ກອງທັບບົກສະຫະລັດ ໄດ້ສັ່ງໃຫ້ສານທະຫານດຳເນີນຄະດີ ທະຫານຊັ້ນຜູ້ນ້ອຍຄົນນຶ່ງທີ່ມີ
ໜ້າທີ່ເປັນນັກວິເຄາະສືບລັບ ທີ່ຖືກກ່າວຫາວ່າ ລາວໄດ້ລັກສົ່ງເອກກະສານລັບໃຫ້ແກ່ເວັບ
ໄຊທ໌ WikiLeaks.
ໂຄສົກຍິງຄົນນຶ່ງຂອງກອງທັບສະຫະລັດກ່າວໃນວັນສຸກວານນີ້ວ່າ ກອງທັບບົກໄດ້ໃຫ້ການ
ອະນຸມັດ ຕໍ່ການສະເໜີໃຫ້ດຳເນີນຄະດີພົນທະຫານຊັ້ນນຶ່ງ Bradley Manning. ວັນເວ
ລາໃນການດໍາເນີນຄະດີຍັງບໍ່ທັນມີການກຳນົດເທື່ອ.
ພົນທະຫານ Manning ໄດ້ໄປປະກົດຕົວໃນການຮັບຟັງຄຳໃຫ້ການຂັ້ນຕົ້ນຕໍ່ສານໃນເດືອນ
ທັນວາຜ່ານມາ. ພວກນັກຊ່ຽວຊານຂອງໄອຍະການໃຫ້ການວ່າເຂົາເຈົ້າໄດ້ພົບເຫັນລັກຖານ
ວ່າພົນທະຫານ Manning ໄດ້ກ່າຍເອົາບັນທຶກໂທລະເລກຂອງນັກການທູດໃສ່ໃນແຜ່ນບັນ
ທືກ compact disc ແລ້ວສົ່ງຕໍ່ ໄປຍັງກຸ່ມຕໍ່ຕ້ານຄວາມລັບ ເພື່ອເຜີຍແຜ່ໂດຍເວັບໄຊທ໌
WikiLeaks.
ບັນດາທະນາຍຄວາມ ຂອງພົນທະຫານ Manning ໄດ້ບັນລະຍາຍວ່າ ລູກຄວາມເຂົາເຈົ້າ
ເປັນຄົນທີ່ມີບັນຫາ ແລະບໍ່ສົມຄວນ ທີ່ຈະອະນຸຍາດໃຫ້ລາວ ມີຄວາມຮັບຜິດຊອບເກັບກຳ
ເອກກະສານລັບ ໃນເວລາທີ່ລາວຮັບໃຊ້ຢູ່ທີ່ຣັກ ລະຫວ່າງເດືອນພະຈິກຂອງປີ 2009 ຫາ
ເດືອນພຶດສະພາ ຂອງປີ 2010. ພວກທະນາຍຄວາມຂອງພົນທະຫານ Manning ກ່າວ
ຕື່ມວ່າການກຳກັບນຳຄອມພີີວເຕີ້ຂອງກອງທັບສະຫະລັດ ຍັງມີການຂາດຕົກບົກຜ່ອງຢູ່.
ພົນທະຫານ Manning ທີ່ຍັງບໍ່ທັນທຳການຮ້ອງຮຽນໃດໆຕໍ່ສານນັ້ນ ປະເຊີນກັບຂໍ້ຫາ 22
ກະທົງ ຮວມທັງໃຫ້ການຊ່ອຍເຫຼືອແກ່ພວກສະຕູ. ຜູ້ກ່ຽວອາດໄດ້ຮັບໂທດຈຳຄຸກຕະຫຼອດຊີ
ວິດ ຖ້າຫາກຖືກພົບເຫັນວ່າມີຄວາມຜິດ.
