ຫິມມະຕົກໜັກແລະລົມພັດແຮງ ໄດ້ປະທະຂົງເຂດຕາເວັນ
ອອກສຽງເໜືອຂອງສະຫະລັດ ໃນວັນອາທິດວານນີ້ ສ້າງ
ຄວາມປັ່ນປ່ວນແລະລົບກວນ ການສັນຈອນໄປມາທາງອາ
ກາດ ທາງລົດໄຟ ແລະຖະໜົນຫົນທາງຢ່າງໜັກ ໃນຂະນະ
ທີ່ພວກເດີນທາງໃນເທດສະການຄຣີສມາສ ກໍາລັງພາກັນ
ເດີນທາງກັບບ້ານນັ້ນ.
ພະແນກດິນຟ້າອາກາດແຫ່ງຊາດຂອງສະຫະລັດ ໄດ້ອອກ
ຄໍາເຕືອນໃຫ້ລະວັງໄພພາຍຸຫິມະ ໄປຈົນເຖິງຕອນແລງຂອງ
ວັນຈັນນີ້ ຕາມພາກສ່ວນຂົງເຂດຕອນເໜືອຂອງຝັ່ງຕາເວັນ
ອອກ ຄືຈາກລັດເມນ ລົງໃຕ້ໄປຈົນເຖິງ ລັດນີວເຈີຊີ ພ້ອມ
ກັບການເຕືອນກ່ຽວກັບໄພພາຍຸລະດູໜາວ ທີ່ຈະຄຸກຄາມໄປທົ່ວຂົງເຂດທີ່ກວ້າງຂວາງກວ່າ
ນັ້ນ. ພວກພະຍາກອນອາກາດກ່າວວ່າ ຈະມີຫິມະຕົກຖ້ວມນະຄອນນີວຢ໊ອກ ແລະບອສ
ຕັນ ສູງເຖິງ 50 ຊັງຕີແມັດ ພາຍໃນຕອນແລງຂອງວັນຈັນມື້ນີ້ ພ້ອມກັບລົມແຮງເກີນ
80 ກິໂລແມດຕໍ່ຊົ່ວໂມງ.
ຍ້ອນສະພາບການດັ່ງກ່າວນີ້ ຖ້ຽວບິນທີ່ອອກຈາກເມືອງສໍາຄັນໆໃນເຂດຝັ່ງຕາເວັນອອກ
ຊຶ່ງໂຮມທັງນີວຢ໊ອກ ບອສຕັນ ຟິລາເດລເຟຍ ແລະວໍຊິງຕັນດີຊີນັ້ນ ໄດ້ຖືກຍົກເລີກຫລາຍ
ພັນຖ້ຽວ. ການບໍລິການດ້ານລົດໄຟໂດຍສານ ຊຶ່ງໂດຍປົກກະຕິແລ້ວເປັນທາງເລືອກອັນນຶ່ງ
ເວລາດິນຟ້າອາກາດ ສົ່ງຜົນກະທົບຕໍ່ການເດີນທາງທາງອາກາດນັ້ນ ກໍໄດ້ຖືກໂຈ໊ະການ
ບໍລິການ ລະຫວ່າງນີວຢ໊ອກແລະບອສຕັນເຊັ່ນດຽວກັນ ແລະພວກລົດເມກໍຖືກປິດ ຕາມ
ເສັ້ນທາງບໍລິການ ລະຫວ່າງນະຄອນບອສຕັນແລະວໍຊິງຕັນດີຊີ.
ຜູ້ວ່າການຫລາຍໆລັດໃນເຂດຝັ່ງຕາເວັນອອກສະຫະລັດ ອັນໂຮມທັງລັດ Massachu-
setts, Maryland, Virginia ແລະ North Carolina ໄດ້ປະກາດພາວະສຸກເສີນ ເພື່ອ
ທີ່ຈະລະດົມພົນແລະຊັບພະຍາກອນຈາກແຫລ່ງຕ່າງໆມາຮັບມືກັບພາຍຸຮຸນແຮງດັ່ງກ່າວນີ້.
