ລິ້ງ ສຳຫລັບເຂົ້າຫາ

logo-print

ລັດຖະບານ ຈະຖືກປິດ ໃນໄລຍະ 100 ມື້ ຂອງປະທານາທິບໍດີ ທຣຳ ຫຼືບໍ່?


ລັດຖະສະພາ ສະຫະລັດ ມີເວລາ ພຽງ​ແຕ່​ບໍ່​ເທົ່າ​ໃດ​ມື້ທໍ່​ນັ້ນ​ ທີ່​ຈະ​ບັນລຸ​ການຕົກລົງ ​ໃນ
​ການເຈລະຈາ ກ່ຽວ​ກັບງົບປະມານ ສົກ​ປີ 2017. ຖ້າ​ຫາກ​ວ່າ ລັດຖະສະພາ ບໍ່​ສາມາດ
​ບັນລຸ​ຂໍ້​ຕົກລົງ ພາຍ​ໃນ​ທ່ຽງ​ຄືນຂອງ​ວັນ​ທີ 28 ​ເມສາຈະ​ມາ​ເຖິງ​ນີ້ ລັດຖະບານ​ກໍຈະ​ຖືກ​
ປິດ​ລົງ. ການ​ອະພິປາຍ​ກ່ຽວ​ກັບ​ ບູລິ​ມມະສິດ ທາງ​ດ້ານນິຕິບັນຍັດ ​ມີ​ຂຶ້​ນ​ ໃນຂະນະປະ
ທານາທິບໍດີ ​ດໍ​ໂນລ ທຣຳ ເຂົ້າດຳລົງຕຳ​ແໜ່​ງຄົບຮອບ 100 ມື້ ​ພໍດີ. Katherine Gyp-
son ນັກ​ຂ່າວ VOA ປະຈຳ​ລັດຖະສະພາ ຈະ​ມາ​ອະທິບາຍ​ກ່ຽວ​ກັບເລື່ອງ​ນີ້ ຊຶ່ງ​ວັນນະ
​ສອນ ມີ​ລາຍ​ລະອຽດ ມາສະ​ເໜີ​ທ່ານ ​ໃນ​ອັນ​ດັບ​ຕໍ່​ໄປ.




ເວລາ​ແມ່ນ​ພວມ​ຫ​ຍັບ​ໃກ້​ເຂົ້າມາ​ທຸກ​ຂະນະ ​ໃນ​ຂະນະ​ທີ່​ລັດຖະສະພາ ​ພາ​ກັນ​ກັບ​ຄືນ
​ມາປະຕິບັດ​ງານ​ກັນອີກ.

ສະມາຊິກ​ສະພາ​ມີ​ເວລາ​ເຫຼືອຢູ່​ພຽງ​ແຕ່ 4 ມື້​ເທົ່າ​ນັ້ນ ​ທີ່​ຈະ​ເຮັ​ດວຽກ​ເພື່ອ​ຕົກລົງ​ກັນ
ກ່ຽວ​ການ​ໃຊ້​ຈ່າຍ​ຫລາຍໆ​ຕື້​ໂດ​ລາ ​ແຕ່​ປະທານາທິບໍດີ​ທຣຳ ກໍ​ມີ​ຄວາມ​ຫວັງ​ໄປ​ໃນ
ແງ່​ດີ.

ປະທານາທິບໍດີ ທຣຳ ກ່າວ​ວ່າ “ພວກ​ເຮົາ​ມີ​ໂອກາດ​ດີ ທີ່​ຈະ​ບັນລຸການ​ຕົກລົງໃນ​ໄວໆ​ນີ້.”

ສະພາຕ່ຳ, Capital Hill, ວໍຊີງຕັນ, 29 ຕຸລາ, 2015.
ສະພາຕ່ຳ, Capital Hill, ວໍຊີງຕັນ, 29 ຕຸລາ, 2015.

ຄວາມ​ບໍ່​ແນ່ນອນ ​ໃນ​ນາ​ທີ​ສຸດ​ທ້າຍ​ ບໍ່​ແມ່ນ​ເລື່ອງ​ແປກ. ລັດຖະສະພາບໍ່​ສາມາດຕົກລົງ
ກັນ​ໄດ້ ​ໃນ​ປີ 2013 ຈຶ່ງ​ເຮັດ​ໃຫ້ ​ມີ​ການປິດ​ລັດຖະບານ​ລົງ ​ເປັນ​ເວລາ 16 ມື້. ແມ່ນກະ​ທັງ ສວນສາທາລະນະ​ແຫ່ງ​ຊາດ ກໍ​ມີ​ການ​ປິດ​ລົງ. ​ແຕ່​ວ່າ ຄັ້ງ​ນີ້​ເສັ້ນ​ຕາຍ​ກ່ຽວ​ກັບ​ງົບປະມານ
​ແມ່ນມີ​ຂຶ້ນພຽງ​ແຕ່​ມື້​ນຶ່ງ ກ່ອນ​ວັນ​ສຳຄັນ ທີ່​ເປັນ​ຂີດ​ໝາຍ 100 ມື້​ ​ໃນ​ການ​ເຂົ້າຮັບ​ຕຳ
​ແໜ່​ງເປັນ​ປະທານາທິບໍດີສະຫະລັດ ຂອງທ່ານດໍ​ໂນລ ທຣຳ.

ທຳນຽບຂາວ ​ແມ່ນ​ໄດ້​ຄຸຍ​ໂມ້ ​ເຖິງ​ຜົນສຳ​ເລັດ​ຂອງ​ຜູ້​ລົງ​ສະໝັກ​ເປັນ​ປະທານາທິບໍດີ
ທຣຳ ທີ່​ໄດ້​ວາງ​ແຜນ​ໄວ້ ກ່ອນ​ໜ້າ​ນີ້ ​ໂດຍ​ກ່າວ​ວ່າ:“ສິ່ງ​ທີ່​ຈະ​ເກີດ​ຂຶ້ນຕິດຕາມ​ມາ
ກໍ​ແມ່ນ​ແຜນການປະຕິບັດ​ງານ 100 ມື້ ​ເພື່ອຈະ​ເຮັດ​ໃຫ້ອາ​ເມຣິກາ ຈະ​ເລີ​ນຮຸ່ງ​
ເຮືອງຄືນ​ອີກ”

ປະທານາທິບໍດີ ທຣຳ ມອງ​ເບິ່ງການ​ຕໍ່ສູ້​ດ້ານ​ງົບປະມານ​ນີ້​ ​ເປັນ​ໄຊຊະນະທີ່​ໃຫຍ່
​ທີ່ສຸດທີ່ທ່ານ​ໄດ້​ໃຫ້​ຄຳ​ໝັ້ນ​ສັນຍາ​ໄວ້ ​ໃນ​ການ​ໂຄສະນາ​ຫາ​ສຽງ ຄື​ງົບປະມານໃນ​ການ
​ສ້າງ​ກຳ​ແພງ ​ໃນ​ໄລຍະ 3 ພັນ 200 ກິ​ໂລ​ແມັດ ຕາມ​ຊາຍ​ແດນ​ຕິດ​ກັບປະ​ເທດ Mexico.
ທ່ານ​ທຣຳ ກ່າວ​ກ່ຽວ​ກັບ​ເລື່ອງ​ນີ້ວ່າ:“ພວກ​ເຮົາ​ກຳລັງ​ສ້າງ​ກຳ​ແພງ ​ແລະຄວາມ​ຈິງ​
ແລ້ວ ​ມັນ​ຈະ​ເລີ່​ມຂຶ້ນ ​ໃນ​ໄວໆ​ນີ້ ກ່ອນ​ໜ້າໝາຍ​ກຳນົດ​ການ​ດ້ວຍ​ຊ້ຳ.”

ບັນດາສະມາຊິກຂອງ House Freedom Caucus ພົບປະກັບລັດຖະສະພາ, 23 ມີນາ, 2017.
ບັນດາສະມາຊິກຂອງ House Freedom Caucus ພົບປະກັບລັດຖະສະພາ, 23 ມີນາ, 2017.

​ແຕ່​ວ່າ ຍ້ອນ​ລາຄາ​ສູງຫຼາຍ​ພັນ​ລ້ານ​ໂດ​ລາ ກຳ​ແພງ​ຊາຍ​ແດນນີ້ ຈຶ່ງ​ເປັນ​ເລື່ອງ​ທີ່
​ຫຍຸ້ງ​ຍາກຕໍ່​ການ​ໄດ້​ຮັບ​ຄວາມ​ສະໜັບສະໜຸນ​ຈາກ​ພັກ Republican ​ແລະ​ເປັນຈຸດ​ສຸມ
​ໃນ ​ການ​ຄັດຄ້ານ​ຂອງ​ພັກ Democrats.

ຍັງ​ບໍ່​ທັນ​ມີ​ຜູ້ໃດຮູ້​ແນ່ນ​ອນວ່າ ງົບປະມານ​ໃນ​ການ​ສ້າງ​ກຳ​ແພງນີ້ຈະ​ເປັນ​ແກ້​ໄຂ
​ຕໍ່ການຕົກລົງ​ສຳລັບປະທານາທິບໍດີທຣຳ ຫຼື​ເປັນ​ພຽງ​ບາດກ້າວ​ທຳ​ອິດ​ຂອງ​ທ່ານ ​
ໄປ​ສູ່​ການ​ປະ​ນີປະນອມໃນຮູບແບບຂອງການ​ຂໍງົບປະມານເພີ່ມ​ຕື່ມ ກ່ຽວ​ກັບ
​ເລື່ອງ​ອົບ​ພະຍົບ​.

