ຮອງປະທານາທິບໍດີສະຫະລັດທ່ານ Joe Biden ໄດ້ເປີດກອງ
ປະຊຸມສຸດຍອດຂອງທຳນຽບຂາວ ກ່ຽວກັບການຕໍ່ສູ້ຕ້ານພວກ
ຫົວຮຸນແຮງຈັດ ໃນວັນອັງຄານວານນີ້ ໂດຍກ່າວວ່າ ການຕໍ່ສູ້ນີ້
ຕ້ອງໄດ້ດຳເນີນ ຫຼາຍໄປກວ່າແຕ່ ການໃຊ້ກຳລັງທະຫານ.
ທ່ານ Biden ກ່າວວ່າ “ບັນດາສັງຄົມຕ່າງໆ ຕ້ອງໄດ້ສະໜອງ
ທາງເລືອກທີ່ດີ ແກ່ບັນດາປະຊາຄົມອົບພະຍົບ ທີ່ເຂົ້າຢູ່ໃນສະ
ຫະລັດ ໃຫ້ຮູ້ສຶກວ່າ ມີໂອກາດ ຮູ້ສຶກຕໍ່ສ່ວນຮວມບໍ່ໃຫ້ເຊື່ອຟັງ
ຕໍ່ຄຳຮຽກຮ້ອງຂອງພວກການກໍ່ການຮ້າຍ ທີ່ໃຫ້ ເກີີດຄວາມ
ຢ້ານກົວ ຄວາມໂດດດ່ຽວ ຄວາມກຽດຊັງ ແລະຄວາມບໍ່ພໍໃຈ."
ເຂົ້າຮ່ວມກອງປະຊຸມນີ້ ພ້ອມກັບຮອງປະທານນາທິບໍດີສະຫະລັດ ຢູ່ທີ່ທຳນຽບຂາວ ມີບັນ
ດາຜູ້ນຳຈາກ ນະຄອນ Boston, Los Angeles ແລະ Minneapolis ສາມເມືອງໃຫຍ່ຂອງສະຫະລັດ ທີ່ມີພວກອົບພະຍົບເຂົ້າເມືອງຢ່າງຫລວງຫລາຍ ນັ້ນ.
ໂຄງການສຳຫລັບພວກຊາວໝຸ່ມຢູ່ໃນບັນດາເມືອງເຫຼົ່ານີ້ ໄດ້ປະສົບຜົນສຳເລັດໃນການ
ເຮັດໃຫ້ພວກຊາວໜຸ່ມອົບພະຍົບ ເຂົ້າມາປະສົມປະສານ ຮ່ວມກັບສັງຄົມ ແລະໜີອອກ
ຈາກສະພາບທີ່ຢູ່ຢ່າງໂດດດ່ຽວ ແລະຄວາມຄຽດແຄ້ນ ທີ່ພວກຫົວ ຮຸນແຮງຈັດສວຍໃຊ້
ເພື່ອຫລອກລໍ້ເອົາພວກທີ່ອາດຈະມາເປັນພວກກໍ່ການຮ້າຍໄດ້.
ທ່ານ Bieden ກ່າວວ່າ ທ່ານເຊຶ່ອວ່າ ສະຫະລັດມີປະສົບການຫລາຍທີ່ສຸດ ໃນການປະ
ສົມປະສານບັນດາຊາວໜຸ່່ມຂອງພວກຊົນກຸ່ມນ້ອຍ ໃຫ້ເຂົ້າມາຮວມຢູ່ໃນສັງຄົມ ຫລາຍ
ກວ່າບັນດາປະເທດໃນຢູໂຣບ.
ບັນດາເຈົ້າໜ້າທີ່ຈາກ 60 ປະເທດ ໄດ້ເຂົ້າຮ່ວມກອງປະຊຸມສຸດຍອດຂອງທຳ ນຽບຂາວ
ກ່ຽວກັບພວກຫົວຮຸນແຮງຈັດ. ປະທານາທິບໍດີ Barack Obamaມີແຜນທີ່ຈະກ່າວຄຳ
ປາໄສ ຕໍ່ກອງປະຊຸມດັ່ງກ່າວ ໃນທ້າຍອາທິດນີ້.
ເບິ່ງວີດີໂອກ່ຽວຂ້ອງ:
