ເນເທີແລນ ມີກະສັດ ປົກຄອງ ອົງທໍາອິດ ໃນຮອບ 120 ປີ (ສະໄລດ໌)

ພະຣາຊີ​ນີ Beatrice ​ແຫ່ງ Netherlands ​ໄດ້ລົງ​ພະນາ​ມ ​ໃນ​
ພະຣາດຊະ​ດຳ ລັດ​ຢ່າງ​ເປັນ​ທາງ​ການ ​ເພື່ອສະລະຣາດຊະ​ສົມ
ບັດ ທີ່​ພະລາດ​ຊະ​ວັງຫລວງ ​ໃນ ນະຄອນ Amsterdam ​ໂດຍ
ມອບ​ໜ້າ​ທີ່​ ໃຫ້​ແກ່ພະຣາດ​ຊະ​ໂອລົດ ​ເຈົ້າ​ຊາຍ Willem-
Alexander ​ເປັນ​ກະສັດອົງທໍາ​ອິດຂອງ​ປະ​ເທດ ​ໃນ 12​0 ປີ.

ພະຣາຊີ​ນີ Beatrice ​ໄດ້​ສະລະຣາດຊະ​ສົມບັດ ​ໃນ​ວັນ​ອັງຄານ
ມື້​ນີ້ ຫລັງ​ຈາກ ​ປົກຄອງ​ມາ​ໄດ້ 33 ປີ.

​ພະ​ມະ​ເ​ຫສີ ຂອງກະສັດ Willem-Alexander ພະນາ​ງ Maxima
ຊຶ່ງ​ເປັນຊາ​ວອາເຈັນ​ຕີ​ນາ ແມ່ນ​ພະ​ຣາຊີ​ນີອົງ​ໃໝ່ຂອງ​ປະ​ເທດ.

ບັນດາຜູ້ຊົມ​ຫລາຍ​ພັນ​ຄົນ ພາກັນໄປເຕົ້າໂຮມ​ກັນ​ທີ່ ຈະ​ຕຸ​ລັດ Dam ​ໃນ​ນະ ຄອນ Amsterdam ​
ເພື່ອ​ລໍຖ້າ​ເບິ່ງ​ເຈົ້າ​ຊີວິດ​ອົງ​ໃໝ່ ​ແລະ​ພະຣາ​ຊີ​ນີ ທີ່​ຊົງ​ສະ ລະຣາດຊະ​ສົມບັດ ຢູ່​ທີ່ພະຣາດ​ຊະ​ວັງຫຼວງ.

ນະຄອນ Armsterdam ປົກ​ຄຸມ​ໄປ​ດ້ວຍ​ສີສົ້ມ​ນໍ້າໝາກ​ກ້ຽງ ຊຶ່ງ​ເປັນສີ​ຂອງ​ກະ​ສັດ ທີ່​ບັນດາ​ຄົນ
ພາກັນ​ນຸ່ງສຸບໃສ່ຫົວ​ເປັນ​ສີ​ນໍ້າໝາກ​ກ້ຽງ.

​ວັນ​ທີ 30 ​ເດືອນເມສາ ​ເປັນ​ວັນ​ພະຣາຊີ​ນີ ຊຶ່ງ​ເປັນ​ມື້​ທີ່​ພາກັນ​ກິນ​ລ້ຽງມ່ວນ​ຊື່ນ​ລື້​ນ​ເລິງ ​ແຕ່ວ່າ​ໃນ​ປີ​ນີ້
ນະຄອນ Armsterdam ກໍາລັງ​ຈັດການ​ສະ​ແດງ​ພິ​ເສດ ​ເພື່ອ​ສະ​ເຫຼີມສະຫລອງ ການ​ຂຶ້ນຄອງ​ບັນລັງ​
ຂອງກະສັດ Willem-Alexanders​.