ລາຍງານປະຈໍາປີຂອງທໍານຽບຂາວ ວ່າດ້ວຍເງິນເດືອນຂອງພວກພະນັກງານໃນທໍາ
ນຽບຂາວສະແດງໃຫ້ເຫັນວ່າ ພະນັກງານ 21 ຄົນຈະໄດ້ຮັບເງິນເດືອນຫລາຍທີ່ສຸດ
172 ພັນ 200 ດອລລາຕໍ່ປີສໍາລັບປີນີ້.
ພວກທີ່ໄດ້ເງິນເດືອນຫລາຍກວ່າໝູ່ເຫລົ່ານີ້ ແມ່ນຮວມທັງທ່ານນາງ Valerie Jarrett
ທີ່ປຶກສາຂັ້ນອາວຸໂສ ທ່ານ William Daley ຫົວໜ້າກອງເລຂາປະຈໍາທໍານຽບຂາວ
ແລະທ່ານ Jon Favreau ຜູ້ອໍານວຍການຝ່າຍຂຽນຄໍາປາໄສໃຫ້ປະທານາທິບໍດີ.
ລາຍງານຂອງທໍານຽບຂາວທີ່ເປີດເຜີຍໃຫ້ປະຊາຊົນຮູ້ໃນວັນສຸກຜ່ານມາ ສະແດງໃຫ້
ເຫັນວ່າ ເງິນເດືອນປະຈໍາປີນີ້ ສໍາລັບພວກພະນັກງານທັງໝົດ 454 ຄົນຂອງທໍານຽບ
ຂາວ ຈະຕົກເປັນ 37 ລ້ານກັບ 1 ແສນ ດອລລາ. ຫລາຍກວ່າ 1 ສ່ວນ 3 ຂອງພະ
ນັກງານທັງໝົດ ຈະໄດ້ ຮັບເງິນຫລາຍກວ່າ 1 ແສນດອລລາຕໍ່ປີ ແລະຜູ້ທີ່ໄດ້ເງິນເດືອນ
ຕໍ່າສຸດ ແມ່ນ 41 ພັນດອລລາຕໍ່ປີ.
ປະທານາທິບໍດີໂອມາບາ ໄດ້ວາງກໍານົດບໍ່ໃຫ້ຂຶ້ນເງິນເດືອນສໍາລັບພວກພະນັກງານທີ່
ໄດ້ຮັບເງິນເດືອນຫລາຍກວ່າ 1 ແສນດອລລາຕໍ່ໄປ ຫລັງຈາກທ່ານໄດ້ຂຶ້ນດໍາລົງຕໍາ
ແໜ່ງໃນທໍານຽບຂາວ.
ເງິນເດືອນປະຈໍາປີຂອງປະທານາທິບໍດີໂອບາມາເອງນັ້ນ ແມ່ນ 4 ແສນດອລລາຕໍ່ປີ.
ລັດສະພາສະຫະລັດບັງຄັບໃຫ້ທໍານຽບຂາວຕ້ອງເຮັດລາຍງານປະຈໍາປີແຈ້ງໃຫ້ສະພາ
ຮູ້ວ່າ ພະນັກງານໃນທໍານຽບຂາວແຕ່ລະຄົນໄດ້ເງິນເດືອນປະຈໍາປີເທົ່າໃດ.
ລັດຖະບານໂອບາມາໄດ້ແຈ້ງຂ່າວເງິນເດືອນຂອງພວກພະນັກງານປະຈໍາທໍານຽບຂາວ
ໃຫ້ຮູ້ໃນອິນເຕີແນັດໃນແຕ່ລະປີ.
