ລິ້ງ ສຳຫລັບເຂົ້າຫາ

WikiLeaks ເປີດເຜີຍ ເອກະສານຫລໍ່ແຫລມ ທາງການທູດ ຂອງສະຫະລັດ

  • ສິງ ບູຣົມມະວົງ

WikiLeaks ເປີດເຜີຍເອກະສານຫລໍ່ແຫລມ ທີ່ຖືກປະນາມ ຈາກລັດຖະບານສະຫະລັດ

Web site WikiLeaks ​ໄດ້​ພິມ​ເຜີຍ​ແຜ່​ໂທລະ​ເລກ​ທາງການ​ທູດ​ທີ່​ຫລໍ່​ແຫລມ​ຂອງ​ສະຫະ
ລັດ ​ຫລາຍ​ຮ້ອຍ​ພັນ​ສະບັບ ໃນ​ການ​ເຄື່ອນ​ໄຫວທີ່ຖືກ​ປະນາມຈາກລັດຖະບານສະຫະລັດ.

ເອກະສານ​ເຫລົ່າ​ນີ້​ເປີດ​ເຜີຍ​ລາຍ​ລະອຽດຂອງ​ການ​ຕີລາ​ຄາທາງ​ການ​ທູດ​ຢ່າງ​ກົງ​ໄປ​ກົງ​ມາ​
ຂອງສະຫະລັດ ກ່ຽວ​ກັບ​ພວກຜູ້​ນໍາ​ປະ​ເທດໃນ​ໂລກ​ແລະ​ເຫດການ​ຕ່າງໆ ແລະ​ອ້າງ​ຄໍາ​ເວົ້າ​
ຈາກ​ການ​ໂອ້​ລົມ​ສົນທະນາ​ໃນ​ລະດັບ​ສູງ​ກັບ​ບັນດາ​ເຈົ້າ​ໜ້າ​ທີ່ໃນ​ທົ່ວ​ໂລກ.

ໜັງສືພິມ New York Times ​ແລະ​ໜັງສືພິມ The Guardian ຂອງ​ອັງກິດຊຶ່ງ​ຮວມ
ຢູ່ໃນ​ພວກ​ໜັງສື​ພິມ​ຕ່າງໆ​ ທີ່​ WikiLeaks ​ໄດ້​ປ່ອຍ​ເອກະສານ​ພວກນີ້ ອອກ​ໃຫ້​ລ່ວງ​
ໜ້າ​ນັ້ນ ກ່າວ​ວ່າ ໃນ​ຈໍານວນ​ພວກໂທລະ​ເລກ​ເຫລົ່າ​ນັ້ນບາງ​ສະບັບ ​ເວົ້າ​ວ່າກະສັດ
Abdullah ​ແຫ່ງ Saudi Arabia ​ໄດ້​ຮຽກຮ້ອງ​ຊໍ້າ​ແລ້ວ​ຊໍ້າ​ອີກ ​ໃຫ້ສະຫະລັດ​ທໍາ​ການ
ໂຈມ​ຕີ​ອິຣ່ານ​ ເພື່ອ​ທໍາລາຍໂຄງການ​ນີວ​ເຄລຍຂອງ​ອິຣ່ານນັ້ນ ​ແລະ​ເວົ້າວ່າ “​ໃຫ້ຕັດ​
ຫົວ​ງູເສຍ" ເພື່ອຕັດ​ບັນຫາ​.

ລາຍ​ງານ​ຍັງ​ເວົ້າ​ອີກ​ວ່າ ສະຫະລັດ​ໄດ້ທໍາ​ຄວາມພະຍາຍາມ​ຢ່າງ​ລັບໆ​ ນັບ​ແຕ່​ປີ 2007 ​
ເປັນ​ຕົ້ນ​ມາ​ແລ້ວ ເພື່ອເອົາ​ທາດ​ຢູ​ເຣນຽມເກຣດສູງອອກ​ມາຈາກເຕົາ​ແຍກ​ນີວ​ເຄລຍ​ແຫ່ງ
ນຶ່ງຂອງ​ປາ​ກິ​ສຖານ​ ​ເພາະ​ພວກ​ເຈົ້າໜ້າ​ທີ່​ສະຫະລັດ​ຢ້ານ​ວ່າ ທາດ​ຢູ​ເຣນຽມ​ທີ່ວ່າ​ນີ້ອາດ
ສາມາດຖືກ​ຈັດ​ສົ່ງ​ໄປ​ທາງ​ອື່ນ​ແລະນໍາ​ໄປ​ໝຸນໃຊ້ໃນໂຄງການ​ນີວ​ເຄລຍທີ່​ຜິດ​ກົດໝາຍ​ນັ້ນ.

ລາຍ​ງານ​ເຫລົ່າ​ນີ້​ຍັງ​ຊີ້​ໃຫ້​ເຫັນ​ວ່າ ສະມາຊິກ​ຂັ້ນ​ອາວຸ​ໂສ​ທ່ານ​ນຶ່ງ​ໃນ​ກົມການ​ເມືອງ​ຂອງ
ຈີນ ​ໄດ້​ເປັນ​ຜູ້​ອອກ​ຄໍາ​ສັ່ງ​ໃຫ້​ທໍາ​ການ​ໂຈມ​ຕີ​ລະ​ບົບຄອມ​ພີ​ວ​ເຕີຂອງ Google ນັ້ນ.

ທໍານຽບຂາວ​ໄດ້​ປະນາມ​ການ​ເຜີຍ​ແບ​ເອກະສານ​ຫລົ່ານີ້ ​ໂດຍ​ກ່າວ​ວ່າ ພຶດຕິ​ກໍາ​ຂອງ
WikiLeaks ​ເຮັດ​ໃຫ້​ເປົ້າ​ໝາຍ​ຂອງ​ການ​ຕໍ່ສູ້​ເພື່ອສິດທິ​ມະນຸດ ​ຕົກຢູ່​ໃນ​ການສ່ຽງ​ໄພ
ພ້ອມ​ທັງຊີວິດແລະວຽກງານ​ຂອງ​ພວກ​ຄົນ​ທີ່​ໄດ້​ຖືກເອີ່ຍເຖິງ ຢູ່​ໃນ​ໂທລະ​ເລກ​ເຫລົ່າ​ນັ້ນ.

XS
SM
MD
LG