ລັດຖະບານ Ecuador ຮັບຮູ້ໃນວັນອັງຄານວານນີ້ ວ່າຕົນໄດ້ “ຈຳກັດຊົ່ວຄາວ” ການໃຊ້ອິນເຕີແນັດຂອງ ທ່ານ Julian Assange ຜູ້ກໍ່ຕັ້ງກຸ່ມຕ້ານຄວາມລັບ Wikileaks ຜູ້ທີ່ໄດ້ລີ້ຊ່ອນຢູ່ສະຖານທູດອາເມຣິກາໃຕ້ແຫ່ງນັ້ນ ໃນນະຄອນຫລວງລອນດອນຕັ້ງແຕ່ກາງປີ 2012 ເປັນຕົ້ນມາ.
ຖະແຫລງການກະຊວງຕ່າງປະເທດກ່າວວ່າ ໃນຂະນະທີ່ຢືນຢູ່ກັບການຕັດສິນໃຈໃນປີ 2012 ທີ່ອະນຸຍາດໃຫ້ທ່ານ Assange ລີ້ໄພນັ້ນ ຕົນບໍ່ໄດ້ລົບກວນການເລືອກຕັ້ງຢູ່ຕ່າງປະເທດ. ລັດຖະບານ ປະທານາທິບໍດີຝ່າຍຊ້າຍ ທ່ານ Rafael Correa ກ່າວວ່າ ດ້ວຍຕົວຕົນເອງ ແລະບໍ່ໄດ້ຍິນຍອມຕໍ່ຄວາມກົດ ດັນໃດໆຈາກຕ່າງປະເທດ.
Wikileaks ຢູ່ໃນ Tweet ຕອນເຊົ້າວັນອັງຄານວານນີ້ໄດ້ກ່າວຫາວ່າ ລັດຖະ ມົນຕີຕ່າງປະເທດສະຫະລັດ ທ່ານ John Kerry ໄດ້ຂໍຮ້ອງ Ecuador ໃຫ້ຫ້າມ ທ່ານ Assange ບໍ່ໃຫ້ເຜີຍແພ່ເອກກະສານກ່ຽວກັບ ຜູ້ສະໜັກປະທານາທິບໍດີພັກເດໂມແຄຣັດ ທ່ານນາງ Hillary Clinton.
ໂຄສົກກະຊວງຕ່າງປະເທດສະຫະລັດ ທ່ານ John Kirby ໄດ້ປະຕິເສດການກ່າວຫາດັ່ງກ່າວ.
ທ່ານ Kirby ກ່າວວ່າ “ໃນຂະນະທີ່ຄວາມເປັນຫ່ວງຂອງພວກເຮົາກ່ຽວກັບ Wikileaks ທີ່ ຢືນຢູ່ຍາວນານ ການສະເໜີໃດໆທີ່ລັດຖະມົນຕີຕ່າງປະເທດ ທ່ານ Kerry ຫລືກະຊວງຕ່າງໄດ້ພົວພັນໃນການປິດ Wikileaks ລົງນັ້ນເປັນເລື້ອງທີ່ບໍ່ມີຄວາມຈິງ. ລາຍງານທີ່ວ່າ ລັດຖະມົນຕີຕ່າງປະເທດ ທ່ານ Kerry ໄດ້ສົນທະນາກັບບັນດາເຈົ້າໜ້າທີ່ Ecuador ກ່ຽວກັບເລື້ອງນີ້ນັ້ນບໍ່ມີຄວາມຈິງ.”
ການກ່າວຫາຈາກທາງອິນເຕີແນັດ ທີ່ຮົ່ວໄຫລອອກມາ ໄດ້ນຳສົ່ງຕິດຕາມອອກມາທາງ tweets ຫລັ່ງໄຫລອອກມາໃນຂະນະທີ່ Wikileaks ໄດ້ເຜີຍແຜ່ຫລາຍພັນເລື້ອງທີ່ເຫັນວ່າທັບມ້າງຈາກອີແມລຂອງທ່ານ John Podesta ຫົວໜ້າໂຄສະນາຫາສຽງຂອງ ທ່ານນາງ Clinton.
