແລະນຳມາໃຊ້ຕໍ່ໄປ.

ງົວນົມແຕ່ລະໂຕທີ່ມີນ້ຳໜັກ 680 ກິໂລກຣາມ ແລະໄກ່ແຕ່ລະໂຕທີ່ມີນໍ້າໜັກ 2.3 ກິໂລກຣາມ ມີອາການປ່ວຍແບບດຽວກັນນັ້ນໄດ້ແນວໃດ? ໂດຍທົ່ວໄປແລ້ວ ມັນຖືກເອີ້ນວ່າ ໄຂ້ຫວັດນົກ, ເນື່ອງຈາກສ່ວນຫຼາຍພະຍາດນີ້ ແຜ່ລະບາດໂດຍພວກນົກປ່າ ຊຶ່ງພວກມັນສາມາດຢູ່ລອດໄດ້ໃນຂະນະທີ່ຕິດເຊື້ອ. ພວກສັດທີ່ລ້ຽງລູກດ້ວຍນົມກໍສາມາດຕິດເຊື້ອພະຍາດໄດ້ເຊັ່ນກັນ, ລວມທັງສິງໂຕທະເລ ແລະ ສະກັ້ງ ທີ່ເປັນສັດມີກິ່ນເໝັນ.

As the U.S. dairy industry confronts a bird flu outbreak, with cases reported at dozens of farms and the disease spreading to people, the egg industry could serve as an example of how to slow the disease but also shows how difficult it can be to eradicate the virus.

There have been earlier bird flu outbreaks in the U.S., but the current one started in February 2022 and has forced the slaughter of nearly 100 million chickens and turkeys. Hot spots still occur, but their frequency has dropped in part because of biosecurity efforts at farms and a coordinated approach between companies and agricultural officials, experts say.

Dairy farmers could try to implement similar safeguards, but the vast differences between the animals and the industries limit what lessons can be learned and applied.

How can a 1,500-pound cow and a 5-pound chicken have the same illness? It's commonly called bird flu because the disease is largely spread by wild birds that can survive infections. Many mammals have caught the illness too, including sea lions and skunks.

ຟໍຣັມສະແດງຄວາມຄິດເຫັນ

XS
SM
MD
LG