ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ທໍານຽບຂາວ ບໍ່ໄດ້ສະແດງຄໍາອະທິບາຍອັນໃດ ກ່ຽວກັບຂໍ້ຈຳກັດດ້ານອາວຸດຕ່າງໆ ສໍາລັບ ອິສຣາແອລ


ແຟ້ມຮູບ-ທະຫານອິສຣາແອລ ເຄື່ອນໄຫວຂຶ້ນໄປຢູ່ດ້ານເທິງຂອງລົດຖັງ ໃກ້ກັບຊາຍແດນອ ອິສຣາແອລ-ກາຊາ, ເຊິ່ງແນມເຫັນໄດ້ຈາກພາກໃຕ້ຂອງອິສຣາແອລ, ວັນທີ 21 ມີນາ 2024. ອາວຸດທີ່ຂາຍໃຫ້ອິສຣາແອລ ແມ່ນຢູ່ພາຍໃຕ້ການກວດກາຢ່າງລະອຽດ ທ່າມກາງຄວາມໂກດແຄ້ນກ່ຽວກັບຜູ້ເສຍຊີວິດຫຼາຍກວ່າ 33,000 ຄົນ ໃນຂົງເຂດກາຊາ.
ແຟ້ມຮູບ-ທະຫານອິສຣາແອລ ເຄື່ອນໄຫວຂຶ້ນໄປຢູ່ດ້ານເທິງຂອງລົດຖັງ ໃກ້ກັບຊາຍແດນອ ອິສຣາແອລ-ກາຊາ, ເຊິ່ງແນມເຫັນໄດ້ຈາກພາກໃຕ້ຂອງອິສຣາແອລ, ວັນທີ 21 ມີນາ 2024. ອາວຸດທີ່ຂາຍໃຫ້ອິສຣາແອລ ແມ່ນຢູ່ພາຍໃຕ້ການກວດກາຢ່າງລະອຽດ ທ່າມກາງຄວາມໂກດແຄ້ນກ່ຽວກັບຜູ້ເສຍຊີວິດຫຼາຍກວ່າ 33,000 ຄົນ ໃນຂົງເຂດກາຊາ.

ການຂາຍອາວຸດໃຫ້ແກ່ ອິສຣາແອລ ຂອງສະຫະລັດ ແມ່ນຢູ່ພາຍໃຕ້ການກວດສອບຢ່າງລະອຽດເພີ້ມຂຶ້ນ ທ່າມກາງຄວາມໂກດແຄ້ນຕໍ່ການເສຍຊີວິດຂອງປະຊາຊົນ 33,000 ຄົນຢູ່ໃນຂົງເຂດກາຊາ, ລວມທັງພະນັກງານຊ່ວຍເຫຼືອ 7 ຄົນຈາກອົງການອາຫານເພື່ອການກຸສົນ World Central Kitchen ທີ່ມີສໍານັກງານໃຫຍ່ໃນນະຄອນຫຼວງວໍຊິງຕັນ ເຊິ່ງເສຍຊີວິດຈາກການໂຈມຕີທາງອາກາດຂອງ ອິສຣາແອລ ໃນວັນຈັນແລ້ວນີ້.

ປະທານາທິບໍດີ ໂຈ ໄບເດັນ ກ່າວຢູ່ຖະແຫຼງການສະບັບນຶ່ງ ໃນວັນອັງຄານແລ້ວນີ້ວ່າ ທ່ານ “ໂສກເສົ້າ ແລະເສຍໃຈ” ຕໍ່ການເສຍຊີວິດເຫຼົ່ານັ້ນ, ເຊິ່ງເປັນການປະນາມຢ່າງໜັກໜ່ວງຫຼ້າສຸດຂອງທ່ານ ຕໍ່ການດໍາເນີນສົງຄາມຂອງອິສຣາແອລ.

ອິສຣາ​ແອ​ລ ກ່າວ​ວ່າ ການ​ໂຈມ​ຕີ​ຄັ້ງ​ນີ້​ແມ່ນ "ບໍ່ໄດ້​ຕັ້ງ​ໃຈ" ​ແລະ​ໃຫ້ສັນຍາ​ວ່າ ຈະ​ດຳ​ເນີນ​ການ​ສືບສວນ.

ໃນ​ວັນ​ພຸດ​ວານ​ນີ້, ທ່ານ ໄບເດັນ ​ບໍ່​ໄດ້​ສົນ​ໃຈ​ກັບ​ຄຳ​ຖາມ​ກ່ຽວ​ກັບ​ວ່າ ທ່ານ​ຈະ​ສົ່ງ​ການ​ຊ່ວຍ​ເຫຼືອ​ທາງ​ທະຫານ​ຂອງ​ສະຫະລັດເຂົ້າໄປ ຫລື​ ບໍ່. ຜູ້ຊ່ວຍຂອງທ່ານຊີ້ໃຫ້ເຫັນວ່າ ຄະນະລັດຖະບານອາດຈະບໍ່ດໍາເນີນການດັ່ງກ່າວນັ້ນ ໂດຍອ້າງເຖິງການສະຫນັບສະຫນຸນຂອງສະຫະລັດຕໍ່ສິດທິຂອງອິສຣາແອລ ໃນການປົກປ້ອງຕົນເອງເພື່ອຕໍ່ສູ້ກັບ "ໄພຂົ່ມຂູ່ທີ່ອາດເກີດຂຶ້ນໄດ້" ຈາກກຸ່ມຮາມາສ.

White House shows no indication of restricting weapons for Israel
please wait

No media source currently available

0:00 0:03:25 0:00

ລັດຖະບານທ່ານໄບເດັນ ຈະລໍຖ້າຜົນການສືບສວນຂອງອິສຣາແອລ, ທີ່ປຶກສາກ່ຽວກັບການສື່ສານດ້ານຄວາມໝັ້ນຄົງແຫ່ງຊາດ ທ່ານຈອນ ເຄີບີ ກ່າວຕໍ່ບັນດານັກຂ່າວໃນວັນພຸດວານນີ້. ແລະກ່າວວ່າ "ຂ້າພະເຈົ້າຈະບໍ່ໃຫ້ຄວາມເຫັນ ກ່ອນຫນ້າການຕັດສິນໃຈທີ່ຍັງບໍ່ທັນອອກມາເທື່ອນັ້ນ."

ໃນການໃຫ້ສໍາພາດກັບອົງການຂ່າວ Reuters ໃນວັນພຸດວານນີ້, ຜູ້ກໍ່ຕັ້ງກຸ່ມ World Central Kitchen ທ່ານໂຮເຊ ອັນເດຣ (José Andrés) ໄດ້ກ່າວຫາອິສຣາແອລວ່າ ແນເປົ້າໝາຍ "ຢ່າງເປັນລະບົບ, ໂດຍຄັນຕໍ່ຄັນ" ໃສ່ຂະບວນລົດອາຫານຂອງກຸ່ມ. ທ່ານ​ກ່າວ​ວ່າ ທ່ານ​ໄດ້​ຈັດຕັ້ງ​ການ​ສື່ສານ​ຢ່າງ​ແຈ່ມ​ແຈ້ງ​ກັບ​ກອງທັບ​ອິສຣາ​ແອ​ລແລ້ວ ກ່ຽວ​ກັບ​ການດໍາເນີນງານຂອງບັນດາພະນັກງານໃຫ້ການຊ່ວຍເຫຼືອ​ຂອງ​ທ່ານ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG