ລາຍງານຈຳນວນກໍລະນີຕິດເຊື້ອອີໂບລາ ໄດ້ເພີ້ມຂຶ້ນເປັນຄັ້ງທຳອິດໃນປີນີ້ ໃນສາມປະເທດ ອາຟຣິກາຕາເວັນຕົກ ບ່ອນທີ່ການແຜ່ລະບາດຂອງໂຮກນີ້ ຍັງສືບຕໍ່ຄຸກຄາມຢູ່ນັ້ນ.
ອົງການອະນາໄມໂລກ ຫຼື WHO ກ່າວວ່າ ມີການລາຍງານ 124 ກໍລະນີໃໝ່ ໃນອາທິດທີ່ ສິ້ນສຸດລົງໃນວັນທີ 1 ກຸມພາຜ່ານມາ ໂດຍທີ່ມີ 80 ກໍລະນີໃໝ່ ໃນ Sierra Leon ຕາມດ້ວຍ 39 ກໍລະນີ ໃນ Guinea ແລະ 5 ກໍລະນີ ໃນ Liberia.
ໃນລາຍງານຫຼ້າສຸດ ທີ່ນຳອອກເຜີຍແຜ່ໃນວັນພຸດວານນີ້ ອົງການ WHO ໄດ້ກ່າວວ່າ ມັນມີຄວາມຈຳເປັນຢ່າງຮີບດ່ວນ ທີ່ຈະຍຸດຕິການລະບາດຂອງໂຣກດັ່ງກ່າວ ກ່ອນລະດູຝົນທີ່ຈະເລີ້ມຂຶ້ນ ຊຶ່ງເຮັດໃຫ້ການເຂົ້າຮອດເຂົ້າເຖິງແລະປິ່ນປົວນັ້ນ ຍິ່ງຫຍຸ້ງຍາກ ລຳບາກຂຶ້ນ.
ນັບຕັ້ງແຕ່ການແຜ່ລະລາດຂອງໂຣກອີໂບລາໄດ້ເລີ້ມຂຶ້ນນັ້ນ ແມ່ນມີຜູ້ຕິດເຊື້ອເກືອບ 22 ພັນ 500 ກໍລະນີ ທີ່ໄດ້ລາຍງານໃນສາມປະເທດ ແລະມີເກືອບ 9,000 ກໍລະນີ ເສຍຊີວິດ.
