Whitney Houston ນັກຮ້ອງແລະນັກສະແດງທີ່ໄດ້ຮັບລາງວັນ Grammy ເສຍຊີວິດລົງ
ເມື່ອວັນເສົາວານນີ້ ໂດຍມີອາຍຸໄດ້ 48 ປີ ທີ່ຫ້ອງໂຮງແຮມແຫ່ງນຶ່ງ ທີ່ນະຄອນລອສແອນ
ເຈີເລສ ລັດແຄລິຟໍເນຍ
ຂ່າວເອພີ ໄດ້ອ້າງເອົາຄໍາເວົ້າຂອງນັກຮ້ອງ Bobby Brown ອະດີດສາມີຂອງ ວິດນີ ຮີວ
ສຕັນ ທີ່ເວົ້າ ກ່ອນຂຶ້ນເວທີສະແດງທີ່ລັດມີສຊິສຊິບປີ ໃນຄືນວັນເສົານັ້ນວ່າ “ວິດນີ ຂ້ອຍ
ຢາກບອກເຈົ້າວ່າຂ້ອຍຮັກເຈົ້າ ສິ່ງທີ່ໜັກໜ່ວງທີ່ສຸດສໍາລັບຂ້ອຍເວລານີ້ ກໍຄືມາຢູ່ເທິງເວທີ
ສະແດງນີ້.”
ຕໍາຫລວດກ່າວວ່າ ພວກນາຍໝໍປະກາດວ່າ ວິດນີ ຮີວສຕັນ ເສຍຊີວິດເມື່ອຕອນແລງວັນ
ເສົາ ທີ່ຫ້ອງພັກຊັ້ນສີ່ຂອງໂຮງແຮມ Beverly Hilton Hotel.
Mark Rosen ໂຄສົກຕໍາຫລວດຄຸ້ມດາລາ Beverly Hill ກ່າວວ່າ ພວກເຈົ້າໜ້າທີ່ ແລະ
ພວກໝໍມາທີ່ຫ້ອງພັກຂອງໂຮມແຮມ ນເວລາບໍ່ເທົ່າໃນນາທີຫລັງຈາກໄດ້ຮັບແຈ້ງສຸກເສີນ.
ພວກເຈົ້າໜ້າທີ່ກ່າວວ່າ ພວກພະຍາບານພະຍາຍາມຊ່ວຍໃຫ້ວິດນີຟື້ນຄືນແຕ່ບໍ່ສໍາເລັດ.
ຕໍາຫລວດກ່າວວ່າຍັງບໍ່ຮູ້ສາເຫດຂອງການເສຍຊີວິດຂອງນາງເທື່ອ ແລະວ່າ ບໍ່ມີຮ່ອງຮອຍ
ໃດໆທີ່ວ່າມາຈາກອາຊະຍາກໍາ.
ການສູນເສຍນັກຮ້ອງຊື່ດັງຂອງສະຫະລັດຄົນນີ້ ເກີດຂຶ້ນໃນຕອນແລງຂອງວັນງານມອບ
ລາງວັນ Grammy ອັນສູງສົ່ງຂອງອຸດສະຫະກໍາດົນຕີຂອງສະຫະລັດ ທີ່ນະຄອນ Los
Angeles ບ່ອນທີ່ວິດນີ ທີ່ໄດ້ຮັບລາງວັນ Grammy ມາແລ້ວຫົກອັນນັ້ນ ໄດ້ເຕົ້າໂຮມ
ກັບພວກນັກຮ້ອງຫລາຍຮ້ອຍຄົນ ເພື່ອເຂົ້າຮ່ວມໃນງານມອບລາງວັນໃນວັນອາທິດມື້ນີ້
ຫລືອີກປະມານ 12 ຊົ່ວໂມງຂ້າງໜ້ານີ້.
ພວກຈັດງານລາງວັນແກຣມມີ ກ່າວວ່າ Jennifer Hudson ນັກຮ້ອງທີ່ ໄດ້ຮັບລາງວັນ
Grammy ຈະສະດຸດີ ວິດທີ ຮິວສຕັນ ໃນງານມອບລາງ ວັນດັ່ງກ່າວ ຊຶ່ງຈະມີການຖ່າຍ
ທອດອອກອາກາດສົດໃນວັນອາທິດມື້ນີ້.
