ເຈົ້າໜ້າທີ່ຄົນໃໝ່ຂອງອົງການສະຫະປະຊາຊາດ ທີ່ຮັບຜິດຊອບ
ກ່ຽວກັບການຕໍ່ສູ້ຕ້ານອີໂບລາກ່າວວ່າ ທ່ານເປັນຫວ່ງວ່າ ຄວາມ
ສຳເລັດໃນການປິ່ນປົວພະຍາດຮ້າຍແຮງເຖິງຕາຍທີ່ວ່ານີ້ ອາດ ຈະພາໃຫ້ເກີດຄວາມເພິ່ງພໍໃຈ ໃນລະດັບໃດລະດັບນຶ່ງ.
ຜູ້ຕາງໜ້າພິເສດຂອງເລຂາທິການໃຫຍ່ອົງການສະຫະປະຊາຊາດ
ເພື່ອຮັບມືສຸກເສີນ ກັບອີໂບລາ ທ່ານ Ould Cheikh Ahmed
ໄດ້ໂອ້ລົມກັບພວກນັກຂ່າວໃນນະຄອນຫຼວງ Monrovia ຂອງ
Liberia ໃນວັນພຸດວານນີ້ວ່າ ໃນລະຫວ່າງທີ່ທ່ານໄດ້ໄປຢ້ຽມ
ຢາມຂົງເຂດທີ່ໄດ້ຮັບຜົນກະທົບຈາກອີໂບລາຄັ້ງທຳອິດຂອງທ່ານ.
ທ່ານ Ahmed ໄດ້ກ່າວເຖິງຄວາມປະທັບໃຈອັນທຳອິດຂອງທ່ານ ກ່ຽວກັບສະພາບການນັ້ນ ວ່າ ປະສົມປະສານກັນ ໂດຍໄດ້ກ່າວວ່າ ມັນຍັງມີອີກຫຼາຍສິ່ງຫຼາຍຢ່າງທີ່ຈະຕ້ອງເຮັດ ເພື່ອຈະໃຫ້ Liberia ປອດຈາກອີໂບລາ.
ໃນ Liberia ທ່ານ Ahmed ໄດ້ພົບປະກັບປະທານາທິບໍດີຂອງປະເທດ ທ່ານນາງ Ellen
Johnson Sirleaf.
Liberia ພ້ອມທັງ Sierra Leone ແລະ Guinea ແມ່ນບັນດາປະເທດທີ່ໄດ້ຮັບຜົນກະ ທົບຈາກອີໂບລາທີ່ຮ້າຍແຮງສຸດ.
ທ່ານ Ahmed ໄດ້ກ່າວວ່າ ອີໂບລາ ແມ່ນແລະຄວນເປັນ “ການຕໍ່ສູ້ທີ່ຈັດສັນໂດຍລັດຖະບານ” ກໍຄືກັນກັບ “ກ່ຽວກັບປະຊາຊົນ, ກ່ຽວກັບຊະຕາກຳຂອງປະເທດຊາດ ເຂົາເຈົ້າ.”
