ອົງການອະນາໄມໂລກ ຫລື WHO ກ່າວວ່າ ຜູ້ໃດຜູ້ນຶ່ງທີ່ກວດ
ພົບວ່າ ມີເຊື້ອ HIV ທີ່ເປັນເຊື້ອໄວຣັສທີ່ພາໃຫ້ເປັນໂຣກ AIDS
ນັ້ນຄວນໄດ້ຮັບການປິ່ນປົວດ້ວຍການກິນຢາຕ້ານເຊື້ອຫຼື ART
ໃນທັນທີ ຢູ່ໃນຂໍ້ແນະນຳໃໝ່ທີ່ໄດ້ປະກາດ ໂດຍອົງການດັ່ງ
ກ່າວຂອງສະຫະປະຊາຊາດ ໃນວັນພຸດມື້ນີ້.
ອົງການ WHO ກ່າວໃນວັນພຸດມື້ນີ້ວ່າ “ການຂະຫຍາຍ ໃນ
ການປິ່ນປົວດ້ວຍຢາຕ້ານເຊື້ອ ແມ່ນໄດ້ຮັບການສະໜັບສະ
ໜູນ ຈາກການຄົ້ນພົບ ໃນການທົດລອງຢູ່ຕາມຄລີນິກ ທີ່ຢືນ
ຢັນວ່າ ການໃຊ້ປິ່ນປົວໂດຍຢາຕ້ານເຊື້ອ ART ໃນຂັ້ນຕົ້ນໆ
ນັ້ນ ເຮັດໃຫ້ຜູ້ຄົນທີ່ຕິດເຊື້ອ HIV ນັ້ນ ມີຊີວິດຢູ່ລອດ ສຸຂະ
ພາບດີຂື້ນ ແລະຫລຸດຜ່ອນໃນການສ່ຽງ ຕໍ່ການແຜ່ເຊື້ອ ໄວຣັສໄປຫາຄູ່ຫລັບນອນ”.
ອົງການອະນາໄມໂລກ ໄດ້ກ່າວກ່່ອນໜ້ານັ້ນວ່າ ບັນດາຄົນຄວນໄດ້ຮັບການປິ່ນປົວ
ຫລັງຈາກການນັບແຊລທີ່ມີພູມຄຸ້ມກັນ ໄດ້ຫລຸດລົງສູ່ຈຸດທີ່ສຳຄັນ.
ອົງການ WHO ກ່າວວ່າ ຂໍ້ແນະນຳໃໝ່ນີ້ ຈະເພີ້ມຈຳນວນຄົນ ທີ່ຈະໄດ້ຮັບ ການປິ່ນ
ປົວດ້ວຍການກິນຢາ ART ຈາກ 28 ລ້ານຄົນໃນປັດຈຸບັນ ຂຶ້ນເຖິງ 37 ລ້ານຄົນຢູ່ທົ່ວ
ໂລກ ທີ່ຕິດເຊື້ອ HIV.
ໃນວັນພຸດມື້ນີ້ເຊັ່ນດຽວກັນ ອົງການ WHO ກ່າວວ່າ ຕົນແນະນຳວ່າ ຜູ້ຄົນທັງ ໝົດ ທີ່
ມີຄວາມສ່ຽງຢ່າງໃຫຍ່ ຕໍ່ການຕິດເຊື້ອໄວຣັສນັ້ນຄວນໄດ້ຮັບການປິ່ນປົວ ແບບປ້ອງ
|ກັນ ບໍ່ພຽງແຕ່ພວກຜູ້ຊາຍ ທີ່ມີເພດສຳພັນກັບຜູ້ຊາຍເທົ່ານັ້ນ.
ອົງການອະນາໄມໂລກ ກ່າວວ່າ ການຂະຫຍາຍເພື່ອໃຫ້ເຂົ້າເຖິງການປິ່ນປົວນີ້ ແມ່ນ
ຫົວໃຈໃນການເລີ້ມຕົ້ນໃໝ່ຂອງເປົ້າໝາຍ ທີ່ແນໃສ່ເພື່ອຍຸດຕິໂຣກ AIDS ພາຍໃນ
ປີ 2030.