​ໃນ​ການ​ເລີ່​ມ​ເຂົ້າສູ່ການ​ເຈລະຈາ ​ໃນ​ວັນ​ຈັນ​ຜ່ານ​ມາ​ນີ້ ທາງ​ທຳນຽບຂາວ​ແມ່ນ​ລະວັງ
ກ່ຽວ​ກັບກາ​ນ​ໃຫ້​ຄວາມ​ເຫັນ​ໃດໆ...

ທ່ານ Sean Spicer ​ໂຄສົກ​ທຳນຽບຂາວ ກ່າວ​ວ່າ “ຂ້າພະ​ເຈົ້າ ຈະ​ບໍ່​ເລີ່​ມ​ເວົ້າ​ຫຍັງ​
ກ່ຽວ​ກັບ​ວ່າ ຈະ​ມີ​ຫຍັງ​ແດ່ເຂົ້າ​ແລະ​ອອກ​ໃນ​ໂຕະ​ເຈລະຈາ ​ໃນ​ການ​ທີ່ປະທານາທິບໍດີ
ອາດ​ຈະ​ກະທຳ.”

ບາງສ່ວນຂອງກຳແພງເຫຼັກ ເດັ່ງຍາວ ຕາມຊາຍແດນສະຫະລັດ ກັບ Mexico ໃນ Sunland Park, New Mexico, 30 ມີນາ, 2017.
ບາງສ່ວນຂອງກຳແພງເຫຼັກ ເດັ່ງຍາວ ຕາມຊາຍແດນສະຫະລັດ ກັບ Mexico ໃນ Sunland Park, New Mexico, 30 ມີນາ, 2017.

​ແຕ່​ວ່າ ຄວາມ​ຊົງ​ຈຳຂອງຄວາມ​ພະພາ​ຍາມ​ທີ່​ລົ້ມ​ແຫຼວ ​ໃນ​ເລື່ອງ​ປະກັນ​ໄພ​ສຸຂະພາບ
ຍັງ​ສົດໆ​ຮ້ອນໆ​ຢູ່ສຳ​ຫຼັບພັກ Republican ຈຶ່ງໄດ້​ພາ​ໃຫ້​ມີ​ຄວາມ​ກົດ​ດັນ​ເພີ່ມ​ຂຶ້ນພາຍ​
ໃນ​ພັກ.

ທ່ານນາງ Molly Reynold ຈາກ​ສະ​ຖາ​ບັນ Brooking ກ່າວ​ວ່າ “ມັນ​ມີ​ຫຼາຍ​ຢ່າງ
​ກ່ຽວ​ກັບ ປະທານາທິບໍດີ ທຣຳ ​ແລະ​ທຳນຽບຂາວ​ຂອງ​ທ່ານ ທີ່ບໍ່​ມີ​ຄວາມ​ແນ່ນອນ
​ ​ແມ່ນ​ແຕ່ສຳລັບ​ສະມາຊິກ​ລັດຖະສະພາ. ປະທານາທິບໍດີ ທຣຳ ບໍ່ແມ່ນ ບຸກຄົນ​ທີ່
​ຖືກສ້າງ​ມາ​ສຳລັບວໍ​ຊີງ​ຕັນ, ທ່ານ ບໍ່​ແມ່ນ​ຜູ້​ທີ່ຮອບ​ຮູ້​ກ່ຽວ​ກັບ​ເລື່ອງກົດ​ໝາຍ ບໍ່​ມີ​ປະສົບພະການດ້ານ​ການ​ຕໍ່​ລອງ​ເຈລະຈາ ​ແລະ​ສະ​ນັ້ນ ພວກ​ເຮົາຈຶ່ງ​ເຫັນ​ການ​
ຕໍ່ສູ້​ໃນ​ເລື່ອງ​ງົບປະມານ​ເກີດ​ຂຶ້ນ.”

ໃນ​ຂະນະ​ທີ່​ການ​ປະຕິ​ຮູບເລື່ອງ​ພາສີ ​ແລະການ​ກັບ​ຄືນມາ ກ່ຽວ​ກັບ​ຮ່າງ​ກົດໝາຍ​ປະກັນ
ໄພສຸຂະພາບ ໃນ​ຂັ້ນຕໍ່​ໄປ​ທີ່​ລັດຖະສະພານັ້ນ ມັນ​ຈຶ່ງ​ເປັນ​ການ​ຕໍ່ສູ້​ທີ່​ປະທານາທິບໍດີ
ທຣຳ ຈຳ​ເປັນ​ຈະຕ້ອງ​ໄດ້​ເອົາຊະນະ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

ປະທານາທິບໍດີ ດໍໂນລ ທຣຳ ຖ່າຍພາບ ໃນຫ້ອງ Oval Office ໃນທຳນຽບຂາວ ທີ່ວໍຊີງຕັນ, 21 ເມສາ, 2017.
ປະທານາທິບໍດີ ດໍໂນລ ທຣຳ ຖ່າຍພາບ ໃນຫ້ອງ Oval Office ໃນທຳນຽບຂາວ ທີ່ວໍຊີງຕັນ, 21 ເມສາ, 2017.

ເບິ່ງຄວາມເຫັນ (4)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG