ອົງການອະນາໄມໂລກ (WHO) ກ່າວວ່າ ອາດສາມາດມີກໍລະ
ນີຕິດເຊື້ອອີໂບລາໃໝ່ ໃນລະຫວ່າງ 5000 ຫາ 10,000 ຄົນ
ໃນແຕ່ລະອາທິດ ພາຍໃນ ເດືອນທັນວາ.
ຮອງຜູ້ອຳນວຍການໃຫຍ່ ອົງການອະນາໄມໂລກ ດອກເຕີ
Bruce Aylward ກ່າວຕໍ່ບັນດານັກຂ່າວ ໃນວັນອັງຄານວານ
ນີ້ວ່າ ຈຳນວນກໍລະນີໃໝ່ໄດ້ເກີດຂື້ນ ປະມານ 1,000 ຄົນຕໍ່
ອາທິດ ໃນລະຍະເດືອນແລ້ວນີ້.
ທ່ານກ່າວວ່າ ອັດຕາການຕິດເຊື້ອປາກົດວ່າ ຊ້າລົງຢູ່ໃນບາງ
ເຂດ ແຕ່ກ່າວຕື່ມວ່າ ທ່ານຍັງມີຄວາມເປັນຫ່ວງ ກ່ຽວກັບການເພີ້ມທະວີຂຶ້ນໃນຈຳນວນກໍ
ລະນີຕິດເຊື້ອໃໝ່ ຢູ່ໃນບັນດານະຄອນຫລວງຂອງ ກີນີ ໄລບີເຣຍ ແລະຊິແອລາລີອອນ.
ໄດ້ມີຄົນຕິດເຊື້ອອີໂບລາ ຫລາຍກວ່າ 8,900 ຄົນ ໃນລະຍະການແຜ່ລະບາດໃນປັດຈຸບັນ
ຊຶ່ງ ປະມານ 4,450 ຄົນ ໄດ້ເສຍຊີວິດໄປແລ້ວ.
ວິກິດການ ອີໂບລາ, ວັນພຸດ ທີ 15 ຕຸລາ
ການຄາດຄະເນໃໝ່ນີ້ໄດ້ມີຂື້ນ ໃນຂະນະທີ່ຫົວໜ້າໜ່ວຍງານອີໂບລາຂອງ ສະຫະປະຊາ
ຊາດ ທີ່ອາຟຣິກາຕາເວັນຕົກ ທ່ານ Anthony Barbury ກ່າວວ່າ ທ່ານມີຄວາມ “ເປັນ
ຫ່ວງທີ່ສຸດ” ທີ່ວ່າ ທຸກສິ່ງທຸກຢ່າງທີ່ໄດ້ເຮັດໄປ ເພື່ອຕໍ່ສູ້ກັບການແຜ່ລະບາດນັ້ນ ຍັງບໍ່ເປັນ
ທີ່ພຽງພໍ ທີ່ຈະຢຸດຢັ້ງມັນໄວ້ໄດ້.
ທ່ານໄດ້ກ່າວຕໍ່ ສະພາຄວາມໝັ້ນຄົງສະຫະປະຊາຊາດ ວ່າ ອີໂບລາຕ້ອງຖືກຢຸດຢັ້ງໂດຍ
ທັນທີ ຖ້າບໍ່ດັ່ງນັ້ນ ໂລກກໍຈະປະເຊີນກັບວິກິດການທີ່ບໍ່ເຄີຍມີມາກ່ອນ.
