ອົງການອະນາໄມໂລກ ຫລື WHO ກ່າວວ່າ ຈຳນວນຜູ້ເສຍ
ຊີວິດຈາການລະບາດ ນຂອງເຊື້ອອີໂບລາ ໄດ້ເພີ້ມຂື້ນເປັນ
4,555 ຄົນ ພ້ອມທັງຈຳນວນກໍລະນີຕິດແປດ ທີ່ໄດ້ຮັບການ
ໄດ້ຢືນຢັນ ມີເຖິງ 9,200 ຄົນ.
ໂຕເລກໃໝ່ທີ່ນຳອອກເຜີຍແຜ່ ໃນວັນສຸກວານນີ້ ສະແດງໃຫ້
ເຫັນວ່າ ຈຳນວນຄົນຕາຍທັງໝົດ ນອກຈາກ 9 ຄົນ ແມ່ນເສຍ
ຊີວິດຢູ່ໃນປະເທດ ກີນີ ໄລບີເຣຍ ແລະຊິແອຣາ ລີິອອນ.
ກ່ອນໜ້ານັ້ນ ອົງການອະນາໄມໂລກ ໄດ້ປະກາດໃຫ້ ເຊເນກາລ
ເປັນປະເທດປອດ ອີໂບລາ 42 ມື້ ຫລັງຈາກເຈົ້າໜ້າທີ່ໄດ້ລາຍງານໃຫ້ຊາບ ກ່ຽວກັບກໍ
ລະນີຕິດເຊື້ອອີໂບລາ ກໍລະນີດຽວຢູ່ໃນປະເທດ.
ໃນຂະນະດຽວກັນ ອົງການຂ່າວ AP ກ່າວວ່າ ຕົນໄດ້ສຳເນົາລາຍງານພາຍໃນຂອງອົງ
ການອະນາໄມໂລກ ມາສະບັບນຶ່ງ ທີ່ບອກລຳດັບຂັ້ນຕອນຕ່າງໆ ທີ່ WHO ໄດ້ພາດ
ໂອກາດໄປ ໃນການປ້ອງກັນເຊື້ອອີໂບລາ ບໍ່ໃຫ້ແຜ່ລະບາດອອກໄປ ບໍ່ດົນຫລັງຈາກໄດ້
ມີການວິນິດໄສໂຣກນີ້ຢູ່ໃນ ກີນີ ໄລບີເຣຍ ແລະຊິແອຣາ ລີອອນ.
ເອກະສານທີ່ຮົ່ວໄຫລອອກມາ ກ່າວວ່າ WHO ໄດ້ຕິຕຽນພະນັກງານຕົນເອງ ໃນການ
ຕອບໂຕ້ລ່າຊ້າຕໍ່ການແຜ່ລະບາດ ຂອງອີໂບລາ ໂດຍກ່າວວ່າ ບັນດາ ພະນັກງານ WHO
ບໍ່ເຂົ້າໃຈວ່າ ວິທີການຍັບຍັ້ງການແຜ່ລະບາດຂອງພະຍາດ ຕິດແປດ ທີ່ໃຊ້ກັນມາເປັນປະ
ເພນີນັ້ນ ຈະບໍ່ໄດ້ຜົນຢູ່ໃນຂົງເຂດທີ່ມີຊາຍແດນລະຫວ່າງປະເທດ ທີ່ຂ້າມໄປມາຫາກັນໄດ້
ງ່າຍ ແລະໂຄງລ່າງພື້ນຖານດ້ານສາທາລະນະສຸກ ທີ່ເພພັງ.
ໃນວັນສຸກວານນີ້ ປະທານາທິບໍດີສະຫະລັດ ທ່ານ Barack Obama ໄດ້ ແຕ່ງຕັ້ງອະດີດ
ຜູ້ຊ່ວຍຮອງປະທານາທິບໍດີ Joe Biden ຄືທ່ານ Ron Klain ເປັນຫົວໜ້າສູງສຸດ ໃນການ
ຮັບມືກັບອີໂບລາ ໂດຍມີໜ້າທີ່ປະສານຄວາມພະຍາຍາມ ຂອງພະແນກຕ່າງໆຂອງ
ສະຫະລັດ ເພື່ອຕໍ່ສູ້ກັບເຊື້ອໄວຣັສນີ້.
